agriculture news in marathi, grant sanction for jalyukt shivar scheme in pune region, maharashtra | Agrowon

पुणे विभागात ‘जलयुक्त’च्या कामांसाठी १५४ कोटींचा निधी : डॉ. म्हैसेकर
टीम अॅग्रोवन
शनिवार, 19 मे 2018
पुणे : जलयुक्त शिवार अभियानाच्या २०१८-१९ मधील कामांकरिता पुणे विभागातील ५९९ गावांसाठी १५४ कोटी रुपयांचा निधी उपलब्ध झाला अाहे. या कामांचा गाव आराखडा तयार करून त्याला ग्रामसभेची मंजुरी घ्‍यावी, अशा सूचना विभागीय आयुक्‍त डॉ. दीपक म्‍हैसेकर यांनी दिल्या आहेत. पुणे विभागात सुरु असलेली ‘जलयुक्त’ची कामे पावसाळ्यापूर्वी पूर्ण करण्याचे आदेशही डॉ. म्हैसेकर यांनी दिले आहेत. 
 
पुणे : जलयुक्त शिवार अभियानाच्या २०१८-१९ मधील कामांकरिता पुणे विभागातील ५९९ गावांसाठी १५४ कोटी रुपयांचा निधी उपलब्ध झाला अाहे. या कामांचा गाव आराखडा तयार करून त्याला ग्रामसभेची मंजुरी घ्‍यावी, अशा सूचना विभागीय आयुक्‍त डॉ. दीपक म्‍हैसेकर यांनी दिल्या आहेत. पुणे विभागात सुरु असलेली ‘जलयुक्त’ची कामे पावसाळ्यापूर्वी पूर्ण करण्याचे आदेशही डॉ. म्हैसेकर यांनी दिले आहेत. 
 
पुणे विभागातील पुणे, सातारा, सांगली, सोलापूर आणि कोल्‍हापूर या जिल्‍ह्यातील जलयुक्‍त शिवार अभियानातील कामांचा आढावा डॉ. म्हैसेकर यांनी गुरुवारी (ता. १७) घेतला. पुण्याचे जिल्‍हाधिकारी नवल किशोर राम, साताऱ्याच्या जिल्‍हाधिकारी श्‍वेता सिंघल, कोल्‍हापूरचे  जिल्‍हाधिकारी अविनाश सुभेदार, सोलापूरचे अपर जिल्‍हाधिकारी रामचंद्र शिंदे, सातारा जिल्‍हा परिषदेचे मुख्‍य कार्यकारी अधिकारी डॉ. कैलास शिंदे, सांगली जिल्‍हा परिषदेचे मुख्‍य कार्यकारी अधिकारी अभिजित राऊत, उपायुक्‍त अजित पवार, जिल्‍हा अधीक्षक कृषी अधिकारी विनयकुमार आैटी अादी उपस्थित होते.
 
डॉ. म्हैसेकर म्हणाले, की यंदा जलयुक्‍त शिवार अभियानात विभागातील ५९९ गावांची निवड करण्यात आली आहे. यात पुणे जिल्‍ह्यातील २१९, साताऱ्यातील ९०, सांगलीतील ९२, सोलापुरातील ११८ आणि कोल्‍हापूर जिल्‍ह्यातील ८० गावांची निवड झाली करण्यात आली आहे. यासाठी १५४ कोटींचा निधी उपलब्ध झाला असून, निधीची कमतरता भासणार नाही. या गावांचा आराखडा तयार करुन ग्रामसभेची तातडीने मंजूरी घ्‍यावी, असे अादेश डाॅ. म्हैसेकर यांनी यावेळी दिले. 
 
जलयुक्‍त शिवार अभियानात २०१७-१८ मध्ये विभागात ८२३ गावांची निवड करण्‍यात आली होती. या गावांमध्ये प्रस्‍तावित केलेल्‍या २७ हजार २०० कामांपैकी १४ हजार २११ कामे पूर्ण झाली आहेत. ७ हजार ७३ कामे प्रगतिपथावर आहेत. सर्व कामांवर ६५ कोटी ४५ लाख रुपये खर्च झाले आहेत.
 
