agriculture news in marathi, Grapes to be judge on their Quality in Market | Agrowon

द्राक्ष बाजारात गुणवत्तेचा मुद्दा कळीचा

ज्ञानेश उगले
मंगळवार, 2 जानेवारी 2018

राज्यातील द्राक्ष उत्पादक पट्ट्यात यंदा ३० ते ३५ टक्के उत्पादन कमी राहणार आहे. या स्थितीत चांगली गोडी असलेल्या उच्च गुणवत्तेच्या मालाला वाढती मागणी राहील. पाऊस, थंडी, वातावरणातील बदल, साधारण दर्जाचा माल ही आव्हाने ही द्राक्ष बाजारासमोर आहेत. याची चुणूक अर्लीच्या द्राक्षांनी दाखवली. नाशिक भागातील कळवण, सटाणा, मालेगाव या भागातील द्राक्षांना ऑक्‍टोबर, नोव्हेंबरमध्ये पावसाचा फटका बसला. या भागातील ८० टक्के हंगाम आटोपला आहे. या बरोबरच नाशिक भागातील चांदवड, सिन्नर, सांगली भागातील वाळवा, मणेराजुरी, सोनी, इस्लामपूर या परिसरातील खुडे सुरू आहेत.

राज्यातील द्राक्ष उत्पादक पट्ट्यात यंदा ३० ते ३५ टक्के उत्पादन कमी राहणार आहे. या स्थितीत चांगली गोडी असलेल्या उच्च गुणवत्तेच्या मालाला वाढती मागणी राहील. पाऊस, थंडी, वातावरणातील बदल, साधारण दर्जाचा माल ही आव्हाने ही द्राक्ष बाजारासमोर आहेत. याची चुणूक अर्लीच्या द्राक्षांनी दाखवली. नाशिक भागातील कळवण, सटाणा, मालेगाव या भागातील द्राक्षांना ऑक्‍टोबर, नोव्हेंबरमध्ये पावसाचा फटका बसला. या भागातील ८० टक्के हंगाम आटोपला आहे. या बरोबरच नाशिक भागातील चांदवड, सिन्नर, सांगली भागातील वाळवा, मणेराजुरी, सोनी, इस्लामपूर या परिसरातील खुडे सुरू आहेत. या द्राक्षांना दिल्ली मार्केटसाठी प्रतिकिलो ५० ते ७० रुपये दर मिळत आहे. रंगीत वाणांना हा दर ९० रुपयांपर्यंत आहे.

रशियाला आतापर्यंत २५०० टन माल निर्यात झाला आहे. निर्यातक्षम द्राक्षांना प्रति किलो ६० ते १०० रूपये व सरासरी ७५ रुपये दर मिळत आहे. डिसेंबर २०१७ च्या अखेरपर्यतंचं हे चित्र आहे. नवीन वर्षात जानेवारी पासून बाजार उठाव घेईल अशी चिन्हे आहेत. द्राक्षाची गुणवत्ता म्हणजे गोडी हाच यंदाच्या हंगामाचा कळीचा मुद्दा राहील, असाच सूर या क्षेत्रातील जाणकारांमधून उमटतो आहे.

पिंगळवाडे (बागलाण) येथील प्रयोगशील द्राक्षउत्पादक नामदेव भामरे यांच्या द्राक्षबागेची खुडणी अंतिम टप्प्यात आहे. ग्राहकाला आवडतील अशी गोड चवीची द्राक्ष उत्पादन करण्यावर त्यांचा कायम भर राहिला आहे. त्यामुळे १९९० पासून त्यांची द्राक्षे दिल्लीच्या बाजारात सरासरीपेक्षा चांगल्या दराने विकली जातात. भामरेंसारख्या काही द्राक्ष उत्पादकांनी अशा पध्दतीने देशांतर्गत बाजारात जम बसवला आहे. यंदाच्या प्रतिकूल वातावरणातही त्यांना चांगला दर मिळाला. मात्र ज्या द्राक्ष उत्पादकांनी कमी ब्रीक्‍स शुगरचे माल बाजारात पाठविले, त्यांना दरात फटका बसला. त्यामुळे एकूणच बाजारावरही परिणाम झाला. चालू हंगामात द्राक्ष दरात ३० ते ४० टक्‍के घट दिसून आली. येत्या काळात विशेषत: जानेवारीच्या दुसऱ्या आठवड्यापासून द्राक्षाला मागणी वाढणार आहे. मात्र त्यातही किमान २० ब्रिक्‍स साखर गोडीची द्राक्षे बाजारात आली तर हा उठाव दीर्घकाळ टिकून राहील असे भामरे यांनी सांगितले. 

