ग्रामसेवक संघटनेच्या शिष्टमंडळाने घेतली मुख्यमंत्र्यांची भेट

ग्रामसेवक संघटनेच्या शिष्टमंडळाने घेतली मुख्यमंत्र्यांची भेट
ग्रामसेवक संघटनेच्या शिष्टमंडळाने घेतली मुख्यमंत्र्यांची भेट

अकोला ः राज्यातील ग्रामसेवक संवर्गाच्या विविध प्रलंबित प्रश्नांवर सचिवस्तरीय पाठपुराव्याला यश येत नसल्याने ग्रामसेवक संघटनेच्या शिष्टमंडळाने मुख्यमंत्री देंवेद्र फडणवीस यांची भेट घेत चर्चा केली.  संघटनेचे राज्य अध्यक्ष एकनाथराव ढाकणे यांच्या नेतृत्वात राज्य सरचिटणीस प्रशांत जामोदे, कोशाध्यक्ष  संजीव निकम, जळगाव जिल्हा परिषद कर्मचारी महासंघाचे सरचिटणीस प्रशांत तायडे, वर्धा जिल्हाध्यक्ष हेमंत भोमले, सरचिटणीस प्रवीण खोंडे, विवेक धवड, हितेश  ईमाने उपस्थित होते. सह्याद्री अतिथिगृहावर मुख्यमंत्री फडणवीस यांच्यांशी पाचव्या वेतन आयोगातील तरतुदीप्रमाणे सहाव्या आणि सातव्या वेतन आयोगातील तरतुदी नुसार ग्रामसेवक संवर्गावर शिक्षक, तलाठी, कृषी सहाय्यक यांच्या तुलनेत कसा अन्याय झाला ही बाब सविस्तरपणे मुख्यमंत्र्यांसमोर मांडण्यात आली. ग्रामसेवकांच्या विविध अडचणी असून आजवर झालेल्या बैठकांमध्ये ठोस तोडगा निघालेला नाही. सरपंच परिषदेप्रमाणे ग्रामसेवक परिषदेचे आयोजन लवकरच करण्याचे व प्रलंबित प्रश्नी त्यांच्या समक्ष वित्त विभाग व ग्रामविकास विभागाची संयुक्त बैठक संघटना प्रतिनिधींसमवेत घेण्याचे, प्रलंबित प्रश्नांवर तोडगा काढण्याचे आश्वासन मुख्यमंत्र्यांनी या वेळी दिले. मुख्यमंत्र्यांनी आश्वासन दिल्याने ग्रामसेवकांचे प्रलंबित प्रश्न मार्गी लागण्याचा मार्ग मोकळा झाल्याचे मत सरचिटणीस प्रशांत जामोदे यांनी व्यक्त केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com