agriculture news in Marathi gram rate stable after arrival pressure Maharashtra | Agrowon

आवक वाढूनही हरभरा दर टिकून 

अनिल जाधव
रविवार, 21 मार्च 2021

यंदा हरभरा उत्पादनात घटीचा अंदाज आणि सण आणि समारंभांच्या पार्श्‍वभूमीवर मागणी वाढली आहे. सध्या मोठे व्यापारी आणि साठेबाज खरेदीत उतरले आहेत.

पुणे ः यंदा हरभरा उत्पादनात घटीचा अंदाज आणि सण आणि समारंभांच्या पार्श्‍वभूमीवर मागणी वाढली आहे. सध्या मोठे व्यापारी आणि साठेबाज खरेदीत उतरले आहेत. त्यामुळे बाजारात हरभरा आवक वाढल्यानंतरही दरात फारशी घसरण दिसत नाही. उत्तर प्रदेश आणि मध्य प्रदेशात काही मंडींमध्ये दर आजही ५००० रुपयांपर्यंत मिळत आहेत. तर वायदे बाजारातही एप्रिलचे सौदे शुक्रवारी (ता. १९) ५००६ रुपयांवर बंद झाले. परिणामी, हरभरा दरात जास्त घसरण्याची शक्यता दिसत. त्यामुळे शेतकऱ्यांनी बाजाराचा अंदाज घेऊन विक्री करावी, असे आवाहन जाणकारांनी केले. 

गेल्या वर्षीच्या तुलनेत यंदा हरभरा मागणी वाढली आहे. साठवणूक क्षमतेची सीमा नसल्याने वाढती मागणी लक्षात घेता मोठ्या कंपन्या, छोटे उद्योग आणि दालमिल खरेदीत सक्रिय झाल्या आहेत. त्यामुळे खरेदीची ही प्रवृत्ती कायम राहण्याची शक्यता आहे. परिणामी जानेवारीपासून बाजारात हरभरा दरात ६०० ते ६५० रुपयांची वाढ पाहायला मिळाली आहे.

सध्या बाजारात गेल्यावर्षीच्या तुलनेत हरभरा आवक खुपच कमी आहे. मध्य प्रदेशातील बेंचमार्क मार्केटमध्ये हरभरा दर ५१०० रुपयांपर्यंत पोचले आहेत. येथील व्यापारी सूत्रांच्या माहितीनुसार हे दर पुढील महिन्याच्या शेवटी ५३०० रुपयांपर्यंत पोहचू शकतात, असा अंदाज जाणकार व्यक्त करत आहेत. 

चालू रब्बी हंगामात हरभरा उत्पादनात घट होण्याची शक्यता आहे. त्यातच येत्या काळात होळी आणि रमजानसारखे महत्त्वाचे सण असल्याने मागणी वाढली आहे. त्यामुळे हरभऱ्याला बाजारात मागणी वाढली आहे. घाऊक व्यापारी, डाळ मिल आणि साठेबाज सध्या बाजारात आक्रमक खरेदी करत आहेत. त्यामुळे दरात वाढ झाली आहे.

बाजारात नव्या मालाची आवक वाढल्यानंतर दबाव येऊन दर १०० ते २०० रुपयांनी तुटण्याची शक्यता आहे. ही स्थिती एप्रिल महिन्याच्या प्रारंभी येण्याचा अंदाज आहे. त्यानंतर मात्र दरात पुन्हा सुधारणा होण्याची शक्यता आहे. बाजारात खरेदीदार सक्रिय असल्याने आवकेचा दबाव वाढल्यानंतरही दर मोठ्या प्रमाणावर घसरण्याची शक्यता कमीच आहे. 

वायद्यांतील दरही टिकून 
हजर बाजारात हरभरा दरात सुधारणा होत असताना वायद्यांमध्येही हरभरा भाव खात आहे. गुरुवारी (ता. १८) एप्रिलचे सौदे ५१५७ रुपयांनी झाले. त्यात घसरण होऊन शुक्रवारी (ता. १९) ५००६ रुपयांनी सौदे झाले. तर मे महिन्याचे सौदे ५०३५ रुपयांनी झाले. त्यामुळे पुढील काळातही हरभरा दर टिकून राहतील, असा अंदाज जाणकारांनी व्यक्त केला आहे. 

