Agriculture news in marathi Hail in Central Maharashtra, Marathwada | Page 2 ||| Agrowon

मध्य महाराष्ट्र, मराठवाड्यात गारांनी सोलली पाठ

टीम अॅग्रोवन
शुक्रवार, 16 एप्रिल 2021

नगर, सातारा, पुणे, सोलापूर, जालना जिल्ह्यांत चांगलीच गारपीट झाली. यामुळे शेतात उभ्या असलेल्या द्राक्षे, कलिंगडे, गहू, कांदा पिकांचे मोठे नुकसान झाले.

पुणे : गेल्या चार ते पाच दिवसांपासून मध्य महाराष्ट्र व मराठवाड्यात काही ठिकाणी गारांसह वादळी पाऊस पडत आहे. नगर, सातारा, पुणे, सोलापूर, जालना जिल्ह्यांत चांगलीच गारपीट झाली. यामुळे शेतात उभ्या असलेल्या द्राक्षे, कलिंगडे, गहू, कांदा पिकांचे मोठे नुकसान झाले. या नुकसानीचे तातडीने पंचनामे करून नुकसानभरपाई देण्याची मागणी नुकसानग्रस्त शेतकऱ्यांकडून पुढे येत आहे. 

राज्यात पूर्वमोसमी पाऊस बरसत आहे. दिवसभर काही प्रमाणात ऊन पडत असले, तरी दुपारनंतर वातावरणात बदल होत आहे. सायंकाळी चार वाजल्यानंतर मळभ दाटून येत असून जोरदार वारे वाहत आहेत. तर काही ठिकाणी वादळी पाऊस पडत आहे. मराठवाड्यातील औरंगाबाद, जालना, नांदेड, परभणी, उस्मानाबाद या भागांत सलग पाऊस होत असल्याने शेतकरी चांगलेच अडचणीत येत आहे. मध्य महाराष्ट्रातही नगर, पुणे, नाशिक, सोलापूर, सातारा, सांगली, कोल्हापूर या जिल्ह्यांत पावसाचा दणका सुरूच आहे. 

राज्यात बुधवारी सायंकाळी खटाव तालुक्यातील (जि. सातारा) मोळ, डिस्कळ परिसरांत गारांसह जोरदार पाऊस झाला. कोरेगाव, माण या दुष्काळी तालुक्याचा अनेक भागांत पूर्वमोसमी पावसासह गारपीट झाली आहे. कोरेगाव तालुक्यातील वाठार स्टेशन, पिंपोडे, जाधववाडी खटाव तालुक्यातील मोळ, डिस्कळ परिसरात तसेच माण तालुक्यातील टाकेवाडी, कुळकजाई, पांगारी परिसरात मोठ्या प्रमाणात गारपीट झाली आहे. या परिसरात अनेक शेतात गारांचे खच लागले होते. या गारपिटीमुळे पिकांचे मोठे नुकसान झाले. नगर तालुक्यातील काही भागांत वादळी पाऊस झाला. त्यामुळे कांदा पिकांचे चांगलेच नुकसान झाले. 

पुणे जिल्ह्यातील कारेगाव, रांजणगाव परिसरात गारांचा पाऊस झाला. त्यामुळे भाजीपाला व कलिंगड, खरबूज पिकांचे नुकसान झाले. सोलापूरमध्ये काही ठिकाणी जोरदार गारपीट झाल्याने द्राक्षे बागांचे मोठे नुकसान झाले. 

मराठवाड्यातही औरंगाबाद शहराच्या पूर्व भागात तसेच करमाड, कुंभेफळ परिसरात मेघगर्जनेसह पावसाने हजेरी लावली. जालना जिल्ह्यातील राजूर परिसरात अर्धा तास वादळी वाऱ्यासह जोरदार पाऊस झाला. राजूर दुपारी चार वाजताच्या सुमारास राजूरसह परिसरात सुमारे अर्धा तास वादळ वाऱ्यासह जोरदार पाऊस झाला. अचानक वादळ वाऱ्यासह आलेल्या पावसामुळे बाजारात व्यापारी तसेच ग्रामस्थांची मोठी धांदल उडाली. मुसळधार पावसाबरोबर थोडा वेळ काही प्रमाणात गारांचा पाऊस झाला. राजूरसह, लोणगाव, खामखेडा, तपोवन, उंबरखेडा, चांधई आदी ठिकाणी पाऊस पडला. काही ठिकाणी शेतकऱ्यांना शेतात लावलेल्या शेडनेटची दुरवस्था झाली आहे. तर आंब्याचीही मोठ्या प्रमाणात गळ झाली. 

