Growers are relieved by the increase in the price of herbal leaves
Growers are relieved by the increase in the price of herbal leaves

वनौषधी पानपिंपरीचे दर वाढल्याने उत्पादकांना दिलासा

जिल्ह्यात सातपुड्याच्या पायथ्याशी अकोट, तेल्हारा तालुक्यात पापपिंपरी या वनौषधीची शेती केली जात आहे. यंदा पानपिंपरीला चांगला दर मिळत असून, सध्या हे दर प्रतिकिलो साडेपाचशे रुपयांवर जाऊन पोहोचला आहे.

अकोला ः जिल्ह्यात सातपुड्याच्या पायथ्याशी अकोट, तेल्हारा तालुक्यात पापपिंपरी या वनौषधीची शेती केली जात आहे. यंदा पानपिंपरीला चांगला दर मिळत असून, सध्या हे दर प्रतिकिलो साडेपाचशे रुपयांवर जाऊन पोहोचला आहे. यामुळे आगामी काळात आणखी दर वाढण्याची चिन्हे निर्माण झाली आहेत.

अकोला, बुलडाणा, अमरावती या जिल्ह्यांमध्ये सातपुड्याच्या पायथ्याला लागून असलेल्या तालुक्यांमध्ये पानपिंपरीची लागवड केली जाते. वेलवर्गीय हे पीक जोखमीचे असल्याने सर्वच शेतकरी लागवड करीत नाहीत. मात्र यात कुशलता आलेले शेतकरी आता या पिकाच्या लागवडीकडे वळत आहेत.

आधी विड्याच्या पानाचे उत्पादन घेणारे शेतकरी आता पानपिंपरीची लागवड करीत आहेत. या भागात उत्पादित होणारी पानपिंपरी स्थानिक खरेदीदारांच्या माध्यमातून मोठ्या व्यापाऱ्यांकडे जाते. त्यांच्याकडून औषधी कंपन्यांकडे पोहोचविले जाते. गेली पाच-सहा वर्षांपासून पानपिंपरीला तीनशे ते साडेतीनशे रुपयांदरम्यान प्रतिकिलोला दर मिळत आहे. 

सध्या कोरोनाचा प्रभाव पाहता व या पानपिंपरीला आयुर्वेदात महत्त्व असल्याने मागणीत सुधारणा झाली. शिवाय गेल्या हंगामात काही शेतकऱ्यांना अपेक्षित उत्पादन झालेले नसल्याने आता मागणी वाढली. परिणामी, पानपिंपरीचा दर ५८० रुपयांपर्यंत जाऊन पोचला. येत्या काळात हाच दर सहाशेवर पोहोचेल, असा अंदाज शेतकरी व्यक्त करीत आहेत. या पिकाच्या दरात तेजी टिकून राहू शकते, असे व्यापारी सांगत आहेत.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com