‘मागेल त्‍याला शेततळे’ या योजनेअंतर्गत विभागाला १७ हजार ३२० शेततळ्यांचा लक्ष्‍यांक देण्‍यात आला होता. त्‍याकरिता ५६ हजार ५६८ अर्ज प्राप्‍त झाले होते. यातील ३२ हजार ५३९ शेततळ्यांना कार्यारंभ आदेश देण्‍यात आले आहेत. ११ हजार ९०६ कामे पूर्ण झाली असून, ८७८ कामे प्रगतिपथावर अाहेत. ११ हजार ७०७ शेततळ्यांना अनुदान दिले असल्याची माहितीही बैठकीत देण्‍यात आली.

इतर ताज्या घडामोडी
राज्यात हिरव्या मिरचीला १८०० ते ४०००...परभणी : येथील पाथरी रस्त्यावरील फळे -भाजीपाला...
अकोल्यात कृषी सहायकांचे पदोन्नतीच्या...अकोला  ः अमरावती विभागातील कृषी सहायकांच्या...
सांगलीच्या पूर्व भागातील अग्रणी कोरडीठाकसांगली  ः  सांगली जिल्ह्याच्या चार...
सातारा जिल्ह्यातील ‘मराठवाडी’च्या...ढेबेवाडी, जि. सातारा : गेल्या काही...
नगर जिल्ह्यात चार महसूल मंडळांत पावसाची...नगर : जिल्ह्यामध्ये गेल्या आठ दिवसांपासून पावसाने...
हलक्या सरींना सुकलेल्या पिकांना...उस्मानाबाद/ लातूर  : मराठवाड्यातील औरंगाबाद...
‘पोकरा’तील शेतकऱ्यांनाही मिळणार सूक्ष्म...अकोला  ः राज्यात दुष्काळाच्या झळा सहन...
राज ठाकरे यांची दिवसभर चौकशीमुंबई ः कोहिनूर मिल कर्ज प्रकरणातील अनियमिततेबाबत...
मागासवर्गीय शेतकऱ्यांना विहिरींसाठी ३७४...पुणे  : राज्यातील मागास गटातील शेतकऱ्यांना...
एचटी कापूस वाण परवानगीची बियाणे...नागपूर ः शेतकऱ्यांकडून अवैधरीत्या तणाला सहनशील (...
वांग्यावरील शेंडा व फळे पोखरणाऱ्या...वांगी पिकामध्ये येणाऱ्या शेंडा व फळे पोखरणारी...
पूरस्थितीतील द्राक्ष बागेचे व्यवस्थापनसां गली, कोल्हापूर व कर्नाटक शेजारील काही भागांत...
अकोल्यातील प्रकल्पात अत्यल्पच साठाअकोला : यंदाच्या पावसाळ्याचे सुमारे अडीच महिने...
सांगलीत गूळ ३३०० ते ४४०० रुपये...सांगली : येथील कृषी उत्पन्न बाजार समितीत बुधवारी...
अकोला जिल्ह्यात ६० हजार हेक्टर क्षेत्र...अकोला ः यंदाच्या खरीप हंगामात जिल्ह्यात असमतोल...
सिंधुदुर्गात कालव, जिताडा मस्त्यबीज...मुंबई : राज्यात सागरी उत्पादनवाढीस...
ठिबकला ८० टक्के अनुदान; आंदोलनाला...भोसे, जि. सोलापूर : राज्य शासनाने कोरडवाहू...
मांडाखळीत संत्रा बागांत फळगळपरभणी : कमी पाण्यामुळे जमिनीमध्ये ओलाव्याची...
रश्‍मी बागल यांचा शिवसेनेत प्रवेशसोलापूर : जिल्ह्यातील राष्ट्रवादी कॉंग्रेसची...
माशांच्या पाच नव्या जातींचा घेतला शोध अरुणाचल प्रदेश राज्यातील इटानगर येथील राजीव गांधी...