राज्य द्राक्ष बागायतदार संघाच्या सांगली विभागाचे अध्यक्ष शिवलिंग संख म्हणाले, की सांगली विभागातील २५ टक्के द्राक्ष वाळवा, मणेराजुरी, सोनी या भागातील असून ती आता बाजारात आहेत. बांगलादेशसह कर्नाटक मधील व्यापाऱ्यांकडून त्यांना चांगली मागणी होत आहे. उर्वरित ७५ टक्के द्राक्षांपैकी निम्मी बेदाण्यासाठी तर निम्मी निर्यातीसाठी जातात. यंदा बेदाण्याकडे तुलनेने कल कमी आहे. परिणामी बेदाणा व खाण्याच्या द्राक्षांनाही मागणी वाढली आहे. जानेवारीत दरात अजून २० टक्‍क्‍यांनी वाढ होण्याचा अंदाज आहे.

खरेदीदारांची पत तपासण्याची गरज 
द्राक्ष निर्यातदार राजाराम सांगळे यांनी सांगितले, की देशांतर्गत बाजारासाठी तसेच निर्यातीच्या बाजारासाठी द्राक्ष देताना शेतकऱ्यांनी खरेदीदार व्यापाऱ्यांची नीट माहिती घ्यावी. त्याची पत नीट तपासूनच माल दिला पाहिजे. कमी साखरेचा साधारण दर्जाचा माल मागणाऱ्या व्यापाऱ्याला माल देऊ नये. गोड चवीच्या बाबतीत खरेदीदार व व्यापारी या दोघांनीही तडतोड करु नये. ही पथ्ये पाळली तर नुकसान टळेल, असे त्यांनी स्पष्ट केले.
 


इतर अॅग्रोमनी
खाद्यतेल आयात शुल्क कमी कराः ग्राहक...नवी दिल्ली: देशांतर्गत वाढलेले खाद्यतेलाचे...
खाद्यतेल बाजारात सटोडियांकडून खोड्याचा...पुणे : खाद्यतेलासह तेलबिया वायदे बाजारात सध्या...
नव्या बेदाण्यास १७५ रुपये दर तासगाव, जि. सांगली ः तासगाव कृषी उत्पन्न बाजार...
कापड गिरण्या बाजारातून कापूस खरेदीस...मुंबई ः साउथ इंडियन मिल्स असोसिएशनने केंद्रीय...
देशात साखर उत्पादनात २६ टक्के घटनवी दिल्ली ः देशात १५ जानेवारीपर्यंत ४४० साखर...
साखर दराची दुहेरी पद्धत ठरवाकोल्हापूर : साखर उद्योगाला बळकटी आणण्यासाठी...
जालन्यात रेशीम कोषाला मिळाला ५०० रुपये...जालना : येथील बाजार समितीच्या आवारात रेशीम कोष...
तादंळाच्या आफ्रिकेतील बाजारपेठेवर चीनचा...नवी दिल्ली : तांदळाची आयात करणारा देशच आता...
खान्देशची केळी निर्यातीत आघाडीकेळीने जगात जळगावला मोठी ओळख दिली आहे. ही ओळख...
कोल्हापुरात गुळाच्या आवकेत तीस टक्क्‍...कोल्हापूर: येथील बाजार समितीत गेल्या हंगामाच्या...
हळद, कापसाच्या फ्युचर्स किमतीत वाढया सप्ताहात बहुतेक सर्वच पिकांच्या मागणीत वाढ...
खाद्यतेल आयात शुल्कात कपात करू नयेः एसईएनवी दिल्ली: आग्नेय आशियातील देशांबरोबर...
देशात आगाप रब्बी कांदा लागणीत १७...पुणे : डिसेंबरच्या पहिल्या आठवड्याअखेर प्रमुख...
उत्तम शेतीसोबत पूरक उद्योगातून वाढवले...लातूर जिल्ह्यातील भोईसमुद्रगा गावातील रावसाहेब...
अन्न सुरक्षेत कृषी अर्थशास्त्रज्ञांची...परभणी : शेतकऱ्यांचे उत्पन्न दुप्पट...
केंद्र सरकार कडधान्याचा पुरवठा करणार;...नवी दिल्ली: खरिप हंगामात कडधान्याचे उत्पादन...
कापूस, मक्याला वाढती मागणी या सप्ताहात सर्वच पिकांच्या मागणीत वाढ झाली,...
परभणी कृषी विद्यापीठात शनिवारपासून...परभणी : वसंतराव नाईक मराठवाडा कृषी विद्यापीठातील...
साखर निर्यात अनुदान सहा महिन्यांपासून...कोल्हापूर : साखर निर्यातीला प्रोत्साहन देण्यासाठी...
साखर उत्पादनात उत्तरप्रदेशच राहणार...कोल्हापूर : यंदाच्या गाळप हंगामात साखर उत्पादनात...