Agriculture news in marathi, Green chillies in the state from Rs 1800 to 4000 | Agrowon

राज्यात हिरव्या मिरचीला १८०० ते ४००० रुपये
टीम अॅग्रोवन
शुक्रवार, 23 ऑगस्ट 2019

परभणी : येथील पाथरी रस्त्यावरील फळे -भाजीपाला मार्केटमध्ये गुरुवारी (ता. २२) हिरव्या मिरचीची ६५ क्विंटल आवक झाली. तिला प्रतिक्विंटल २००० ते ३२०० रुपये दर मिळाले, अशी माहिती मार्केटमधील सूत्रांनी दिली.

परभणी : येथील पाथरी रस्त्यावरील फळे -भाजीपाला मार्केटमध्ये गुरुवारी (ता. २२) हिरव्या मिरचीची ६५ क्विंटल आवक झाली. तिला प्रतिक्विंटल २००० ते ३२०० रुपये दर मिळाले, अशी माहिती मार्केटमधील सूत्रांनी दिली.

सध्या येथील मार्केटमध्ये स्थानिक परिसरातील सिंगणापूर, गोविंदपूरवाडी, शहापूर तसेच बीड जिल्हा आणि तेलंगणातील सिध्दीपेठ येथून हिरव्या मिरचीची आवक होत आहे. गेल्या महिनाभरातील प्रत्येक गुरुवारी हिरव्या मिरचीची ४५ ते ७० क्विंटल आवक झाली. त्या वेळी प्रतिक्विंटल सरासरी १८०० ते ४००० रुपये दर मिळाले. गुरुवारी हिरव्या मिरचीची ६५ क्विंटल आवक झाली. त्या वेळी घाऊक विक्रीचे दर प्रतिक्विंटल २००० ते ३२०० रुपये होते. किरकोळ विक्री प्रतिकिलो ४० ते ६० रुपये दराने सुरू होती, असे व्यापारी प्रकाश बोराडे यांनी सांगितले.

.नाशिकमध्ये प्रतिक्विंटल २५०० ते ४००० रुपये
नाशिक येथील कृषी उत्पन्न बाजार समितीत बुधवारी (ता. २१) हिरव्या मिरचीची आवक १५३ क्विंटल झाली. तिला प्रतिक्विंटल किमान २५०० ते कमाल ४००० रुपये असा दर मिळाला. सर्वसाधारण दर ३३०० रुपये आहे, अशी माहिती बाजार समितीच्या सूत्रांनी दिली.

मंगळवारी (ता.२०) हिरव्या मिरचीची आवक १२७ क्विंटल झाली. तिला ३००० ते ४५०० असा प्रतिक्विंटल दर मिळाला. सर्वसाधारण दर ३९५० रूपये होता. सोमवारी (ता. १९) हीच आवक ३३९ क्विंटल झाली. त्या वेळी ३५०० ते ४५०० प्रतिक्विंटल दर मिळाला. सर्वसाधारण दर ४००० राहिला.

रविवारी (ता. १८) हिरव्या मिरचीची आवक ३१९ क्विंटल झाली. तिला ३५०० ते ४५०० असा दर मिळाला. सर्वसाधारण दर ४००० होता. 

शनिवारी (ता. १७) आवक ६५ क्विंटल, तर दर ३२०० ते ४००० असा राहिला. सर्वसाधारण दर ३४०० रुपये होता. शुक्रवारी (ता. १६) हिरव्या मिरचीची आवक १३० क्विंटल झाली. तिला ३२०० ते ४००० असा दर मिळाला. सर्वसाधारण ३८०० दर राहिला. मागील आठवड्यापासून बाजार समितीत हिरव्या मिरचीची 
आवक कमी झाल्याचे दिसून आले आहे. चालू महिन्यात मिरची आवक कमी झाली असून दरात सुधारणा झाली आहे.

पुण्यात प्रतिदहा किलोस २०० ते ४०० रुपये

गुलटेकडी येथील कृषी उत्पन्न बाजार समितीमध्ये 
हिरव्या मिरचीची सुमारे १० ते १२ टेम्पो आवक झाली झाली. 
या वेळी दहा किलोला २०० ते ४०० रुपये दर मिळाला. हिरव्या मिरचीची आवक ही प्रामुख्याने आंध्रप्रदेश, कर्नाटक आणि गुजरात राज्यांतून होत आहे. स्थानिक आवक अत्यल्प राहिली. सध्या पूरपरिस्थितीमुळे स्थानिक मिरचीची आवक कमी झाल्याने दर वाढलेले आहेत,’’ अशी माहिती बाजार समितीतील सूत्रांनी सांगितली.

