‘कोरोना’चा फैलाव रोखण्यासाठी ग्रामपंचायतींचा पुढाकार

‘कोरोना’चा फैलाव रोखण्यासाठी ग्रामपंचायतींचा पुढाकार
‘कोरोना’चा फैलाव रोखण्यासाठी ग्रामपंचायतींचा पुढाकार

पुणे ः जगभरात ‘कोरोना’चा फैलाव वाढत असून ग्रामीण भागात याला रोखण्यासाठी ग्रामपंचायतींनीदेखील पुढाकार घेतला आहे. जिल्ह्यातील मंचर आणि नारायणगाव ग्रामपंचायतींनी विविध उपाययोजनांसह सर्वसामान्य नागरिक आणि शेतकऱ्यांना सुविधा उपलब्ध करून दिल्या आहेत. 

मंचर ग्रामपंचायतीने गुरुवार (ता. १९) आणि शुक्रवारी (ता. २०) शहर बंद ठेवत स्वच्छता आणि निर्जंतुकीकरणासाठी नागरिकांना प्रोत्साहन दिले आहे. 

याबाबत सांगताना सरपंच दत्ता गांजळे म्हणाले, ‘‘ग्रामपंचायतीद्वारे सार्वजनिक ठिकाणी फवारणी करण्यात येत आहे. नागरिकांनीदेखील आपला वैयक्तिक परिसर स्वच्छतेसाठी ग्रामपंचायतीकडून औषध मोफत देण्यात येणार आहे. हे औषध घर व आजूबाजूचा परिसरात फवारावे. तसेच घरातील किंवा दुकानातील रोजच्या वापरात येणाऱ्या वस्तू  (उदा. टेबल, खुर्ची, कपाट, दरवाजे, कडी, कोयंडे, टी. व्ही, कॉम्पुटर आदी ) विविध प्रकारच्या वस्तू यांच्यावरही फवारणी करून घ्यावी. या औषधाचा मानवी शरीराशी संपर्क आल्यास घाबरून जाऊ नये. फक्त कपड्यावर औषध पडून देऊ नये याची काळजी घ्यावी. फवारणी करताना संपूर्ण अंग झाकले जाईल याची काळजी घ्यावी. 

शेतकऱ्यांनी ग्रामपंचायतमधून औषध घेऊन जावे व आपल्या जवळील शेती पंपाने आपल्या घरा शेजारी व आजूबाजूला औषध फवारणी करावी. ग्रामपंचायत परिसर आणि वाड्या वस्त्यांवर कोरोना प्रतिबंधात्मक उच्च प्रतीची फवारणी करण्यात येत आहे. ही फवारणी प्रत्येक आठवड्यात एकदा करण्यात येत आहे. यासाठी नागरिकांनी सहकार्य करण्याचे आवाहन करण्यात आले आहे.

नारायणगावचे सरपंच बाबू पाटे म्हणाले,‘‘गावात गर्दी होऊ नये यासाठी १२ ते ५ वाजेपर्यंच व्यवहार अंशतः सुरू ठेवण्यात येणार आहे. तर सर्वसामान्य नागरिकांना सार्वजनिक ठिकाणी सातत्याने हात धुण्यासाठी पाण्याच्या टाक्या आणि हॅन्डवॉशची व्यवस्था करण्यात आली आहे. शहरात नियमित फवारणी आणि स्वच्छता मोहीम राबविण्यात येत आहे.’’

थुंकल्यास तीन हजार दंड मंचरमध्ये सार्वजनिक ठिकाणी थुंकल्यास तीन हजार रुपये दंड ठोठावण्यात येणार असल्याचे ग्रामपंचायतीने जाहीर केले आहे. दंड न भरल्यास संबंधिताच्या मालमत्तेवर बोजा चढविण्यात येणार आहे. तर थुंकणाऱ्याचे छायाचित्र टिपणाऱ्यास पाचशे रुपये बक्षीस ग्रामपंचायतीतर्फे जाहीर करण्यात आले आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com