Agriculture news in marathi Grape gardens, onion crop destroyed in Pimparkheda | Agrowon

पिंपरखेडात गारपिटीने द्राक्ष बाग, कांदा पीक उद्‌ध्वस्त

टीम अॅग्रोवन
शनिवार, 21 मार्च 2020

गतवर्षी भीषण दुष्काळात द्राक्षबाग टॅंकरच्या पाण्यावर जगवली. त्यावर यंदा पीक जोमात आले होते. यावेळेस चांगले उत्पादन वाढेल, ही अपेक्षा होती. पण, त्या स्वप्नांवर पाणी फिरले. निसर्गाने १५ मिनिटांत तोंडचा घास हिरावून घेतला. या नुकसानीचे संकट निवारण्यासाठी पंचनामे करून नुकसानभरपाई द्यावी.
- भिकाजी चिंचाने, शेतकरी.
 

परतूर, जि. जालना : अवघ्या १५ मिनिटांच्या पाऊस, गारपिटीने पिंपरखेडातील शेतकरी भिकाजी चिंचाने यांच्या द्राक्ष व कांदा बियाणे पिकांचे जवळपास २५ लाख रुपयांचे नुकसान झाले. त्यामुळे चिंचाने कुटुंब पार कोलमडून पडले आहे.

बुधवारी (ता. १८) मध्यरात्री रात्री दीड वाजण्याच्या सुमारास तालुक्यातील दहिफळ भोंगाने, वाटूर, पिंपरखेडा, वाढोना शिवाराच्या काही भागांत तुफान गारपीट झाली. ७ मिनिटांच्या बोराएवढ्या आकाराच्या गारपिटीने शेतीमालाचे प्रचंड नुकसान झाले. चिंचाने या शेतकऱ्यांची  मोठ्या कष्टाने तीन वर्षांपासून सांभाळलेली ३ एकर द्राक्ष भाग काढणीला आली होती. ती गारपिटीने पार उद्‌ध्वस्त झाली. तर, तीन लाख रुपये खर्च करून लावलेले कांदा (बियाणे) पीक भुईसपाट झाले. हे सांगताना शेतकरी चिंचाने यांना अश्रू अनावर झाले.

द्राक्ष बागेवर ३ वर्षांपासून झालेला खर्च या वेळी भरून येईल, अशी बाग फुलली होती. नुकतीच द्राक्ष काढणीला सुरुवात झाली होती. पुढच्या एक महिन्यात १५ -२० लाख पदरात पडणार, अशी स्वप्ने चिंचाने पहात होते. मात्र, त्यावर गारपिटीने पाणी फिरविले. दोन एकरवरील कांदा बियाण्यांचे नुकसान झाले. या दोन्ही पिकांतून २५ लाख उत्पन्न येण्याची अपेक्षा होती. त्यातून नातेवाईक मित्रांकडून घेतलेले कर्ज फेडून काही लाख पदरात पडतील, असे त्यांचे नियोजन होते. 

आमदार बबनराव लोणीकर यांनी गुरुवारी (ता. १९) दुपारी नुकसानग्रस्त भागाचा दौरा करून पहाणी केली. 
या वेळी तहसीलदार रूपा चित्रक, मंडळ अधिकारी, तलाठी, कृषी अधिकारी हेही होते. लोणीकर यांनी नुकसानीचे योग्य पंचनामे तातडीने करण्याचे आदेश दिले. या वेळी त्यांनी चिंचाने यांच्या द्राक्षाच्या बागेची, कांदा बियाणे पिकांची पहाणी करून शासनाकडून जास्तीत जास्त भरपाई मिळण्यासाठी प्रयत्न केला जाईल, असे सांगितले.  

परतुर तालुक्यातील जालना मंठा हायवेलगतचा सर्व भाग हा गारपिटीचे केंद्र होते. तालुक्यातील इतर भागांत गारपीट झाली नसली, तरी हरभरा, गहू, ज्वारी, भाजीपाल्याचे पावसाने मोठे नुकसान केले. नुकसानीचे पंचनामे करावे, अशी शेतकऱ्यांची अपेक्षा आहे.


इतर ताज्या घडामोडी
सोलापूर जिल्ह्यात दमदार पाऊस सोलापूर : जिल्ह्यात गेल्या दोन दिवसांपासून...
नगर जिह्यात पावसाने पिकांचे अतोनात...नगर  : जिल्ह्याच्या बहुतांश भागात...
सोनी गावामध्ये आहेत २८८ शेततळीसोनी (ता. मिरज,जि.सांगली) या गावात  कृषी...
कर्नाळा बँकेत ३६ ग्रामपंचायतींचे पैसे...मुंबई : ‘शेकाप’चे माजी आमदार विवेक पाटील यांच्या...
मराठवाड्याच्या विकासासाठी शासन कटीबध्द...औरंगाबाद : मराठवाड्याच्या सर्वांगिण विकासासाठी...
केंद्राच्या कांदा निर्यातबंदी विरोधात...नाशिक : केंद्र सरकारने कुणाचीही ओरड नसताना, अन्न...
औरंगाबादमधील नुकसानग्रस्त पिकांचे...औरंगाबाद : ‘‘जिल्ह्यात अतिवृष्टीमुळे नुकसान...
खानदेशातील पपई पिकाला अतिपावसाचा फटकाजळगाव : खानदेशात पपई पिकाला अतिपावसाचा फटका बसला...
नांदेडमध्ये ३८ हजार हेक्टर पिकांचे...नांदेड : अतिवृष्टी व पूरामुळे जिल्ह्यातील ३८१...
‘म्हैसाळ’मधून पावणेदोन टीएमसी पाणी उचललेसांगली  ः कृष्णा नदीला आलेल्या पूराचे पाणी...
कांदा निर्यातबंदीविरूध्द कॉंग्रेसचे...रत्नागिरी : कांदा निर्यातीबाबतचा निर्णय...
मुसळधार पावसामुळे पिके भुईसपाटपुणे ः राज्यातील अनेक भागांत कमीअधिक स्वरूपात...
पानपिंपरी पिकाला विम्याचे कवच द्याअकोला ः जिल्ह्यात पानपिंपरी या वनौषधीवर्गीय...
सीमाभाग आणि बंदरातील कांदा सोडा; अन्यथा...नाशिक : टाळेबंदी शिथिल झाल्यानंतर शेजारील...
कोल्हापुरात ‘गोकूळ’चे दूध रोखण्याचा...कोल्हापूर : मराठा आरक्षणाला स्थगिती दिल्याच्या...
शरद पवार यांनी ऊसतोड कामगारांची कोंडी...नगर ः ऊसतोडणी कामगारांच्या तोडणी दरात वाढ करावी...
फळबाग लागवडीसाठी जमिनीची निवड महत्त्वाचीसामान्यपणे फळबागा अयशस्वी होण्यामध्ये किंवा...
बियाणासाठी घरचे सोयाबीन ठेवताना...बियाण्यासाठी निवड करण्यात आलेल्या प्लॉटमध्ये...
महिला बचत गटांच्या माध्यमातून हळद...सहकाराच्या धर्तीवर संघटित झालेल्या राजापूर...
पुणे जिल्ह्यात दोन लाखावर शेतकऱ्यांना...पुणे : जिल्हा बॅंकेकडून खरीप हंगामासाठी गेल्या...