agriculture news in Marathi, Grampanchayat got separate agri ward , Maharashtra | Agrowon

ग्रामपंचायतींना मिळाला कृषी कक्ष

टीम अॅग्रोवन
शुक्रवार, 13 सप्टेंबर 2019

राज्यात गावपातळीवर तलाठी व ग्रामसेवकांना कार्यालये आहेत. मात्र, कृषी विभागात सर्वात महत्त्वाचा घटक असलेल्या कृषी सहायकांना झाडाखाली किंवा लोकांच्या घरात बसून कामे करावी लागत होती. आता त्याला ग्रामपंचायतीत हक्काची जागा मिळाली आहे. त्यामुळे शेतकऱ्यांनादेखील सरकारी योजना आणि कृषी सल्ला तातडीने मिळू शकेल.
- कृषिमंत्री डॉ. अनिल बोंडे

पुणे : राज्यातील साडेअकरा हजार कृषी सहायकांना अखेर हक्काची जागा मिळणार आहे. प्रत्येक ग्रामपंचायतीमध्ये ‘कृषी कक्ष’ उपलब्ध करून देण्याचे आदेश शासनाने दिले आहेत. 

कृषिमंत्री डॉ. अनिल बोंडे यांनी कामकाजाची सूत्रे स्वीकारताच सर्वप्रथम कृषी सहायकांची समस्या सोडविण्याचा निर्धार केला होता. “प्रत्येक ग्रामपंचायतीत कृषी विभागाच्या कर्मचाऱ्यासाठी कक्ष असावा. तेथे कृषी सहायकांना टेबल, खुर्ची, कपाट असे कार्यालयीन साहित्य मिळावे,” अशी सूचना डॉ. बोंडे यांनी मांडली होती.  

कृषी सहायकांना यामुळे हक्काची जागा मिळाली असून या कक्षात फलक लावला जाणार आहे. त्यावर कृषी कर्मचाऱ्याचे नाव, मोबाईल क्रमांक, कामाचे दिवस आणि वेळ देखील नमूद केली जाणार आहे. त्यामुळे शेतकऱ्यांची गैरसोय होणार नाही. कृषी सहायकांना मिळालेली ही एकप्रकारची दिवाळी भेट आहे, अशी माहिती आयुक्तालयाच्या सूत्रांनी दिली. 

राज्यातील जिल्हा परिषदांच्या सर्व मुख्य कार्यकारी अधिकाऱ्यांना याबाबत सूचना देण्यात आल्या आहेत. ग्रामंपचायतींमध्ये किमान १५० ते २०० चौरस फुटाची जागा कृषी विभागाला तात्काळ देण्यासाठी संबंधित जिल्हा परिषदांकडून पाठपुरावा केला जाणार आहे. 

ग्रामपंचायतींमध्ये जागा मिळताच तेथे कक्ष उभारणीसाठी साहित्य उपलब्ध करून देण्याची जबाबदारी कृषी सचिव एकनाथ डवले यांनी कृषी आयुक्त सुहास दिवसे यांच्याकडे सोपविली आहे. सर्व जिल्हाधिकारी व मुख्य कार्यकारी अधिकाऱ्यांना कृषी आयुक्तांच्या नियंत्रणाखाली या उपक्रमाचा आढावा घेण्याच्या सूचना देण्यात आल्या आहेत.  

 “गावपातळीवर कृषी सहायकांना जागा मिळताच फर्निचरची व्यवस्था आयुक्तांनी करावी. कृषी सहायकांचे वेळापत्रक तयार करून ग्रामपंचायतीमध्ये लावावे. हेच वेळापत्रक जिल्हा प्रशासनाच्या वेबसाईटवरदेखील प्रदर्शित करावे,” असेही आदेश शासनाने दिले आहेत.


इतर अॅग्रो विशेष
धुळे ९.४ अंश; थंडीत हळूहळू वाढपुणे ः आकाश निरभ्र झाल्याने थंडीत हळूहळू वाढ होऊ...
साईप्रवरा शेतकरी कंपनीची उलाढाल पोचली...नगर जिल्ह्यातील चिंचोली (ता. राहुरी) परिसरातील...
उन्हाळी नाचणी लागवडीचा यशस्वी प्रयोगकोल्हापूर : राज्यात उन्हाळी नाचणीचे यशस्वी...
बाजारात रानमेवा खातोय भावअकोला ः गुलाबी थंडीची चाहूल लागताच बाजारात विविध...
बोगस कीडनाशकांची विक्री ४००० कोटींवर ! पुणे : देशातील शेतकऱ्यांचे उत्पन्न दीडपट...
शेतकऱ्यांचा त्रास कमी करण्यासाठी ‘...सोलापूर : ठाकरे सरकारकडून किचकट ऑनलाइन...
राज्यातील साखर उत्पादन घटणारपुणे: राज्यातील साखर उत्पादन आधीच्या अंदाजाच्या...
भविष्यात देशी कपाशीला गतवैभव प्राप्त...परभणी: देशी कपाशीचे वाण रसशोषण करणाऱ्या किडीसाठी...
नुकसानग्रस्त शेतकऱ्यांसाठी २२७ कोटी...मुंबई: राज्यात जुलै ते ऑक्टोबर दरम्यान...
बेदाणा दरात वाढीचे संकेतसांगली ः दिवाळीनंतर बेदाण्याचे सौदे सुरु झाले...
पीकविमा कंपन्यांच्या नफेखोरीला चाप लावा...पुणे: कृषी विभागाच्या कामकाजाची माहिती...
द्राक्षाचे ४० वाण आयात करणार : डॉ. ए....पुणेः शेतकऱ्यांचे उत्पन्न दुप्पट करण्याच्या...
सुटीच्या दिवशीही बाजार समित्या सुरू ठेवापुणे: अवकाळी पावसाने लांबलेल्या शेतमालाच्या...
विदर्भापाठोपाठ खानदेशात थंडी वाढतेयपुणे ः राज्यातील अनेक भागांत हवामान कोरडे...
पणन महासंघाकडून ९ कोटी रुपयांचे चुकारेअमरावती ः राज्यात महाराष्ट्र राज्य सहकारी कापूस...
नुकसानग्रस्तांना ५,३०० कोटींचा दुसरा...मुंबई : देवेंद्र फडणवीस यांनी दुसऱ्यांदा...
साहेब, शेतीसाठी दिवसा वीज द्या हो...अकोला  ः रब्बी हंगामात सिंचनाचे काम सुरू...
नोकरीला शेतीची जोड देत उंचावले अर्थकारणआसोदे (ता. जि. जळगाव) येथील नीलेश नारायण माळी एका...
प्रक्रिया उद्योगातून सोयाबीनचे...शहरी बाजारपेठेची गरज लक्षात घेऊन पिंपरी-चिंचवड...
शेवतींच्या फुलांनी जिंकले मन !...मांजरी, पुणे : विविधरंगी शेवंतीच्या फुलांनी...