साताऱ्यात हिरवी मिरची प्रतिक्विंटल ३००० ते ३५००

सातारा ः येथील कृषी उत्पन्न बाजार समितीत बुधवारी (ता. ३१) हिरवी मिरची, गवारी तेजीत असून टोमॅटो, फ्लॅावर, कोबीच्या आवकेत वाढ झाली आहे. हिरव्या मिरचीची दहा क्विंटल आवक झाली असून मिरचीस दहा किलोस ३०० ते ३५० रुपये असा दर मिळाला आहे. गुरुवार (ता. २५) तुलनेत मिरचीस दहा किलो मागे ५० रुपयांची दरवाढ झाली असल्याची माहिती बाजार समितीच्या सूत्रांनी दिली.

संततधार पावसामुळे बाजार समितीत भाज्याच्या आवकेत घट झाली आहे. गवारीची एक क्विंटल आवक झाली असून दहा किलोस ३५० ते ४५० असा दर मिळाला आहे. काकडीची तीन क्विंटल आवक होऊन दहा किलो काकडीस २०० ते २५० असा दर मिळाला आहे. शेवग्याची एक क्विंटल आवक होऊन दहा किलो शेवग्यास ३०० ते ४०० असा दर मिळाला आहे. 

भेंडीची चार क्विंटल आवक झाली असून भेंडीस दहा किलोस १५० ते २०० असा दर मिळाला आहे. ढोबळी मिरचीची पाच क्विंटल आवक झाली असून दहा किलो मिरचीस २५० ते ३०० असा दर मिळाला आहे. वांग्याची पाच क्विंटल आवक झाली असून दहा किलोस १०० ते १६० असा दर मिळाला आहे. कारल्याची ११ क्विंटल आवक झाली असून दहा किलोस २०० ते २५० असा दर मिळाला आहे. 

टोमॅटो, फ्लॅावर, कोबीच्या आवकेत वाढ झाली आहे. टोमॅटोची २५ क्विंटल आवक झाली असून दहा किलो १०० ते १८० असा दर मिळाला आहे. कोबीची सहा क्विंटल आवक होऊन कोबीस दहा किलोस २०० ते २५० असा दर मिळाला आहे. फ्लॅावरची तीन क्विंटल आवक झाली असून दहा किलोस १५० ते २०० असा दर मिळाला आहे. 

पालेभाज्याचे  दर गेल्या सप्ताहापासून स्थिर आहेत. पालेभाज्यात मेथीची एक हजार जुड्याची आवक होऊन शेकड्यास ६०० ते ९०० असा दर मिळाला आहे. कोथिंबिरीची १५०० जुड्याची आवक होऊन शेकड्यास ४०० त ७०० असा दर मिळाला आहे.