सांगलीत पाच हजार एकरावरील द्राक्षे बागेतच 

सांगली: लॉकडाऊनमुळे द्राक्षाची वाहतूक विस्कळीत झाली आहे. त्यामुळे जिल्ह्यात सुमारे ५ हजार एकरावरील द्राक्षे बागेतच असून शेतकऱ्यांना जवळपास ३५० कोटींहून अधिकचा फटका बसण्याची शक्यता असल्याचे जाणकारांनी सांगितले. त्यामुळे शासनाने कर्जमाफी द्यावी, अशी मागणी द्राक्ष उत्पादकांनी केली आहे.  देशात कोरोना विषाणूचा प्रादुर्भाव झाल्याने संपूर्ण वाहतूक बंद करण्यात आली होती. या दरम्यान, जिल्ह्यात २० हजार एकर क्षेत्रावरील द्राक्ष बागेतच होती. परंतू शेतीमाल वाहतुकीचा समावेश अत्यावश्यक सेवेत केल्याने वाहतूकीला परवानगी मिळाला.  मात्र, देशभरातील द्राक्षाची बाजारपेठ बंद आहे. सध्या द्राक्षाला मागणी असली तरी ग्राहकांची संख्या घटली आहे. त्यामुळे शेतकरी बेदाणा निर्मिती करण्याकडे वळले. तर काहींनी द्राश्राची थेट विक्री केली. सध्या जिल्ह्यात पाच हजार एकरावरील द्राक्षाची विक्री होणे बाकी आहे. या पाच हजार क्षेत्रावरील द्राक्षाचे सुमारे ३५० कोटींचा फटका बससण्याची शक्यता आहे.  द्राक्ष शेतीचा दृष्टिक्षेपात  लॉकडॉऊन होण्यापूर्वी : २० हजार एकर क्षेत्र शिल्लक होते  बेदाणा निर्मितीस : १० हजार एकर क्षेत्रावरील वापर  थेट विक्री : पाच हजार एकरावरील  देशभरात विक्री : ५ हजार एकरावरील  सध्या शिल्लक क्षेत्र : ५ हजार एकर  शेतकरी संकटात 

प्रतिक्रिया अगोदरच महापूर आणि अतिवृष्टीमुळे शेतकरी हतबल झाला आहे. त्यातच कोरोनामुळे संपूर्ण बाजारपेठ बंद होत्या. त्यामुळे द्राक्षाची विक्री झाली नसल्याने कर्जाचा डोंगर उभा राहणार आहे. शासनाने संपूर्ण कर्जमाफी करावी.  - मारुती चव्हाण, द्राक्ष उत्पादक शेतकरी, सांगली