नाशिक : ‘‘पणन हंगाम २०२०-२१ रब्बीसाठी गहू व भरडधान्य ज्वारी, मका खरेदी किमान आधारभूत किंमत खरेदी योजने अंतर्गत सुरु करण्याबाबत मान्यता देण्यात आली आली. त्यानुसार९ संस्थांना खरेदीचे कामकाज देण्यात आले आहे’’, अशी माहिती जिल्हा मार्केटिंग अधिकारी विवेक इंगळे यांनी दिली. मात्र उशिरा खरेदी सुरू झाली असल्याने शेतकऱ्यांनी नाराजी व्यक्त केली.
अन्न, नागरी पुरवठा व ग्राहक संरक्षण यांच्या शासन निर्णयानुसार जिल्ह्याला लक्ष्यांक देण्यात आला आहे. गहू १९७५, संकरित ज्वारी २६२०, मालदांडी ज्वारी २६४० व मका १८५० रुपये प्रतिक्विंटल दराने खरेदी केली जाईल. नोंदणी झालेल्या शेतकऱ्यांना खरेदीचे मेसेज देऊन खरेदी केंद्रांनी नियोजन करावे, असे कळविण्यात आले आहे.
मका व ज्वारी खरेदीचा सर्वाधिक लक्ष्यांक मालेगाव खरेदी केंद्राला देण्यात आला आहे. तर देवळा केंद्रावर गव्हासाठी सर्वाधिक लक्षांक आहे. लासलगाव खरेदी केंद्र मंजूर झाले आहे. मात्र या ठिकाणी लक्ष्यांक देण्यात आलेला नाही. आता नाव नोंदणी केलेल्या शेतकऱ्यांचे भरडधान्य खरेदी करण्यात येणार आहे.
नोंदणी झालेल्या शेतकऱ्यांना नियोजन करुन कृषी विभागाने दिलेल्या मर्यादेत खरेदी करण्यात येणार आहे. शासकीय सूचनांचे सबएजंट संस्थांनी काटेकोर पालन करून खरेदी सुरु करावी. लॉट एन्ट्रीची नोंद पोर्टलवर करावी लागणार आहे. खरेदीसाठी प्रतिएकरी मर्यादा गहू १०.१४, संकरित ज्वारी व मालदांडी ज्वारी ४.६२ आणि मका १६.४६ क्विंटल इतकी निश्चित करण्यात आली आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.