agriculture news in Marathi grapes traders registration pending this year Maharashtra | Page 2 ||| Agrowon

द्राक्ष व्यापारी नोंदणीला यंदाही मुहूर्त नाहीच 

टीम अॅग्रोवन
बुधवार, 3 मार्च 2021

हंगामात द्राक्षाची खरेदी करण्यासाठी देशभरातील व्यापारी सांगली जिल्ह्यात दाखल होतात. द्राक्षाची खरेदी करताना शेतकऱ्यांची फसवणूकही झालेली आहे. 

सांगली ः हंगामात द्राक्षाची खरेदी करण्यासाठी देशभरातील व्यापारी सांगली जिल्ह्यात दाखल होतात. द्राक्षाची खरेदी करताना शेतकऱ्यांची फसवणूकही झालेली आहे. फसवणुकीला आळा घालण्यासाठी आधार कार्ड, पॅन कार्ड आणि बॅंकेचे पासबुक या कागदपत्रांची पूर्तता करून व्यापाऱ्यांची नोंदणी करावी, अशी मागणी दरवर्षी होते. यंदाही व्यापारी नोंदणीचा विषय बाजूला पडला आहे. 

द्राक्ष खरेदी करताना व्यापाऱ्यांकडून होणारी फसवणूकही नवी नाही. गेल्या अनेक वर्षांपासून शेतकऱ्यांची मोठ्या प्रमाणात फसवणूक होते. हंगाम संपला, की जिल्ह्यातील किती कोटींची फसवणूक झाली आहे, याची आकडेवारी समोर येते. त्यानंतर शेतकरी पोलिस स्टेशनमध्ये धाव घेतात. त्या ठिकाणी गुन्हा नोंद करण्यासाठी आटापिटा करतात.

परंतु व्यापाऱ्यांची कोणतीही माहिती नसल्याने काहीच करता येत नाही. फसवणूक करणाऱ्यांवर कोणतीही कारवाई होत नाही. त्यामुळे शेतकऱ्यांचे दरवर्षी कोट्यवधीचे नुकसान होते. त्यावर शेतकरी आणि शेतकरी संघटनांनी मोर्चे देखील काढले होते.

जिल्ह्यात द्राक्ष हंगाम सुरू होताच जिल्हा प्रशासन, बाजार समिती, द्राक्ष उत्पादक शेतकरी, पोलिस प्रशासन, शेतकरी संघटना अशी एकत्र बैठक होते. यामध्ये शेतकऱ्यांची फसवणूक होऊ नये म्हणून उपाययोजना आखल्या जातात. बाजार समितीच्या माध्यमातून प्रसिद्धिपत्रके देखील गावा गावात वाटले जातात. ग्रामपंचायतीच्या फलकावर व्यापाऱ्यांकडून कोणती कागदपत्रे घेऊन त्याची नोंदणी कशी करायची, याचा देखील उल्लेख केला जातो. हे केवळ हंगाम सुरू झाला की आठ ते दहा दिवस चालते. पुन्हा येरे माझ्या मागल्या अशी स्थिती निर्माण होते. मात्र व्यापाऱ्यांनी नोंदणी कुणी करायची, त्यांची कागदपत्रे कोणी घ्यायची, त्यांची संपूर्ण माहिती कोणाकडे द्यायची यासाठी ना बाजार समिती पुढे येते, ना जिल्हा प्रशासन पुढे येते. त्यामुळे शेतकऱ्यांमधून तीव्र संताप व्यक्त होत आहे. 

जिल्हाधिकाऱ्यांचे आवाहन तरीही... 
जिल्हाधिकारी डॉ. अभिजित चौधरी यांनी दोनच दिवसांपूर्वी लॉकडाउनची अफवा पसरवून द्राक्ष मालाचे दर पाडणाऱ्यांवर कारवाई करण्याचा इशारा दिला आहे. त्यानंतरही जिल्ह्यात द्राक्ष दरात फार सुधारणा झालेली नाही. पक्क माल सध्या २५ टक्के काढणीला आल्यामुळेही दरावर परिणाम झाला आहे. 

