पोल्ट्रीधारकांना सवलतीच्या दरात धान्य

खानापूर तालुक्यातील दुष्काळी भागात मक्याचा तुटवडा मोठ्या प्रमाणात जाणवू लागला आहे. त्यामुळे कोंबड्यांना खाद्य तयार करता येईना. शासनाने धान्यावर अनुदान देऊन सवलतीच्या दरात धान्य उपलब्ध करून देण्याचा चांगला निर्णय घेतला आहे. त्यामुळे दुष्काळी पट्टयातील पोल्ट्रीधारकांना दिलासा मिळाला आहे. - शत्रुघ्न जाधव, पोल्ट्रीधारक, विटा
पोल्ट्रीधारकांना सवलतीच्या दरात धान्य
पोल्ट्रीधारकांना सवलतीच्या दरात धान्य

विटा, जि. सांगली : पोल्ट्रीधारकांना कोंबड्यांचे खाद्य तयार करण्यासाठी लागणाऱ्या मका, तांदूळ, बाजरी व गहू या धान्यांना अनुदान देऊन हे धान्य सवलतीच्या दरात शासनाकडून दिले जाणार आहे. त्यासाठी सर्व पोल्ट्रीधारकांकडून धान्यांचे मागणी अर्ज मागविण्यात आले आहेत. त्यामुळे पोल्ट्रीधारकांना दिलासा मिळाला आहे.

सध्या उपलब्ध असणारा कमी मका, वाढलेल्या दरामुळे अंडी उत्पादकांना मोठ्या प्रमाणात नुकसान सहन करावे लागत आहे. महाराष्ट्र राज्य लेअर पोल्ट्री अंडी उत्पादन संस्था व खानापूर तालुका कुक्कुटपालन सहकारी संस्थेने कोंबड्यांना खाद्य तयार करण्यासाठी शासनाला निवेदने दिली होती. त्यानुसार महाराष्ट्र शासनाच्या पशुसंवर्धन आयुक्तालयाने जिल्ह्याच्या पशुसंवर्धन उपायुक्तांना सर्व पोल्ट्रीधारकांना मका, तांदूळ, बाजरी, गहू या धान्यांसाठी अर्ज करण्यासाठी कळविले आहे. 

धान्यांचा तुटवडा असणाऱ्या पोल्ट्रीधारकांनी जिल्ह्याच्या ठिकाणी जिल्हा पशुसंवर्धन उपायुक्त व तालुक्याच्या ठिकाणी पशुधन विकास अधिकाऱ्यांकडे अर्ज दाखल करण्यास सुरवात केली आहे. शासनाकडून प्रत्येक पोल्ट्रीधारकाला चार ते पाच महिने पुरेल एवढा धान्याचा साठा मिळणार आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com