agriculture news in Marathi gram rate up due to NAFED procurement announcement Maharashtra | Page 2 ||| Agrowon

हरभरा बाजाराला ‘नाफेड’चा टेकू 

अनिल जाधव
सोमवार, 22 फेब्रुवारी 2021

नाफेडने राज्यनिहाय खरेदीचे उद्दिष्ट जाहीर केल्यानंतर हरभरा बाजारात सुधारणा झाली आहे. वाढत्या कोरोनामुळे काही ठिकाणी बाजारात भीतीचे वातावरण असले, तरी ही स्थिती अल्प काळ असेल, पुढील काही दिवसांत स्थिती पूर्वपदावर येईल.

पुणे ः नाफेडने राज्यनिहाय खरेदीचे उद्दिष्ट जाहीर केल्यानंतर हरभरा बाजारात सुधारणा झाली आहे. वाढत्या कोरोनामुळे काही ठिकाणी बाजारात भीतीचे वातावरण असले, तरी ही स्थिती अल्प काळ असेल, पुढील काही दिवसांत स्थिती पूर्वपदावर येईल. आवक वाढल्यानंतरही उत्पादनातील घटीचा अंदाज आणि नाफेडच्या खरेदीमुळे दर जास्त तुटणार नाहीत. पुढील दोन महिन्यांत दर हमीभावाचा टप्पा गाठतील. त्यामुळे शेतकऱ्यांनी बाजाराचा अंदाज घेऊन विक्री करावी, असे आवाहन जाणकारांनी केले आहे. 

महाराष्ट्र, मध्य प्रदेश, राजस्थान, कर्नाटक, छत्तीसगड, उत्तर प्रदेशातील हरभरा उत्पादक पट्ट्यात नुकताच पाऊस झाला. त्याचा कमीअधिक प्रमाणात पिकाला फटका बसला आहे. याआधीच अनेक राज्यांत हरभरा उत्पादनात घट येण्याचा अंदाज व्यक्त करण्यात येत होता. त्यातच पावसामुळे फटका बसल्याने उत्पादनात आणखी घट होण्याचा अंदाज आहे. यंदा सर्वच शेतीमालाचे दर हे वाढलेले आहेत. देशात यंदा कडधान्य उत्पादनात घट झाल्याने हरभरा दरात वाढ होण्याची शक्यता आहे. 

गेल्या पंधरवाड्यात राज्यातील बाजार समित्यांमध्ये हरभरा दर ४२०० ते ४४५० रुपयांदरम्यान होते. मात्र नाफेडने राज्यात ६.१७ लाख टन हरभरा खरेदीचे उद्दिष्ट जाहीर केल्यानंतर आठवड्यात दरात सुधारणा होऊन ४४०० ते ४७५० रुपयांवर पोहोचले. मागील दोन दिवसांत कोरोनाच्या वाढत्या प्रादुर्भावाने काही बाजार समित्या बंद झाल्याने दर १०० रुपयांनी कमी झाले. मात्र ही स्थिती फार काळ राहणार नाही. बाजार पूर्वपदावर येऊन दर पुन्हा सुधारतील. त्यामुळे शेतकऱ्यांनी ‘पॅनिक सेल’ न करता टप्प्याटप्पाने विक्री करावी, असे आवाहन जाणकारांनी केले. 

छत्तीसगडमध्ये रायपूर, मुंगेली, कवर्धा, बेमेतरा, खैरागड या हरभरा उत्पादक पट्ट्यात पाऊस झाला आहे. तसेच ठिकठिकाणी हिमवृष्टी झाली. त्यामुळे उभे पीक आडवे होऊन मोठा फटका बसला आहे. यंदा बंपर पीक हातात येईल, असे वाटत असतानाच पावसाने पाणी फिरवले. आता ३० ते ४० टक्केच उत्पादन हातात येईल असे वाटत आहे. ६० ते ७० टक्के नुकसान झाल्याचे शेतकरी सांगत आहेत, असे रायपूर येथील दीपक लेडवाणी यांनी सांगितले. 

