agriculture news in marathi Gram production will reduce in India Prediction by Informist | Agrowon

देशातील हरभरा उत्पादनात घट होण्याची शक्यता 

टीम अॅग्रोवन
शनिवार, 20 फेब्रुवारी 2021

यंदाच्या हंगामात देशातील हरभरा उत्पादनात घट होण्याची शक्यता असल्याचे इंफॉर्मिस्ट वृत्तसंस्थेच्या सर्वेक्षणात म्हटले आहे.

नवी दिल्ली : यंदाच्या हंगामात देशातील हरभरा उत्पादनात घट होण्याची शक्यता असल्याचे इंफॉर्मिस्ट वृत्तसंस्थेच्या सर्वेक्षणात म्हटले आहे. २०२०-२१ (जुलै ते जून) या काळात होणारे हरभरा उत्पादन ९६ लाख टनांच्या घरात राहणार असल्याचा अंदाज इंफॉर्मिस्टने व्यक्त केला आहे. जगभरातील दहा संस्थांना सोबत घेऊन केलेल्या या सर्वेक्षणात हरभऱ्याच्या मागील वर्षीच्या ९७ लाख टन उत्पादनात यंदा एक टक्क्याची घट होण्याची शक्यता वर्तविण्यात आली आहे. 

२०१९-२० मध्ये सरकारच्या ११४ लाख टन अंदाजापेक्षा खूपच कमी उत्पादन झाले होते. मध्य प्रदेशात हरभऱ्याचे घटलेले क्षेत्र यासाठी जबाबदार असल्याचे या सर्वेक्षणाचा अहवाल सांगतो. यंदाही सरकारी आकडेवारीपेक्षा उत्पादन कमी असेल असा बाजारातील तज्ज्ञांचा अंदाज आहे. 

केंद्रीय कृषी मंत्रालयाच्या माहितीनुसार या हंगामातील हरभऱ्याची पेरणी जानेवारीच्या शेवटच्या आठवड्यात पूर्ण झाली. गेल्या वर्षीच्या तुलनेत यंदा देशातील एकूण लागवडीखालील क्षेत्रात ४ टक्क्यांनी वाढ झाली आहे. महाराष्ट्र आणि गुजरातेत हरभऱ्याच्या लागवड क्षेत्रात अनुक्रमे १३ टक्के आणि ११ टक्के वाढ झाली असून, मध्य प्रदेशात हेच प्रमाण ६ टक्क्यांनी घसरले आहे. दुसरीकडे राजस्थान आणि उत्तर प्रदेशात लागवड क्षेत्रात फारसा बदल झालेला नाही. 

मध्य आणि उत्तर भारतात दिवसाच्या तापमानात झपाट्याने वाढ होत आहे. त्यामुळे उत्पादन किती राहील या बद्दल साशंकता व्यक्त होत आहे. काढणीच्या वेळी दिवसाच्या तापमानात वाढ झाल्यास त्याचा परिणाम जवळपास सर्व रब्बी पिकांच्या उत्पादनावर होत असतो. 

सर्वेक्षणातील ठळक मुद्दे : 

  • - हरभऱ्याचे उत्पादन ८२ ते ११५ लाख टनांच्या दरम्यान राहणार 
  • - महाराष्ट्र व गुजरातमधील वाढलेल्या क्षेत्राचा फायदा होऊ शकतो 
  • - झपाट्याने वाढणाऱ्या तापमानामुळे उत्पादन घटण्याची शक्यता 

प्रतिक्रिया...
राजस्थान आणि मध्य प्रदेशात डिसेंबर आणि जानेवारी महिन्यांमध्ये झालेल्या अतिरिक्त पावसामुळे उत्पादन वाढू शकते. 
-राहुल चौहान, संचालक, कृषी संशोधन, आयग्रेन इंडिया प्रा. लि. 

मध्य प्रदेशात हरभऱ्याचे क्षेत्र घटले असले तरी महाराष्ट्र व गुजरातमध्ये लागवड वाढली आहे. त्यामुळे एकूण उत्पादन कमी अधिक प्रमाणात स्थिर राहण्याची शक्यता आहे. 
- सुरेश अगरवाल, अध्यक्ष, अखिल भारतीय डाळ मिलर संघटना 

 


इतर अॅग्रोमनी
हळदीला दराचा ‘रंग’ पुणे ः हळद उत्पादनात घट झाल्याने यंदा हळदीचे दर...
अन्नधान्याचे विक्रमी उत्पादन नवी दिल्ली ः देशात यंदा अन्नधान्याचे विक्रमी...
राष्ट्रीय खाद्यतेल मिशनचा यंदाही चकवापुणे : राष्ट्रीय खाद्यतेल मिशनची यंदाही घोषणा न...
सोयाबीनमधील तेजी कायम पुणे ः सोयाबीनने प्लॅंट दरासह बाजार...
हरभरा बाजाराला ‘नाफेड’चा टेकू पुणे ः नाफेडने राज्यनिहाय खरेदीचे उद्दिष्ट जाहीर...
कापसाचा तुटवडा जाणवू लागला जळगाव : देशात सूतगिरण्यांसमोर कापूसटंचाई तयार...
देशातील हरभरा उत्पादनात घट होण्याची...नवी दिल्ली : यंदाच्या हंगामात देशातील हरभरा...
कोल्हापुरी गुळाला गुजरातेत आव्हान;...कोल्हापूर : यंदा कोल्हापुरी गुळाला गुजरातमधील...
भारतात यंदा ३६० लाख कापूस गाठींचे...मुंबई : भारतात यंदा ३६० लाख गाठींचे (१ गाठ = १७०...
प्रोजेक्ट रिपोर्ट, लायसन्ससाठी यापुढे...पुणे : केंद्र शासनाच्या कृषिविषयक योजनांचा लाभ...
देशात तांदळाचे विक्रमी उत्पादन कोल्हापूर : देशात यंदा तांदळाचे विक्रमी उत्पादन...
बाजारात हरभराही खाणार भाव हरभरा डाळ आणि बेसनला स्नॅक्स, प्रक्रिया उद्योग,...
द्राक्ष वाइन उत्पादनात ३५ टक्के घट शक्य नाशिक : कोरोनाच्या पार्श्वभूमीवर वाइन उत्पादकांनी...
शेतमाल बाजारातील सुधारणा कायम राहीलवॉशिंग्टन ः शेतीमालाचा आंतरराष्ट्रीय बाजार यंदा...
अर्जेंटिनात महागाई भडकलीब्युनॉस आयर्स ः अर्जेंटिनात शेतीमालाचे दर...
तुरीने खुल्या बाजारात ओलांडला हमीभावाचा...नगर : तुरीचे शासनाकडून हमी दराने खरेदी केली जात...
सोयाबीन पाच हजारांवरपुणे ः उत्पादनात घट, वाढलेली मागणी आणि चांगली...
तूर टप्प्‍याटप्प्याने विकण्याचे आवाहन पुणे ः देशात यंदा तूर उत्पादनात ३० टक्‍...
आंतरराष्ट्रीय बाजारात साखरेच्या दरात...कोल्हापूर : जागतिक बाजारपेठेत साखरेच्या दरात वाढ...
शेतजमीन भाडेपट्ट्यावर देण्यासाठी...नवी दिल्ली ः शेतजमिनी भाडेपट्ट्यावर देण्यासाठी...