परभणी : राज्यातील कृषी उत्पन्न बाजार समित्यांमध्ये १ आॅक्टोबर ते ३१ डिसेंबर २०१६ या कालावधीत विक्री केलेल्या सोयाबीनचे प्रतिक्विंटल २०० रुपये अनुदान शेतकऱ्यांच्या खात्यावर जमा करण्यासाठी १०८ कोटी ६४ लाख २९ हजार ७६० रुपये रक्कम राज्यातील २५ जिल्हा निबंधक (सहकारी संस्था) यांच्या खात्यावर करण्यात वितरित आली आहे.
बाजार समितीनिहाय लाभार्थी शेतकऱ्यांच्या खात्यावर आठ दिवसांच्या आत अनुदानाची रक्कम जमा करण्याचे आदेश देण्यात आले आहेत. २०१६-१७ मध्ये सोयाबीन उत्पादनात मोठ्या प्रमाणात वाढ झाली होती. त्यामुळे बाजारातील आवक वाढून दरात घसरण झाली होती.
त्यामुळे १ आॅक्टोबर ते ३१ डिसेंबर २०१६ या कालावधीत राज्यातील कृषी उत्पन्न बाजार समित्याअंतर्गत अडत व्यापाऱ्यांकडे सोयाबीनची विक्री केलेल्या शेतकऱ्यांना आर्थिक मदत देण्याच्या दृष्टीने राज्य शासनाने प्रतिक्विंटल २०० रुपये या प्रमाणे २५ क्विंटल मर्यादेपर्यंत अनुदान देण्याचे जाहीर केले होते. त्यासाठी शासनाने १०८ कोटी ६४ लाख २९ हजार ७६० रुपये एवढी रक्कम आकस्मिकता निधीतून खर्च करण्यासाठी राज्यातील २५ जिल्हा निबंधक (सहकारी संस्था) यांच्या खात्यावर वितरित केली आहे.
आठ दिवसांच्या आत बाजार समितीनिहाय शेतकरी लाभार्थ्यांच्या खात्यावर अनुदानाची रक्कम जमा करण्याचे आदेश देण्यात आले आहेत, असे जिल्हा उपनिबंधक कार्यालयातील सूत्रांनी सांगितले.
जिल्हानिहाय वितरित करण्यात आलेली सोयाबीन अनुदानाची रक्कम पुढीलप्रमाणे अशी : औरंगाबाद (३,९२,८७३ रुपये), जालना (६,९२,३०,४७२ रुपये), परभणी (५,२६,७५,३४० रुपये), हिंगोली (५,६७,१२,३५२ रुपये), नांदेड (३,८५,२९,२०६), लातूर (१९,३९,२९,३०४ रुपये), उस्मानाबाद (७७,९९,८१२ रुपये), बीड (३,४५,३७,५३४ रुपये), पुणे ग्रामीण (९,०९९४६ रुपये), सोलापूर (२,६९,७१४ रुपये), सांगली ५१,१०४ रुपये), नाशिक (३८,६७,२९८ रुपये), नगर (५६,७९,९६७ रुपये), जळगांव (३८,९८,५४२ रुपये), नंदुरबार (१९,८९,०१० रुपये), धुळे (६,७३,०८२ रुपये), अमरावती (१२,१६,५७,५२० रुपये), अकोला (७,५६,४९,२७४ रुपये), वाशीम (१४,७९,१३,५९४ रुपये), यवतमाळ (४,२४,३७,०२२ रुपये), नागपूर (१,२७,९४,९८४ रुपये), वर्धा (५,६१,०२,६९० रुपये), चंद्रपूर (६८,०९,७३६ रुपये), भंडारा (१५,८७४ रुपये).
परभणी जिल्ह्यातील बाजार समितीनिहाय लाभार्थी शेतकरी संख्या अाणि अनुदान रक्कम : परभणी २,४८४ (९०,१२,००० रुपये), जिंतूर २,८८४० (९९,९६,६९२ रुपये), बोरी१,५६२ (५१,८२,८०० रुपये), सेलू २,६१९(७८,८६,१७० रुपये), मानवत १,७४७ (४८,२६,६९० रुपये), पाथरी १,०४३ (३५,६१,००० रुपये), सोनपेठ ३२९ (१२,१९,२२२ रुपये), गंगाखेड ५०४ (१,६०,००,६६४ रुपये), पालम १३५(५,३१,७८६ रुपये), पूर्णा १,३८२(५०,९३,३४८ रुपये), ताडकळस ९२३(३७,६४,७३० रुपये).