हरभरा तेजीत राहील 
शेतीमाल बाजार विश्‍लेषक दिनेश सोमाणी म्हणाले, की यंदा हरभरा उत्पादकतेत घट झाली आहे. बाजारात आवक वाढल्यानंतरही दर फारसे तुटणार नाहीत. पुढील दोन महिन्यांत हरभरा दर हमीभाव, ५१०० रुपयांपर्यंत पोचतील आणि ३ ते ४ महिन्यांत ५४०० रुपयांचा टप्पा गाठतील. तसेच कोरोनामुळे बाजार समित्यांमध्ये निर्माण झालेली भीतीची स्थिती काही काळ असेल, पुढील काही दिवसांत बाजार सुरळीत होईल. त्यामुळे शेतकऱ्यांनी माल टप्प्याटप्प्याने विकावा. भीतीने विक्री करू नये. 

सोमाणी म्हणाले... 

  • गेल्या वर्षीच्या तुलनेत उत्पादकतेत घट 
  • हरभऱ्याला ५१०० रुपये हमीभाव असून, बाजार दर ४७०० रुपये आहेत. हंगामात ४५०० पेक्षा दर पडतील अशी शक्यता नाही. 
  • नाफेड खरेदीत उतरल्यानंतर बाजारात आवक मंदावेल 
  • तुरीसह इतर कडधान्यांच्या दरात वाढ झाल्याने शेतकरी हरभरा टप्प्याटप्प्याने विकण्याची शक्यता. 
  • महाराष्ट्रतील काही बाजार समित्यांमध्ये कोरोनामुळे पॅनिक निर्माण झाले आहे. मात्र हे थोड्या काळासाठी असेल. पुढील काही दिवसांनंतर स्थिती पूर्वपदावर येईल. 
  • पुढील १ ते २ महिन्यांत हरभरा ५००० रुपयांवर जाईल आणि ३ ते ४ महिन्यांत ५४०० ची उच्चांकी पातळी गाठेल, अशी शक्यता आहे. 

नाफेडच्या खरेदीने मिळेल आधार 
कोरोनाकाळात डाळींचे वाटप केल्याने तसेच नुकतेच हरभरा विक्री केल्याने नाफेड यंदा मोठी खरेदी करेल, अशी शक्यता जाणकारांनी व्यक्त केली आहे. नाफेडने देशभरात राज्यनिहाय खरेदीचे उद्दिष्ट जाहीर केले आहे. परिणामी, बाजारात हरभरा दर वाढल्याचे पाहायला मिळत आहे. येणाऱ्या काळात बाजारात आवक वाढल्यानंतर नाफेडच्या खरेदीने दरावर फारसा परिणाम होणार नाही, असेही जाणकार सांगतात. 

नाफेडची राज्यनिहाय मागील हंगामातील 
खरेदी आणि यंदाचे उद्दिष्ट (टनांत) 

राज्य २०२० (खरेदी) २०२१ (उद्दिष्ट)
उत्तर प्रदेश ३४,४९८ २,१२,८५० 
महाराष्ट्र ३,३४,६२४ ६,१७,००० 
तेलंगणा ४७,६०० ५१,३२५ 
कर्नाटक १,०१,८४३ १,६७,००० 
मध्य प्रदेश ७,०६,३१४ २,२८,५०० 
आंध्र प्रदेश १,२७,९१५ १,३९,९०० 
राजस्थान ६,१५,६६७ उपलब्ध नाही 
हरियाना १०,६३६ उपलब्ध नाही 
गुजरात १,२२,४५८ उपलब्ध नाही 
एकूण २१,०१,५५५ १४,१६,५७५* 

(*एकूण उद्दिष्ट तीन राज्ये वगळता) 

प्रतिक्रिया
रायपूर आणि शेजारच्या हरभरा पट्ट्यात तीन ते चार दिवस पाऊस झाला. त्यामुळे पिकाचे मोठे नुकसान झाले. सुरुवातील पीक चांगले येईल असे वाटत असतानाच मोठा फटका बसला. या पट्ट्यात ३० ते ४० टक्केच पीक हातात येण्याची शक्यता आहे. हिमवृष्टी झाल्याने उभे पीक झोपले. १० ते १२ मार्चच्या दरम्यान येणारे पीक यंदा बाजारात १५ दिवस उशिरा येणार आहे. 
- दीपक लेडवाणी, हरभरा व्यापारी, रायपूर, छत्तीसगड 

