औरंगाबाद : येथील कृषी उत्पन्न बाजार समितीमध्ये शनिवारी (ता.३) हिरव्या मिरचीची २३४ क्विंटल आवक झाली. तिला २००० ते २८०० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी कांद्यांची ५३७ क्विंटल आवक झाली. हिरव्या कांद्याला ४०० ते १४०० रुपये प्रतिक्विंटलचा दर मिळाला. ४७ क्विंटल आवक झालेल्या फ्लॉवरचा दर २५०० ते ३००० रुपये प्रतिक्विंटल राहिला. टोमॅटोची आवक १८६ क्विंटल झाली. त्याला १४०० ते ३००० रुपये प्रतिक्विंटलचा दर मिळाला. ३१ क्विंटल आवक झालेल्या वांग्याचे दर ८०० ते १६०० रुपये प्रतिक्विंटल राहिले. गवारीची आवक ७ क्विंटल, तर दर २५०० ते ३००० रुपये प्रतिक्विंटल राहिला. ८ क्विंटल आवक झालेल्या काकडीला १००० ते १५०० रुपये प्रतिक्विंटलचा दर मिळाला. ८५ क्विंटल आवक झालेल्या भेंडीचे दर १००० ते १४०० रुपये प्रतिक्विंटल राहिले. ६७ क्विंटल आवक झालेल्या कोबीला १००० ते १६०० रुपये प्रतिक्विंटलचा दर मिळाला. १७ क्विंटल आवक झालेल्या लिंबाला १५०० ते ३००० रुपये प्रतिक्विंटलचा दर मिळाला. ४ क्विंटल आवक झालेल्या शेवग्याचे दर ३००० ते ४००० रुपये प्रतिक्विंटल राहिले.
दुधी भोपळ्याची १४ क्विंटल आवक, तर दर ७०० ते ९०० रुपये, ढोबळी मिरचीची २३ क्विंटल आवक, तर दर १००० ते १५०० रुपये प्रतिक्विंटल राहिले. कारल्याची आवक २७ क्विंटल झाली. त्याला ८०० ते १२०० रुपये प्रतिक्विंटलचा दर मिळाला. ७३ क्विंटल आवक झालेल्या मक्याला ८०० ते १२०० रुपये प्रतिक्विंटलचा दर मिळाला. मोसंबीची आवक १५ क्विंटल, तर दर २००० ते ४००० रुपये प्रतिक्विंटल राहिला. १३ क्विंटल आवक झालेल्या डाळिंबाला १५०० ते ५५०० रुपये प्रतिक्विंटलचा दर मिळाला. खजुराची आवक २० क्विंटल, तर दर २५०० ते ४५०० रुपये प्रतिक्विंटल राहिला.
काशी फळाची २८ क्विंटल आवक, तर दर ५०० ते ९०० रुपये प्रतिक्विंटल राहिले. ९०० क्विंटल आवक झालेल्या बटाट्याचे दर ९०० ते १००० रुपये प्रतिक्विंटल राहिले. ८९०० जुड्यांची आवक झालेल्या मेथीला ५०० ते ७०० रुपये प्रतिशेकड्याचा दर मिळाला. १० हजार जुड्यांची आवक झालेल्या पालकचे दर ५०० ते ७०० रुपये प्रतिशेकडा राहिले. कोथिंबिरीची १४ हजार जुड्यांची आवक झाली. त्यास ३०० ते ५०० रुपये प्रतिशेकडा दर मिळाला, अशी माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.