सोलापुरात सर्वाधिक २५०० रुपये

सोलापूर कृषी उत्पन्न बाजार समितीच्या आवारात गतसप्ताहात हिरव्या मिरचीला चांगली मागणी राहिली. तिला प्रतिक्विंटलला सर्वाधिक २५०० रुपये इतका दर मिळाल्याचे बाजार समितीच्या सूत्रांकडून सांगण्यात आले. 

बाजार समितीच्या आवारात या सप्ताहात हिरव्या मिरचीची आवक रोज ३० ते ६० क्विंटलपर्यंत झाली. दर प्रतिक्विंटलला किमान १००० रुपये, सरासरी १५०० रुपये आणि सर्वाधिक २५०० रुपये असा मिळाला. या आधीच्या सप्ताहात हाच दर प्रतिक्विंटलला किमान ९०० रुपये, सरासरी १८०० रुपये आणि सर्वाधिक २८०० रुपयांवर होता. आवक रोज २० ते ४० क्विंटलपर्यंत होती. ऑगस्टच्या पहिल्या आठवड्यातही आवक एकदमच कमी १० ते १५ क्विंटलपर्यंत झाली. पण मागणी असल्याने दर टिकून राहिले. दर प्रतिक्विंटलला किमान १००० रुपये, सरासरी १५०० रुपये आणि  सर्वाधिक  ३००० रुपये इतका मिळाला. पण एकूणच दरातील किरकोळ चढ-उतार वगळता दर टिकून राहिल्याचे दिसून आले.

नागपूर  स्थानिक कळमणा बाजार समितीत हिरव्या मिरचीची नियमित आवक असून ती सरासरी २३० क्‍विंटलच्या घरात असल्याचे व्यापारी सूत्रांनी सांगितले. 

बाजारात महिन्याच्या सुरवातीला २२०० ते २५०० रुपये क्‍विंटलचे दर मिरचीला होते. त्यानंतर १९ ऑगस्टपासून दरात काहीशी सुधारणा झाली. २८०० ते ३२०० रुपये क्‍विंटलचा दर त्यानंतरच्या काळात शेतकऱ्यांना मिळाला. सद्यस्थितीत मिरचीचे दर २५०० ते ३००० रुपयांवर स्थिरावल्याचे व्यापाऱ्यांनी सांगितले. यापुढील काळात काही दिवसांपर्यंत दर स्थिर राहण्याचा अंदाज वर्तविला जात आहे. 

किरकोळ बाजारात मिरची ४० रुपये किलोने मिरचीचे व्यवहार होत आहेत. नागपूरलगतच्या भिवापूर परिसरात तसेच मध्यप्रदेशातील छिंदवाडा भागात मिरचीची लागवड शेतकऱ्यांव्दारे होते. त्यांच्याकडूनच कळमणा मार्केटमध्ये मिरचीचा पुरवठा होतो, असे सांगण्यात आले. सद्यस्थितीत मिरचीची आवक २३० ते २३५ क्‍विंटलवर पोचली आहे. सुरवातीला १४५ ते १५० क्‍विंटल इतकीच मिरचीची आवक होती.

औरंगाबाद येथील कृषी उत्पन्न बाजार समितीमध्ये गुरुवारी(ता. २२) हिरव्या मिरचीची १३० क्‍विंटल आवक झाली. तिला २१०० ते २४०० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली. 

औरंगाबाद बाजार समितीमध्ये १० ऑगस्टला हिरव्या मिरचीची २४७ क्‍विंटल आवक झाली. तिला १३०० ते १७०० रुपये प्रतिक्‍विंटलचा दर मिळाला. १३ ऑगस्ट रोजी १०९ क्‍विंटल आवक झालेल्या हिरव्या मिरचीचे दर २००० ते २५०० रुपये प्रतिक्‍विंटल राहिले. १५ ऑगस्टला तिची १९९ क्‍विंटल आवक झाली. तिला ३००० ते ४००० रुपये प्रतिक्‍विंटलचा दर मिळाला. १७ ऑगस्ट रोजी मिरचीची आवक ५८ क्‍विंटल, तर दर ३५०० ते ४००० रुपये प्रतिक्‍विंटल राहिले. 

