agriculture news in Marathi ground water increased by 1.39 meter Maharashtra | Agrowon

बुलडाणा जिल्ह्याच्या भूजलपातळीत १.३९ मीटरने वाढ

टीम अॅग्रोवन
बुधवार, 11 डिसेंबर 2019

कधी नव्हे ती या वर्षी दमदार पाऊस झालेला आहे. परतीचा पाऊससुद्धा ताकदीने झाल्याने ही भूजलपातळीत वाढ झालेली आहे. असे प्रत्येक वर्षी होईलच, याची शाश्‍वती नाही. त्यामुळे आपल्याकडे आलेले पाणी आता जपून वापरले पाहिजे. त्याचे मोल प्रत्येकाने जाणले तरच फायदा होईल.
- रामकृष्ण पाटील, जलतज्ज्ञ
 

बुलडाणा ः मागील काही वर्षांपासून जिल्हा सातत्याने दुष्काळाला सामोरा जात आहे. पाणी समस्येत यामुळे मोठ्या प्रमाणात भर पडली. गेल्या वर्षी जिल्ह्यात पहिल्यांदा परतीच्या पावसाने धुमाकूळ घातल्याने पिकांचे अतोनात नुकसान झाले. कोट्यवधींची हानी झाली आहे. परंतु, याच पावसामुळे जिल्ह्याच्या भूजलपातळीत वाढ झाली. बंद पडलेले पाण्याचे स्रोत पुनरुज्जीवित झाले. 

जिल्ह्यात भूजलपातळी १.३९ मीटरने वाढली आहे. भूजल सर्वेक्षण यंत्रणेने जिल्ह्यात विविध ठिकाणी जवळपास १६७ विहिरींचे निरीक्षण नोंदवले. त्यात सप्टेंबर २०१९ मध्ये भूजलपातळी ४.७७ मीटर इतकी आढळून आलेली आहे. १.३९ मीटरची वाढ त्यात झालेली असल्याचे सांगितले जाते.

गेल्या चार-पाच वर्षांपासून जिल्ह्यात सातत्याने दुष्काळजन्य परिस्थिती निर्माण झाली होती. या वर्षात एप्रिल-मे महिन्यांत जिल्ह्यात १५० पेक्षा अधिक टँकर धावत होते. जागोजागी पाण्याचे स्रोत आटल्याने पाणीपुरवठा योजना बंद पडल्या. शेतांमधील विहिरी उघड्या झाल्याने सिंचन बंद झाले होते. अनेकांना उन्हाळ्यात पिके घेता आली नसल्याची वस्तुस्थिती आहे. अशा परिस्थितीत यंदाचा पाऊस मोठा दिलासा देणारा ठरला आहे. प्रामुख्याने पाणीपातळीत वाढ होण्यास मदत झालेली आहे. प्रामुख्याने परतीचा पाऊस अधिक फायदेशीर ठरला.

भूजलपातळी वाढल्याने आगामी काळात पाणीटंचाई निवारण्यासाठी त्याचा मोठा फायदा होणार आहे. सोबतच सिंचनासाठी फायदेशीर ठरणार आहे. या वर्षी बुलडाणा जिल्ह्यात परतीच्या पावसामुळे पातळीत वाढ झालेली आहे. सध्याही अनेक ठिकाणी नदी-नाले वाहताना दिसत आहेत. याचाच अर्थ जमिनीत पाणी साठवल्यानंतरचे उर्वरित पाणी झिरपत आहे. यंदा अनेक वर्षांत ही वाढ झालेली असल्याचे वरिष्ठ अधिकाऱ्याने सांगितले.

या जिल्ह्यात सर्वाधिक भूजलपातळी संग्रामपूर तालुक्यात ७.६० मीटरने वाढल्याचे दिसून आले आहे. दुसरीकडे देऊळगावराजा, लोणार व सिंदखेडराजा तालुक्यात भूजलपातळीत फारशी वाढ झालेली नाही. जिल्ह्यातील सर्वच लहान-मोठे प्रकल्प यंदा तुडुंब भरून आहेत. जलसंधारणाच्या कामांमध्ये सर्वत्र पाणी साठलेले आहे. हा साठा किमान मार्च महिन्यापर्यंत शेतकऱ्यांना फायदेशीर ठरणारा आहे.