उत्पादकतेला फटका 
देशातील महत्त्वाच्या हरभरा उत्पादक राज्यांमध्ये प्रतिकूल वातावरणामुळे उत्पादकतेला मोठा फटका बसला आहे. पावसासह वाढते ऊन आणि ढगाळ हवामानाचा परिणाम होत आहे. राजस्थानमध्ये उत्पादकतेत जवळपास ४० टक्के घट येण्याचा अंदाज आहे. तर छत्तीसगडमध्ये २० टक्के पिकाला फटका बसल्याचे वृत्त आहे. तर मध्य प्रदेशात सरकारी उत्पादकतेत २५ टक्के घट येण्याची भीती व्यक्त करण्यात येत आहे. महाराष्ट्रातही पिकावर परिणाम जाणवत आहे. 

नाफेडची खरेदी 
नाफेडने कर्नाटक, गुजरात, महाराष्ट्र, आंध्र प्रदेशमध्ये हमीभावाने हरभरा खरेदी सुरू केली आहे. तर २२ मार्चपासून मध्य प्रदेश, बिहार आणि राजस्थानमध्ये खरेदी सुरू होणार आहे. नाफेडने १७ मार्चपर्यंत आंध्र प्रदेशातून १११ टन, महाराष्ट्रातून १८ हजार १०६ टन, कर्नाटकातून ९९५ टन आणि गुजरातमधून १२ हजार ६१४ टन खरेदी केली. नाफेडने एकूण ३१ हजार ८२१ टन हरभरा हमीभावाने खरेदी केला आहे. 

राज्यनिहाय किमान आणि कमाल दर (रुपये/क्विंटल) 

राज्य किमान कमाल 
गुलबर्गा (कर्नाटक) ४६०० ४७६१ 
इंदोर (मध्य प्रदेश) ४९५० ५००० 
ललितपूर (उत्तर प्रदेश) ४६५० ४७५० 
राजकोट (गुजरात) ४००० ४८०० 
जोधपूर (राजस्थान) ४५५० ४६०० 

राज्यातील महत्त्वाच्या बाजारांतील दर 
४४००/४६०० 
परभणी 
४३५०/४८०० 
हिंगोली 
३९००/४७०१ 
वाशीम 
४२००/४८०० 
अकोला 
४६००/४८५० 
लातूर 

प्रतिक्रिया
नाफेडने अनेक राज्यांमध्ये खरेदी सुरू केली आहे. मागील दोन दिवसांपासून बाजारात हरभरा आवक वाढल्याने दर १०० ते २०० रुपयांनी तुटले आहेत. मात्र काही राज्यांमध्ये हरभरा पिकाला पावसाचा फटका बसला आहे. ही स्थिती जसजशी पुढे येईल तसे दर वाढतील. अवकेचा दबाव एक महिन्यात कमी होऊन दर पुन्हा हमीभावाएवढे होतील. दीड ते दोन महिन्यांत दर हमीभावाच्या पुढे असतील, असा अंदाज आहे. 
- राहुल चौहान, व्यवस्थापकीय संचालक, आयग्रेन इंडिया 


इतर अॅग्रो विशेष
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...
राज्यात दीड महिन्यांत धरणांत ३७३ टीएमसी...पुणे : राज्यातील बहुतांश भागात जुलैमध्ये पावसाने...
हजारो नुकसानग्रस्त दाव्यापासून वंचित नांदेड : अतिवृष्टी तसेच संततधार पावसामुळे...
कोल्हापुरात पुराचे पाणी ओसरू लागले कोल्हापूर : जिल्ह्यात पावसाने पूर्णपणे उघडीप दिली...
राज्याची फळबाग लागवड योजना बंद नगर ः फळबागेचे क्षेत्र वाढीसाठी राज्यात सध्या...
विना नांगरणी तंत्राने कपाशी, तुरीची शेतीदेवगाव (ता. पैठण, जि. औरंगाबाद) येथील प्रयोगशील,...
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...
सर्वंकष आढावा घेऊन नुकसान भरपाई जाहीर...रत्नागिरी : ‘‘तुम्हाला पायावर उभे करण्यासाठी...