बुधवारी रात्री लागणाऱ्या लॉकडाउनमुळे बाजारात मोठी गर्दी झाली होती. त्यामुळे पावसात अनेकांची धांदल उडाली होती. जामखेड परिसर, किनगाव परिसरात सायंकाळी पावणेसहा वाजल्यापासून जोरदार पाऊस पडला. वाऱ्यासह पाऊस झाल्याने शेतकऱ्यांचे नुकसान झाले. पावसामुळे उशिरा पेरणी झालेल्या गव्हाचे नुकसान होत आहे. तसेच वाऱ्यामुळे आंब्याची फळे गळून पडत आहेत. नांदेड शहरासह जिल्ह्यात काही ठिकाणी वादळी वाऱ्यांसह पाऊस पडला. विदर्भातील अकोला, बुलडाणा जिल्ह्यांत ढगांच्या गडगडाटासह ठिकठिकाणी हलक्या पावसाची हजेरी लावल्याने शेतकऱ्यांच्या चिंता वाढल्या होत्या. 

पावसाने नुकसान

  • पिंपळगाव बारव (ता. जालना) येथे शेतकरी साहेबराव फटाले यांच्या एक म्हैस व वासराचा वीज पडून मृत्यू 
  • सोलापुरात द्राक्षे पिकाला मोठा फटका 
  • वादळी पावसामुळे विदर्भातील शेतकरी चिंतेत 
  • साताऱ्यात गारपिटीमुळे पिकांचे अतोनात नुकसान 
  • जोरदार वाऱ्यामुळे आंब्याची फळगळ 

इतर अॅग्रो विशेष
कृषी सेवा केंद्रचालक, कर्मचाऱ्यांना लस...पुणे ः राज्यातील सर्व कृषी सेवा केंद्रांचे...
सिंधुदुर्ग जिल्ह्यात शेकडो टन कलिंगडे...सिंधुदुर्गनगरी : कोरोना निर्बंधामुळे जिल्ह्यातील...
खानदेशात केळीची कमी दरात खरेदी जळगाव ः खानदेशात नवती केळी बागांची काढणी सुरू...
निर्यातीच्या केळीला १३०० रुपये दर जळगाव ः खानदेशातून आखातात किंवा परदेशात केळी...
शेतीशाळांची ‘एसओपी’ निश्‍चित पुणे ः शेतकऱ्यांना उपयुक्त ठरणाऱ्या शेतीशाळांसाठी...
भुईमूग खर्चालाही महागअकोला ः उन्हाळी हंगामात यंदा लागवड केलेल्या...
वनरोपवाटिकेतून गटाने तयार केली ओळखसांगली जिल्ह्यातील खंडोबाचीवाडी  (ता. पलूस)...
शेती, शिक्षण अन पूरक उद्योगातून शाश्वत...जमीन आरोग्य उपक्रमांबाबत जागृती, आत्महत्याग्रस्त...
जोरदार पावसाची शक्यता पुणे : मराठवाडा ते मध्य प्रदेशचा मध्य भाग या...
बाजार समित्याबंदमुळे खरीप नियोजन ‘...पुणे: कोरोना नियंत्रणासाठी लागू केलेल्या लॉकडाऊन...
शेततळे अनुदानाचे वीस कोटी वितरित नगर ः राज्य शासनाच्या कृषी विभागाच्या ‘मागेल...
साखर कारखान्यांकडून ९२ टक्के ‘एफआरपी’...कोल्हापूर : राज्यात एप्रिलअखेर एकूण रकमेच्या ९२...
ढगाळ वातावरणामुळे शेतकरी चिंतेत पुणे : राज्यातील काही ठिकाणी मेघगर्जनेसह पाऊस पडत...
उद्योजक वृत्तीतून ‘शिवतेज’ची झळाळीशेती टिकवण्याबरोबरच ती अधिक उद्यमशील करण्यासाठी...
फळप्रक्रिया उद्योजक व्हायचेय? चला...सिंधुदुर्ग जिल्ह्यातील वेंगुर्ला येथील फळसंशोधन...
मॉन्सून यंदा वेळेवर पुणे : सध्या मॉन्सूनच्या प्रगतीसाठी वातावरण पोषक...
शेतकऱ्यांकडे २९ लाख क्विंटल घरचे बियाणे पुणे ः कृषी विभागाने ग्रामबिजोत्पादन मोहिमेतून...
मध्य महाराष्ट्रात तुरळक सरी पुणे : मध्य महाराष्ट्राच्या काही भागांत...
पावसाचा प्रभाव वाढणार पुणे : कर्नाटकाच्या उत्तर भागात चक्रीय वाऱ्याची...
राज्यातील पाणीसाठा ४४ टक्क्यांवर पुणे ः राज्यातील अनेक भागांत उन्हाचा चटका वाढला...