खर्चाची तोंडमिळवणी... 
एप्रिल छाटणीपासून हंगामावर कोरोना संकट आहे. अतिवृष्टी, अवकाळीमुळे खर्चात वाढ झाली. सध्या मिळणाऱ्या खर्चातून तोंडमिळवणी नव्हे तर घातलेली रक्कम तरी निघेल का याची चिंता शेतकऱ्यांना सध्या सतावतेय. 


इतर अॅग्रो विशेष
चैत्री यात्राही यंदा प्रतिकात्मक...सोलापूर ः कोरोनाच्या वाढत्या संसर्गाच्या पार्श्‍...
अवजारे उद्योगावर मंदीचे ढग पुणेः राज्यात पाच अब्ज रुपयांची उलाढाल करणाऱ्या...
फळे, भाजीपाला थेट पणन परवान्याला ६...पुणे ः कोरोना टाळेबंदीत शेतीमालाचे नुकसान होऊ नये...
देशाची साखर उत्पादनात उच्चांकी झेप कोल्हापूर ः साखर उत्पादनात देशाची घोडदौड ३०० लाख...
क्यूआर कोड रोखणार हापूसमधील भेसळ रत्नागिरी ः बाजारपेठेमध्ये ‘हापूस’ची कर्नाटक...
जालन्यात वर्षभरात ४२९ टन रेशीम कोष...जालना : येथे प्रायोगिक तत्त्वावर सुरू करण्यात...
राज्यात उन्हाचा चटका वाढणार पुणे : आठवडाभर पूर्वमोसमी पावसाने धुमाकूळ...
भाजीपाला विकण्याचे शेतकऱ्यांपुढे आव्हान...कोल्हापूर : ‘ब्रेक द चेन’च्या नवीन...
आठवडी बाजारांचे नेटवर्क उभारत यशस्वी...पुणे येथील नरेंद्र पवार व चार मित्रांनी एकत्र...
धान्य प्रक्रियेतून ‘संत तेजस्वी’ ची...शेतकरी गटापासून वाटचाल करीत देऊळगावमाळी (जि....
कोविडला नैसर्गिक आपत्ती घोषित करा ः...मुंबई ः राज्यातल्या ऑक्सिजन तुटवड्याच्या पार्श्‍...
उन्हाळी काकडीने उंचावले धामणखेलचे...बाजारपेठेची मागणी ओळखून धामणखेल (ता. जुन्नर. जि....
कडवंचीचे द्राक्ष आगार तोट्यात जालना : जिल्ह्यातील द्राक्षाचे आगार म्हणून ओळख...
मध्य महाराष्ट्र, मराठवाड्यात गारांनी...पुणे : गेल्या चार ते पाच दिवसांपासून मध्य...
सोयाबीन बियाणे वाहतुकीसाठी अट पुणे : सोयाबीन बियाणे उत्पादक कंपन्यांनी वाहतूक...
काळ्या गव्हाच्या लागवडीची...नाशिक : काळ्या गव्हामध्ये पौष्टिकता, औषधी गुणधर्म...
सांगलीत बेदाण्याचे सौदे पंधरा दिवस बंदच सांगली ः कोरोनाच्या वाढत्या प्रादुर्भावाने सांगली...
विदर्भात आज पावसाची शक्यता पुणे : मागील आठ दिवसांपासून वादळी पावसाने अनेक...
आवारात गर्दी नियंत्रणासाठी प्रभावी...पुणे : ‘ब्रेक द चेन’ मोहिमेअंतर्गत कोरोना...
पुणे बाजार समिती शनिवार-रविवार बंद; इतर...पुणे : पुणे बाजार समिती सोमवार ते शुक्रवार...