औरंगाबादमध्ये हिरवी मिरची ८०० ते १४०० रुपये प्रतिक्विंटल

औरंगाबाद : येथील कृषी उत्पन्न बाजार समितीमध्ये शनिवारी (ता. ५) हिरव्या मिरचीची आवक १४५ क्विंटल झाली. तिला ८०० ते १४०० रुपये प्रतिक्विंटलचा दर मिळाला.

कृषी उत्पन्न बाजार समितीमध्ये शनिवारी कांद्याची ५५५ क्विंटल आवक झाली. त्याला १००० ते २८०० रुपये प्रतिक्विंटलचा दर मिळाला. टोमॅटोची आवक १७१ क्विंटल, तर दर ५०० ते २००० रुपये प्रतिक्विंटल राहिले. ४७ क्विंटल आवक झालेल्या वांग्याला ५०० ते १५०० रुपये प्रतिक्विंटलचा दर मिळाला. गवारीची आवक ७ क्विंटल, तर दर ३००० ते ३५०० रुपये प्रतिक्विंटल राहिला. ३८ क्विंटल आवक झालेल्या भेंडीला २००० ते २२०० रुपये प्रतिक्विंटलचा दर मिळाला. ३ क्विंटल आवक झालेल्या वाल शेंगांना २५०० ते ३८०० रुपये प्रतिक्विंटलचा दर मिळाला.

चवळीची ४ क्विंटल आवक झाली. तिचे दर १२०० ते १८०० रुपये प्रतिक्विंटल राहिले. ३८ क्विंटल आवक झालेल्या मक्याला ६०० ते १००० रुपये प्रतिक्विंटलचा दर मिळाला. ८५ क्विंटल आवक झालेल्या काकडीचे दर ४०० ते ८०० रुपये प्रतिक्विंटल राहिले. ३५ क्विंटल आवक झालेल्या लिंबांना २००० ते २५०० रुपये प्रतिक्विंटलचा दर मिळाला. कारल्याची आवक १४ क्विंटल, तर १५०० ते २००० रुपये प्रतिक्विंटल राहिला. ३ क्विंटल आवक झालेल्या दुधी भोपळ्याला ५०० ते ७०० रुपये प्रतिक्विंटलचा दर मिळाला.

कोबीची आवक ९१ क्विंटल, तर दर १००० ते १५०० रुपये प्रतिक्विंटल राहिला. ४९ क्विंटल आवक झालेल्या फ्लॉवरला २५०० ते ३५०० रुपये प्रतिक्विंटलचा दर मिळाला. २२ क्विंटल आवक झालेल्या ढोबळ्या मिरचीचे दर २००० ते २५०० रुपये राहिले. २८ क्विंटल आवक झालेल्या मोसंबीचे दर २५०० ते ५५०० रुपये प्रतिक्विंटल राहिले. डाळिंबाची आवक २९ क्विंटल तर, दर १००० ते ७००० रुपये प्रतिक्विंटल राहिले. २० क्विंटल आवक झालेल्या संत्राला १६०० ते ३१०० रुपये प्रतिक्विंटलचा दर मिळाला.

मेथीच्या ११ हजार जुड्यांची आवक झाली. तिला प्रतिशेकडा ६०० ते ७०० रुपये दर मिळाला. कोथंबिरिची आवक १९ हजार जुड्या, तर दर ४०० ते ५०० रुपये प्रतिशेकडा राहिले. ९५०० जुड्यांची आवक झालेल्या पालकाला ३०० ते ७०० रुपये प्रतिशेकडा दर मिळाल्याची माहिती बाजार समितीच्या सूत्रांनी दिली.