आजच्या ग्रामसभांना ग्रामसेवकांचा विरोध 

राज्याच्या ग्रामविकास विभागाने आज (ता. २) ग्रामपंचायतींना ऑफलाइन किंवा ऑनलाइन पद्धतीने ग्रामसभा घेण्याचे निर्देश देण्यात आले आहेत. मात्र सरकारच्या या निर्णयाला महाराष्ट्र राज्य ग्रामसेवक संघटनेने विरोध केला आहे.
आजच्या ग्रामसभांना ग्रामसेवकांचा विरोध 
आजच्या ग्रामसभांना ग्रामसेवकांचा विरोध 

नगर : राज्याच्या ग्रामविकास विभागाने आज (ता. २) ग्रामपंचायतींना ऑफलाइन किंवा ऑनलाइन पद्धतीने ग्रामसभा घेण्याचे निर्देश देण्यात आले आहेत. मात्र सरकारच्या या निर्णयाला महाराष्ट्र राज्य ग्रामसेवक संघटनेने विरोध केला आहे. 

राष्ट्रीय सण १५ ऑगस्ट, २ ऑक्टोबर, १ मे या दिवशी ग्रामसभा नको, असे धोरण निश्‍चित झालेले असताना ग्रामविकास विभागाने हे परिपत्रक काढणे, ही विसंगती आहे. ग्रामसभा आयोजनाचे परिपत्रक रद्द करण्याची मागणी संघटनेने केली आहे. याबाबत ग्रामविकासमंत्री हसन मुश्रीफ यांना पाठविलेल्या पत्रात नमूद करण्यात आले आहे, की ग्रामसभा घेण्याबाबत धोरण निश्‍चित करण्यात आलेले असून, मे, ऑगस्ट, ऑक्टोबर महिन्यांत, तसेच २६ जानेवारीला ग्रामसभा घेण्यात याव्यात, असे स्पष्टपणे नमूद आहे. असे असताना मागील शासननिर्णय संदर्भ विचारात न घेता पुनःपुन्हा नव्याने पत्र, परिपत्रक काढले जाते. त्यामुळे या ग्रामसभा धोरणाची यशस्वी अंमलबजावणी होत नाही. 

२७ एप्रिल २०१८च्या धोरणाची अंमलबजावणी करून २ ऑक्टोबरच्या ग्रामसभेचे पत्रक रद्द करावे. संपूर्ण राज्यामध्ये कुठेही २ ऑक्टोबरला ग्रामसभा होणार नाहीत. नगर जिल्ह्यात सुद्धा २ ऑक्टोबरला ग्रामसभा न होता संपूर्ण ऑक्टोबर महिन्यामध्ये आणि नोव्हेंबर महिन्यामध्ये रीतसर ग्रामसभांचे आयोजन करण्यात येईल. त्यामध्ये सर्व विषयसूचीनुसार अंमलबजावणी करण्यात येईल. तरी ग्रामसेवकांना कोणीही सक्ती करू नये, अशी भूमिका ग्रामसेवक संघटनेनी मांडली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com