रविवारी (ता. १९) १५४ क्‍विंटल आवक झालेल्या हिरव्या मिरचीला २५०० ते ३५०० रुपये प्रतिक्‍विंटलचा दर मिळाला. सोमवारी (ता. २०)तिची १५० क्‍विंटल आवक झाली. तिला २५०० ते ४००० रुपये प्रतिक्‍विंटल दर मिळाला. मंगळवारी (ता. २१) १५४ क्‍विंटल आवक झालेल्या हिरव्या मिरचीला ३००० ते ३५०० रुपये प्रतिक्‍विंटलचा दर मिळाल्याची माहिती बाजार समितीच्या सूत्रांनी दिली.

अकोल्यात प्रतिक्विंटल १८०० ते ३५०० रुपये 

अकोला  येथील जनता भाजी बाजारात गुरुवारी (ता. २२) हिरव्या मिरचीची १८०० ते ३५०० रुपये प्रतिक्विंटल दराने विक्री झाली.  मिरचीची आवक सध्या मोठ्या प्रमाणात वाढू लागली आहे, अशी माहिती व्यापारी सूत्रांकडून देण्यात 
आली. 

सध्या येथील बाजारात मिरचीचे दर गेल्या काही दिवसांपासून स्थिर आहेत. मिरचीची आवक प्रामुख्याने अकोला जिल्हा वगळता इतर जिल्ह्यांमधून होऊ लागली आहे. गुरुवारी मिरची कमीत कमी १८०० रुपये आणि सर्वाधिक ३५०० रुपयांपर्यंत विकली गेली. गुरुवारी २ टनांपेक्षा अधिक मिरचीची आवक झाली. घाऊक विक्रीचा दर प्रतिकिलो ४० ते ६० रुपयांदरम्यान राहिला. मिरचीची आवक आणखी वाढल्यास दरांमध्ये काही अंशी घट होईल, अशी शक्यता व्यापारी सूत्रांकडून व्यक्त करण्यात आली.

इतर बाजारभाव बातम्या
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
औरंगाबादमध्ये कांदा १५०० ते ४४०० रुपये...औरंगाबाद : येथील कृषी उत्पन्न बाजार समितीमध्ये...
उन्हाळ कांद्याचा आलेख चढाचनाशिक : मागील दोन आठवड्यांपासून उन्हाळ कांद्याची...
परभणीत शेवगा ३५०० ते ५००० रुपये...परभणी : येथील पाथरी रस्त्यावरील फळे भाजीपाला...
राज्यात लिंबांना प्रतिक्विंटल १५०० ते...सोलापुरात प्रतिक्विंटल सर्वाधिक १० हजार रुपये...
जळगावात वांगी १५०० ते २८०० रुपये...जळगाव : कृषी उत्पन्न बाजार समितीत बुधवारी (ता.१८...
अकोल्यात उडीद प्रतिक्विंटल सरासरी ४६००...अकोला ः येथील कृषी उत्पन्न बाजार समितीत आवक...
खानदेशात मुगाचे दर स्थिर, उडदाच्या...जळगाव ः खानदेशातील प्रमुख बाजार समित्यांमध्ये...
औरंगाबादेत कोबी १००० ते १२०० रुपये...औरंगाबाद : येथील कृषी उत्पन्न बाजार समितीमध्ये...
नाशिकमध्ये कांद्याची आवक घटली; दरात वाढनाशिक : नाशिक कृषी उत्पन्न बाजार समितीमध्ये चालू...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
परभणीत काकडी प्रतिक्विंटल ३०० ते ६००...परभणी ः येथील पाथरी रस्त्यावरील फळे भाजीपाला...
नाशिकमध्ये गवार २५०० ते ४५०० रूपये...नाशिक : येथील कृषी उत्पन्न बाजार समितीमध्ये...
जळगावात डाळिंब २१०० ते ४८०० रुपये...जळगाव : कृषी उत्पन्न बाजार समितीत मंगळवारी (ता....
केळीच्या मध्य प्रदेशातील आवकेत घट;...जळगाव : मध्य प्रदेशातील बऱ्हाणपूर येथील बाजारातील...
सोलापुरात वांगी, गवार, भेंडीच्या दरांत...सोलापूर : सोलापूर कृषी उत्पन्न बाजार...
औरंगाबादमध्ये लिंबू २५०० ते ४५०० रुपये...औरंगाबाद : येथील कृषी उत्पन्न बाजार...
कोल्हापुरात नवीन गुळाला साडेतीन ते सहा...कोल्हापूर : कृषी उत्पन्न बाजार समितीच्या शाहू...
राज्यात घेवडा प्रतिक्विंटल ८०० ते ५५००...सोलापुरात प्रतिक्विंटलला सर्वाधिक ४५०० रुपये...