agriculture news in marathi Guaranteed purchase of sorghum in 17 centers in Jalgaon district | Page 3 ||| Agrowon

जळगाव जिल्ह्यात ज्वारीची १७ केंद्रांत हमीभावाने खरेदी

टीम अॅग्रोवन
रविवार, 13 जून 2021

जळगाव : जिल्ह्यात १७ केंद्रांमध्ये मका, ज्वारी व गव्हाची खरेदी होणार आहे. मका खरेदीसंबंधीची मर्यादा किंवा लक्ष्यांक ६० हजार क्विंटल एवढा आहे. ज्वारीची २५ हजार ५०० क्विंटल आणि गव्हाची २२४० क्विंटल खरेदी विविध केंद्रांवर करायची आहे.

जळगाव : जिल्ह्यात १७ केंद्रांमध्ये मका, ज्वारी व गव्हाची खरेदी होणार आहे. मका खरेदीसंबंधीची मर्यादा किंवा लक्ष्यांक ६० हजार क्विंटल एवढा आहे. ज्वारीची २५ हजार ५०० क्विंटल आणि गव्हाची २२४० क्विंटल खरेदी विविध केंद्रांवर करायची आहे. मका खरेदी पुढील आठवड्यात सुरू होईल. तर ज्वारीची खरेदी सुरू झाली आहे. 

ज्वारी विक्रीसाठी १०६७९ शेतकऱ्यांनी, मका विक्रीसाठी ६५७४ आणि गहू विक्रीसाठी ७६ शेतकऱ्यांनी ऑनलाइन नोंदणी केली आहे. पारोळा येथील केंद्रात ज्वारी विक्रीसाठी २१७१ आणि मका विक्रीसाठी ८५४ शेतकऱ्यांनी नोंदणी केली. ज्वारी विक्रीसाठी सर्वात कमी नोंदणी जळगाव तालुका शेतकरी सहकारी खरेदी विक्री संघात झाली. या केंद्रात फक्त ७६ शेतकऱ्यांनी ज्वारी विक्रीसाठी नोंदणी केली आहे.

मका विक्रीसाठी नोंदणीला बऱ्यापैकी प्रतिसाद मिळाला. तरीदेखील मका खरेदीचा लक्ष्यांक, तारीख जाहीर झालेली नव्हती. यामुळे शेतकऱ्यांमध्ये नाराजी वाढली होती. त्यामुळे प्रशासनाने मका खरेदीची तयारी केली आहे. यंदा खरेदी उशिरा सुरू झाली आहे. मका खरेदी लवकर सुरू करण्याची मागणी शेतकरी करीत आहेत. यामुळे किती शेतकरी ज्वारी विक्रीसंबंधीचा प्रतिसाद देतात, याबाबत प्रश्न आहे. पण मक्याच्या खरेदीला चांगला प्रतिसाद मिळणार आहे. कारण बाजारात मक्याचे दर प्रतिक्विंटल सरासरी १४५० रुपये आहेत.

मक्याचा हमीभाव १८५० रुपये प्रतिक्विंटल आहे. चाळीसगाव येथील केंद्रात ज्वारी विक्रीसाठी फक्त एकाच शेतकऱ्याने नोंदणी केली. भुसावळ, कोरपावली (ता. यावल), रावेर, मुक्ताईनगर, बोदवड, जामनेर आणि अमळनेर येथे एकाही शेतकऱ्याने ज्वारी विक्रीसाठी नोंदणी केली नसल्याची माहिती आहे. मका, ज्वारीची खरेदी करताना कोवि़ड नियमांचे पालन करणे बंधनकारक आहे. खरेदीसाठी एका दिवशी १० शेतकऱ्यांना एका केंद्रात बोलावले जाणार आहे. 

मका खरेदीला उशीर का?

