औरंगाबाद : येथील कृषी उत्पन्न बाजार समितीमध्ये शनिवारी (ता. ६) हिरव्या मिरचीची १३७ क्विंटल आवक झाली. तिला २००० ते ३६०० रुपये प्रतिक्विंटलचा दर मिळाल्याची माहिती बाजार समितीच्या सूत्रांनी दिली.
औरंगाबाद बाजार समितीमध्ये शनिवारी कांद्याची ७६८ क्विंटल आवक झाली. त्याला २५० ते ७५० रुपये प्रतिक्विंटलचा दर मिळाला. २७७ क्विंटल आवक झालेल्या टोमॅटोचे दर २०० ते १००० रुपये प्रतिक्विंटल राहिले. ३९ क्विंटल आवक झालेल्या वांग्याला १००० ते १६०० रुपये प्रतिक्विंटलचा दर मिळाला. २० क्विंटल आवक झालेल्या गवारचे दर २००० ते ५००० रुपये प्रतिक्विंटल राहिले. ४८ क्विंटल आवक झालेल्या काकडीला १५०० ते ३५०० रुपये प्रतिक्विंटलचा दर मिळाला. वालशेंगांची आवक ३ क्विंटल, तर दर ३००० ते ४००० रुपये प्रतिक्विंटल राहिला. १० क्विंटल आवक झालेल्या मक्याला ८०० ते १००० रुपये प्रतिक्विंटलचा दर मिळाला.
लिंबाची आवक १५ क्विंटल, तर दर २००० ते ३५०० रुपये, कारल्याची आवक ५ क्विंटल, तर दर ४००० ते ५५००, पत्ता कोबीची आवक १८७ क्विंटल, तर दर ७०० ते १०००, फ्लॉवरची आवक ५८ क्विंटल, तर दर १५०० ते २२००, ढोबळ्या मिरचीची आवक १८ क्विंटल, तर दर २५०० ते ३५००, शेवग्याची आवक ३२ क्विंटल, तर दर १५०० ते २५०० रुपये प्रतिक्विंटल राहिला. ५८ क्विंटल आवक झालेल्या गाजराला ५०० ते १००० रुपये प्रतिक्विंटलचा दर मिळाला. कैरीची आवक ३१० क्विंटल, तर दर १२०० ते १६०० रुपये प्रतिक्विंटल राहिले. ३५ क्विंटल आवक झालेल्या दिलपसंदला १५०० ते २००० रुपये प्रतक्विंटलचा दर मिळाला.
३० क्विंटल आवक झालेल्या मोसंबीचे दर १५०० ते ४५०० रुपये प्रतिक्विंटल राहिले. ६५ क्विंटल आवक झालेल्या डाळिंबाला १००० ते ३००० रुपये प्रतिक्विंटलचा दर मिळाला. द्राक्षाची आवक १२२ क्विंटल, तर दर ३००० ते ५००० रुपये, पपईची आवक १३० क्विंटल, तर दर ३०० ते ५०० रुपये, लालबाग व बदाम आंब्याची २० क्विंटल आवक, तर दर ५००० ते ८०००, टरबूज किरणची आवक ४५५ क्विंटल, तर दर ६०० ते १००० रुपये प्रतिक्विंटल मिळाला.
१७ क्विंटल आवक झालेल्या संत्राला २५०० ते ४५०० रुपये प्रतिक्विंटलचा दर मिळाला. ७ क्विंटल आवक झालेल्या चिंचेचे दर ३००० ते ७५०० रुपये प्रतिक्विंटल राहिले. ४५०० जुड्यांची आवक झालेल्या मेथीचे दर १००० ते १७०० रुपये प्रतिशेकडा राहिले. ६५०० जुड्यांची आवक झालेल्या पालकला ३०० ते ८०० रुपये प्रतिशेकड्याचा दर मिळाला. ९५०० जुड्यांची आवक झालेल्या कोथिंबिरीचे दर ८०० ते १००० रुपये प्रतिशेकडा राहिल्याची माहिती बाजार समितीच्या सूत्रांनी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.