शाळांमध्ये शिल्लक धान्यांचे विद्यार्थ्यांना वाटप करणार

जिल्ह्यातील वाडी वस्त्यांवर असलेल्या शाळांमध्ये पोषण आहार योजनेचे दोन ते तीन महिन्याचे धान्य शिल्लक आहे. शाळा बंद असल्याने हे धान्य खराब होण्याची भिती आहे. शिल्लक धान्य कोरोनावर उपायोजना करताना गरजू कुटुंबांना उपयोगी ठरणार आहे. - रणजीत शिवतरे, उपाध्यक्ष जिल्हा परिषद
शाळांमध्ये शिल्लक धान्यांचे विद्यार्थ्यांना वाटप करणार
शाळांमध्ये शिल्लक धान्यांचे विद्यार्थ्यांना वाटप करणार

पुणे : कोरोनाच्या पार्श्वभुमीवर राज्यातील शाळांना सुट्टी देण्यात आली आहे. मात्र या शाळांतील विद्यार्थ्यांच्या पोषण आहारासाठी खरेदी केलेले दोन ते तीन महिन्यांचे धान्य शिल्लक आहे. यापूर्वीच अंगणवाडीतील बालकांना पोषण आहार वाटप करण्याच्या सूचना देण्यात आल्या आहेत. त्यानंतर शालेय पोषण आहारासाठीचे तांदूळ, डाळी, कडधान्याचे विद्यार्थ्यांना वितरीत करण्याच्या सूचना शासनाकडून देण्यात आल्या आहेत.

जिल्हा परिषदेचे उपाध्यक्ष रणजीत शिवतरे यांनी याबाबत उपमुख्यमंत्री अजित पवार यांना विनंती केली होती. ग्रामीण भागातील जिल्हा परिषदेच्या शाळा बंद आहेत. शाळांमध्ये दोन ते तीन महिन्यांचे धान्य शिल्लक असून ते खराब होण्यापेक्षा त्याचे वाटप करण्याची मागणी शिवतरे यांनी केली होती. त्यानंतर शासनाकडून तत्‍काळ याबाबत सूचना देण्यात आल्या आहेत. शाळेकडे शिल्लक असलेले धान्य मुख्याध्यापक व शाळा व्यवस्थान समितीने विद्यार्थ्यांना व हंगामी वसतीगृहातील विद्यार्थ्यांना समप्रमाणात वाटप करावे, याची पुर्वकल्पना जिल्हाधिकारी आणि पोलिसांना कल्पना द्यावी, असे आदेश राज्याच्या शालेय शिक्षण व क्रीडा विभागाचे उपसचिव राजेंद्र पवार यांनी दिली आहे.  असे होणार वाटप

  • आहार वाटपाचे शाळा व्यवस्थापन समितीला अधिकार
  • उपलब्ध धान्याची शाळा स्तरावरून प्रसिद्धी करावी
  • वाटप करताना गर्दी होणारी नाही याचे दक्षता घ्यावी
  • आजारी विद्यार्थ्यांना घरपोच आहार वाटपाच्या सुचना
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com