agriculture news in Marathi grain distribute on kesari card from today Maharashtra | Agrowon

केशरी शिधापत्रिकाधारकांना आजपासून सवलतीच्या दरात अन्नधान्य वितरण

टीम अॅग्रोवन
शुक्रवार, 24 एप्रिल 2020

शुक्रवारपासून (ता.२४) सवलतीच्या दरात केशरी रेशनकार्ड धारकास अन्नधान्याचे वाटप केले जाणार आहे. यामधे ८ रुपये किलो गहू तर १२ रुपये किलो तांदूळ विक्री करण्यात येणार आहे.

मुंबई: कोरोना साथीचा मुकाबला करताना राज्यातील जनतेला अन्नधान्याचा तुटवडा पडून त्यांची उपासमार होता कामा नये. यासाठी शुक्रवारपासून (ता.२४) सवलतीच्या दरात केशरी रेशनकार्ड धारकास अन्नधान्याचे वाटप केले जाणार आहे. यामधे ८ रुपये किलो गहू तर १२ रुपये किलो तांदूळ विक्री करण्यात येणार आहे. याचा लाभ राज्यातील ३ कोटी ८ लाख जनतेस होणार आहे. मुंबई-ठाण्यातील सुमारे ५७ लाख जणांना याचा लाभ मिळणार आहे. 

करोना साथीचा मुकाबला करण्यासाठी देशात व राज्यात टाळेबंदी करण्यात आली आहे. त्यामुळे सर्व उद्योग, व्यवसाय बंद आहेत. टाळेबंदीमुळे घरातच बसावे लागलेल्या अत्यल्प उत्पन्न गटातील केशरी शिधपात्रिधारक कुटुंबांना सवलतीच्या दरात अन्नधान्य वितरण करण्याचा निर्णय राज्य सरकारने घेतला आहे. या निर्णयाची अंमलबजावणी शुक्रवारपासून (ता.२४) करण्यात येणार आहे. त्यांना ८ रुपये किलो दराने गहू व १२ रुपये किलो दराने तांदूळ देण्यात येणार आहे. 

राज्यभरात ३ कोटी ८ लाख तर मुंबई परिक्षेत्रातील ५७ लाख लोकांना त्याचा लाभ होणार आहे. राष्ट्रीय अन्न सुरक्षा योजनेत समाविष्ट असलेल्या दारिद्री रेषेखालील कुटुंबांना रास्तभाव दुकानांमार्फत २ रुपये किलो दराने गहू व ३ रुपये किलो दराने तांदूळ देण्यात येतो. मजूर, हातावर पोट असलेल्या गरीब, कष्टकऱ्यांच्या रोजीरोटीचा प्रश्न निर्माण झाला आहे. त्यांना दिलासा देण्यासाठी केंद्र सरकारने प्रधानमंत्री गरीब कल्याण योजना सुरु करुन मोफत अन्नधान्याचे वाटप करण्याचा निर्णय घेतला. त्यानुसार सवलतीच्या दरातील अन्नधान्याबरोबर आता केंद्राच्या योजनेतील पाच किलो तांदूळही मोफत दिला जात आहे. 

राष्ट्रीय अन्न सुरक्षा योजनेच्या बाहेर असलेल्या व अत्यल्प उत्पन्न असेला वर्गही आर्थिक संकटात आहे, त्याचा विचार करुन केशरी शिधापत्रिकाधारक कुटुंबांना सवलतीच्या दरात अन्नधान्य वाटप करण्याचे राज्य सरकारने ठरविले. तसा ७ एप्रिलला राज्य मंत्रिमंडळाच्या बैठकीत निर्णय घेण्यात आला. ५९ हजार रुपयापेक्षा जास्त व एक लाख रुपयांपर्यंत वार्षिक उत्पन्न असलेल्या कुटुंबांना केशरी शिधात्रिका दिली जाते. 

या वर्गात ३ कोटी ८ लाख इतकी लोकसंख्या आहे. त्यांना ८ रुपये किलो दराने प्रतिव्यक्ती ३ किलो गहू व १२ रुपये किलो दराने प्रति व्यक्ती २ किलो तांदूळ म्हणजे पाच किलो अन्नधान्य देण्यात येणार आहे. त्यासाठी २५० कोटी रुपये इतका भार तिजोरीवर पडणार आहे. सवलतीच्या दरातील धान्य विक्री मे व जून महिन्यासाठी करण्यात येणार आहे. 