तालुकानिहाय भूजलपातळीची आकडेवारी (मीटरमध्ये)

तालुका  पाणीपातळी  घट-वाढ
बुलडाणा  १.८४    १.४२
चिखली    १.७६    १.११
देऊळगावराजा   ४.८३   (-०.०८)
मेहकर   ३.०६  ०.११
लोणार   ३.७०  (-०.१५)
सिंदखेडराजा  ३.२३    (-०.४५)
मलकापूर ५.४९  ३.०६
नांदुरा    १३.७३   १.२१
मोताळा   ३.५६   १.८१
खामगाव  २.८८  २.८९
शेगाव  ६.०८ २.७३
जळगाव (जा.)  ३.४३   २.२१
संग्रामपूर   ३.२३   ७.६०
एकूण   ४.७७      १.३९

 


इतर बातम्या
नरनाळा किल्ला पर्यटन विकासासाठी...अकोला  : अकोला जिल्ह्याच्या सर्वसाधारण...
पीक फेरपालटातून रोगांचा प्रादुर्भाव...येत्या हवामान बदलाच्या काळामध्ये कीड आणि रोगांचा...
मंगळवेढ्यात डाळिंबाच्या सौद्यांना...मंगळवेढा, जि. सोलापूर : मंगळवेढा कृषी उत्पन्न...
अकोला जिल्ह्यातील सात गावे झाली ‘...अकोला  ः जिल्ह्यातील सात गावांची राज्य...
वाशीम जिल्ह्यात ७७७ कोटींंची कर्जमुक्ती...वाशीम : राज्याचे मुख्यमंत्री उद्धव ठाकरे...
शेतकऱ्यांच्या उत्पन्नवाढीसाठी कृषी...नाशिक : ग्रामीण भागातील गरीब शेतकऱ्यांचे उत्पन्न...
पूर्णा येथे रेशीम कोषास प्रतिकिलोस ५१५...परभणी : पूर्णा (जि. परभणी) येथील रेशीम कोष...
सांगलीत ‘माणगंगा’वर ताब्याच्या...सांगली : आटपाडीतील माणगंगा सहकारी साखर...
सोलापूर जिल्हा नियोजन आराखड्यात ७४.४५...सोलापूर : जिल्ह्याच्या सन २०२०-२०२१ च्या जिल्हा...
सूक्ष्म सिंचन साधनांमुळे आदिवासी शेतकरी...हिंगोली : ‘‘वसंतराव नाईक मराठावाडा कृषी...
मोर्शी येथे ‘कामदार’ कार्यालयाचे उद्‌...अमरावती  ः शेतकरी, कष्टकऱ्यांचे प्रश्‍न...
प्राप्त निधी वेळेत खर्च करा : भुजबळ नाशिक : ‘जिल्हा वार्षिक योजनेंतर्गत प्राप्त...
सोलापूरजिल्ह्याच्या ३४९.८७ कोटींच्या...सोलापूर : जिल्ह्यासाठी २०२०-२१ या आर्थिक...
सांगली जिल्ह्यातून डाळिंब निर्यातीसाठी...सांगली ः जिल्ह्यातून गतवर्षी ८०० टन डाळिंबाची...
खानदेशात रब्बीचे क्षेत्र दुप्पटजळगाव ः खानदेशात रब्बी हंगामाची स्थिती...
‘व्हीएसआय’ची आंतरराष्ट्रीय साखर परिषद...पुणे: वसंतदादा साखर संस्थेच्या वतीने आयोजित...
वाघाच्या बंदोबस्तासाठी गावकऱ्यांचा...भंडारा  ः वाघाच्या दहशतीमुळे शेतीकामे...
मराठवाड्यातील पाणीसाठ्यात झपाट्याने घटऔरंगाबाद : ऑक्‍टोबरमध्ये हिटऐवजी पावसाचे आगमन...
धोरणात्मक निर्णय, सिंचनाच्या सुविधेमुळे...नवी दिल्ली: धोरणात्मक निर्णय आणि पुढाकार;...
इथेनॉल प्रकल्पासाठी ३६ कारखान्यांनाच...नवी दिल्ली: पेट्रोलमध्ये १० टक्के इथेनॉल...