मका खरेदीसंबंधीच्या केंद्रनिहाय लक्ष्यांकाचे पत्र २४ मे रोजी मार्केटिंग फेडरेशनने जारी केले आहे. पण खरेदी ११ जूनचा दिवस संपला तरी जळगाव इतर भागांत सुरू झाली नाही. मका खरेदीसंबंधीचे पत्र मार्केटिंग फेडरेशनने १० जून रोजी विविध संस्थांना जारी केले आहे. खरेदीचे पत्र जारी करण्यास १५ दिवस उशीर का केला, असा प्रश्न उपस्थित होत आहे.


इतर ताज्या घडामोडी
उस्मानाबाद जिल्ह्यात सोयाबीनमध्ये शंखी...बेलकुंड, जि. उस्मानाबाद जिल्ह्यात : बेलकुंड (ता....
नांदेडमध्ये नुकसानीचे पंचनामे करण्याचे...नांदेड : ‘‘जिल्ह्यात अतिवृष्टी तसेच सततच्या...
खानदेशात सोयाबीन पेरणीत घटजळगाव : खानदेशात यंदा नापेर क्षेत्र यंदा वाढणार...
खानदेशात कापसाची आठ लाख हेक्टरवर लागवडजळगाव ः  खानदेशात कापूस प्रमुख पीक आहे. यंदा...
भीमा-नीरा नदी काठांवरील गावांनी सतर्क...सोलापूर : ‘‘भीमा-नीरा खोऱ्यात होत असलेल्या...
मराठवाड्यात पाऊस कायम; जोर कमीऔरंगाबाद : मराठवाड्यात शनिवारी (ता. २३)...
नाशिक जिल्ह्यात खासगी पशुसेवकांचे काम...येवला : खासगी पशुसेवक ग्रामीण भागात मोठ्या...
मुगावर ‘लिफ क्रिंकल’ प्रादुर्भावअकोला : गेल्या हंगामात लिफ क्रिंकल विषाणूजन्य...
परभणी जिल्ह्यात मोठ्या, मध्यम...परभणी ः पाणलोट क्षेत्रात जोरदार पाऊस झाला....
लिंबूवर्गीय पिकातील आंबिया बहर फळगळ...सद्यःस्थितीत आंबिया बहराची फळे ही विकसनशील...
नीरा देवघर धरणक्षेत्रात सर्वाधिक २५५...पुणे : कमी दाबाच्या क्षेत्रामुळे पश्चिम पट्यात...
‘एफआरपी’ वाटपात राज्याची आघाडी : शेखर...पुणे ः साखर उद्योगाचा गाळप हंगाम यंदा आव्हानात्मक...
विमा लाभापासून शेतकऱ्यांना वंचित...नगर : नैसर्गिक आपत्ती, अन्य कारणाने नुकसान होऊनही...
साताऱ्यात पावसाचा जोर कमी झालासातारा : जिल्ह्यातील प्रमुख धरणांच्या पाणलोट...
केळी उत्पादकांना वादळ नुकसानभरपाईची...अकोला : जिल्ह्यात अकोट तालुक्यात १५ मे २०२० रोजी...
अतिवृष्टिग्रस्तांना अन्नधान्य,...नाशिक : आपत्तीग्रस्त आणि पूरग्रस्तांना मदत म्हणून...
हलक्‍या ते मध्यम स्वरूपाच्या पावसाचा...महाराष्ट्रावरील हवेच्या दाबात वाढ होत असून, उत्तर...
मराठवाड्यात पावसाचा जोर ओसरलाऔरंगाबाद : मराठवाड्यात गुरूवारच्या (ता.२२) तुलनेत...
औरंगाबाद जिल्ह्यात हमीभावातील ज्वारी,...औरंगाबाद : जिल्ह्यात आधारभूत दराने खरेदी केंद्र...
नांदेड जिल्ह्यात खरीप पिके पाण्याखालीनांदेड : जिल्ह्यात बुधवारनंतर गुरुवारी झालेल्या...