मुंबई परिक्षेत्रात मुंबई व ठाणे जिल्ह्यातील शहरीभागाचा समावेश होतो. या परिक्षेत्रात केशरी शिधात्रिकाधारकांची संख्या १३ लाख ६२ हजार ७५२ असून सदस्य संख्या ५७लाख २० हजार २४० इतकी आहे. शुक्रवारपासून त्यांना सवलतीच्या दरात गहू व तांदूळ देण्यात येणार आहे. त्यासाठी २९ हजार ३१० मेट्रिक टन अन्नधान्य लागणार असून, त्याची पूर्ण व्यवस्था करण्यात आल्याची माहिती नियंत्रक शिधावाटप व संचालक नागरी पुरवठा कैलास पगारे यांनी दिली. 

७ रेशन दुकानदारांवर गुन्हे दाखल
राष्ट्रीय अन्न सुरक्षा योजना व अन्य योजनेंतर्गत अन्नधान्याच्या वितरणात कोणत्याही प्रकारचा गैरव्यवहार खपवून घेतला जाणार नाही, त्यासाठी ४४ दक्षता पथके स्थापन करण्यात आली आहेत. १२ ते २१ एप्रिल या कालावधी ठिकठिकाणी छापे टाकून गैरव्यवहार करणाऱ्या ७ रास्तभाव दुकानदारांवर गन्हे दाखल करण्यात आल्याची माहितीही यावेळी कैलास पगारे यांनी दिली. 


इतर ताज्या घडामोडी
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...
शेतमाल स्थानिक भागात विकला जाणार : भुजबळनाशिक : त्र्यंबकेश्वर तालुक्यात आदिवासी समाज...
परभणी, हिंगोली जिल्ह्यात पावसाचे थैमाननांदेड : मराठवाड्यातील परभणी, हिंगोली जिल्ह्यात...
नाशिक विभागात कांदा लागवडीत ८ हजार...नाशिक : चालू वर्षी खरीप कांद्याच्या लागवडीपूर्वी...
रावेर तालुक्यात सीएमव्ही नुकसानीचे...जळगाव ः कुकुंबर मोसॅक विषाणूमुळे (सीएमव्ही)...
हिंगोली जिल्ह्यात सोयाबीनच्या पिकाला...हिंगोली : जिल्ह्यामध्ये मागील काही दिवसांपासून...
मराठवाड्यात अतिपाऊस खरीप पिकांच्या...औरंगाबाद : मराठवाड्यात गत काही दिवसांपासून...
धुळ्यात लाळ्या खुरकूत रोग प्रतिबंधक...धुळे : धुळे जिल्ह्यात ३० सप्टेंबरपर्यंत...
पावसाचा डाळींब पिकाला तडाखाआटपाडी, जि. सांगली ः अवर्षण प्रवण असलेल्या आटपाडी...
मायक्रो फायनान्सचे चक्रव्यूह...मुंबई : ग्रामीण भागातील सूक्ष्म वित्त पुरवठा...
नगर जिल्ह्यात अतिवृष्टीचा चार हजार...नगर ः यंदा पावसाळ्याच्या सुरुवातीपासून चांगला...
कोकण कृषी विद्यापीठात बांबू कार्यशाळेचे...दापोली, जि. रत्नागिरी : जगभरात दरवर्षी १८...
अकोला जिल्ह्यातील सहा खत विक्रेत्यांचे...अकोला ः या हंगामात खत विक्रीत मोठ्या प्रमाणात...
सदोष बियाणेमुळे भेंडी बीजोत्पादक अडचणीतबुलडाणा ः लोणार तालुक्यातील शेतकऱ्यांनी या...
भातपीक कापणीत पावसाचा अडसररत्नागिरी : गेल्या काही दिवसांपासून सातत्याने...
ठाण्यातील १४ हजार हेक्टर पिकांचा काढला...मुंबई : ठाणे जिल्हा कृषी विभागाने यंदा पंतप्रधान...
औरंगाबादमध्ये कांदा ३०० ते २३०० रूपयेऔरंगाबाद : येथील कृषी उत्पन्न बाजार समितीमध्ये...
आरोग्यदायी विड्याचे पानकोणत्याही धार्मिक कार्यात, पूजेच्या ठिकाणी...