मध्य प्रदेशात हरभरा पट्ट्यात पावसाचा तेवढा परिणाम नाही. बाजारात नव्या हरभऱ्याची आवक सुरू झाली आहे. सध्या केवळ ५०० ते १००० पोत्यांचीच आवक होत असून, ४४०० ते ४६०० रुपये दर मिळत आहे. एक मार्चपासून आवक वाढेल. त्यामुळे पहिल्या पंधरवड्यात दर काहीसे दबावात येतील. मात्र नाफेड खरेदी उतरणार असल्याने त्यानंतर पुन्हा सुधारतील. 
- गोपाल झंवर, निमच, मध्य प्रदेश 

बाजारात हरभरा आवक ५ हजार पोत्यांच्या आसपास आहे. परंतु मालात आर्द्रता जास्त आहे. सध्या आर्द्रता १७ ते १८ टक्के आहे. त्यामुळे मध्यम गुणवत्तेचा हरभरा ४४०० ते ४५५० रुपये आणि गुणवत्तेचा माल ४६५० ते ४७५० रुपयाने विकला जात आहे. येणाऱ्या काही दिवसांत आवक वाढेल. मात्र नाफेडने यंदा मोठी खरेदी करणार आहे. नाफेडची खरेदी सुरू झाल्यानंतर शेतकरी तिकडेच माल विकतील. त्यामुळे बाजारातही हमीभावाच्या जवळपास दर पोहोचतील. राजस्थान, मध्य प्रदेश आणि कर्नाटक या महत्त्वाच्या राज्यांतही नाफेड खरेदी करणार आहे. त्यामुळे बाजार दर हमीभावापर्यंत पोहोचतील. 
- ओमप्रकाश गोयंका, अध्यक्ष ग्रेन मर्चंट असोसिएशन, अकोला 

यंदा सर्वच गेल्या वर्षीच्या तुलनेत सर्वच शेतीमालाचे दर वाढलेले आहेत. त्याचा लाभ हरभऱ्यालाही होताना दिसत आहे. यंदा हरभऱ्याचा उतारा कमी आला अशीही बाजारात चर्चा आहे. त्यामुळेही दर गेल्या वर्षीच्या तुलनेत वाढलेले आहेत. लातूर बाजारात १० ते १२ हजार क्विंटलची आवक होत आहे. तर दर ४५५० ते ४७०० रुपये आहेत. पावसाचा सध्यातरी आवकेवर परिणाम जाणवत नाही. मात्र मालाच्या गुणवत्तेवर परिणाम होण्याची शक्यता आहे. 
- अशोक अगरवाल, हरभरा व्यापारी, लातूर  
 


इतर अॅग्रोमनी
‘व्हेजनेट’वर होणार ४३ पिकांची नोंदणी नागपूर ः निर्यातीसह देशांतर्गत ग्राहकांना...
शेती, संलग्न क्षेत्रांच्या निधीत कपात पुणे ः केंद्रीय अर्थसंकल्पात यंदा शेती आणि संलग्न...
बियाणे उद्योगाला जीएसटी परताव्याची...पुणे : अंतिम उत्पादनावर जीएसटी नसला तरी...
साखर विक्रीचा दबाव कायम कोल्हापूर : साखर विक्रीच्या दबावाखाली आलेल्या...
कृषी पतपुरवठ्याचे उद्दिष्ट यंदा वाढणारनवी दिल्ली : शेतकऱ्यांचे उत्पन्न २०२२ पर्यंत...
साखरेच्या निर्यात योजनेत लवचिकताकोल्हापूर : यंदा साखर जास्तीत जास्त निर्यात...
छत्तीसगडमध्ये आजवरची सर्वाधिक धान खरेदीरायपूर : : छत्तीसगडमध्ये आजवरची सर्वाधिक धान...
अमेरिकेनंतर ब्राझीलमध्ये सोयाबीन... पुणे ः प्रतिकूल हवामानामुळे  ...
देशातील साखर उत्पादन ‘सुसाट’; १४२ लाख...कोल्हापूर : यंदाच्या हंगामातील साखर उत्पादनाने...
आधारभावाअभावी मक्याची परवडचालू हंगामासाठी केंद्र सरकारने मक्याला १८५० रुपये...
अमेरिकेत सोयाबीन उत्पादनात घटवॉशिंग्टन ः अमेरिकेत यंदा सोयाबीन उत्पादनात घटीचा...
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...
कापसाच्या दरात सुधाराची चिन्हेपुणे ः ‘सीसीआयने’ कापसाला हमीभावापेक्षा  ३००...
केंद्रीय अर्थसंकल्पातून होणार सवलतींची...नवी दिल्ली ः कोरोनाच्या संसर्गामुळे...