मध्य महाराष्ट्रात, मराठवाड्यात आज गारपीटीचा इशारा 

पूर्वमोसमी पावसाला पोषक हवामान असल्याने आज (ता.१९) मध्य महाराष्ट्र, मराठवाडा, विदर्भात वादळी पावसाचा अंदाज आहे.
hawaman
hawaman

पुणे : पूर्वमोसमी पावसाला पोषक हवामान असल्याने आज (ता.१९) मध्य महाराष्ट्र, मराठवाडा, विदर्भात वादळी पावसाचा अंदाज आहे. मध्य महाराष्ट्रातील सातारा, सांगली, सोलापूर, कोल्हापूर, मराठवाड्यातील नांदेड, लातूर, उस्मानाबाद, बीड जिल्ह्यात गारपीट होण्याचा इशारा हवामान विभागाने दिला आहे. तर तापमानातील वाढीमुळे उन्हाच्या झळाही कायम राहण्याचा अंदाज हवामान विभागाने वर्तविला आहे. 

शनिवारी (ता.१८) सकाळपर्यंतच्या २४ तासांमध्ये विदर्भातील अकोला येथे राज्यातील उच्चांकी ४३.८ अंश सेल्सिअस तापमानाची नोंद झाली. विदर्भसह मराठवाडा उत्तर महाराष्ट्रात तापमान चाळीशी पार असून, पश्‍चिम महाराष्ट्रातही उन्हाचा चटका कायम आहे. कोकणात तापमान ३३ ते ३४ अंशाच्या आसपास आहे. धुळे, जळगाव, परभणी, अमरावती, ब्रह्मपुरी, वाशिम, चंद्रपूर, नागपूर, वर्धा येथेही तापमान ४२ अंशांच्या पुढे असल्यान उन्हाचा चटका असह्य होत आहे. कमाल तापमान व उकाड्यात झालेली वाढ कायम राहण्याची शक्यता आहे.  उत्तर झारखंडपासून छत्तीसगड, विदर्भ, दक्षिण कर्नाटक किनारपट्टीपर्यंत हवेचा कमी दाबाचा पट्टा विस्तारला आहे. समुद्रावरून होत असलेल्या बाष्पाच्या पुरवठ्यामुळे राज्यात दुपारनंतर वळीव स्वरुपाचा पाऊस पडत आहे. उद्यापर्यंत (ता.२०) राज्यात तुरळक ठिकाणी वादळी पावसाचा अंदाज असून, मध्य महाराष्ट्र, मराठवाड्यात गारपीट होण्याची शक्यता आहे. कोकणात हलक्या पावसाचा अंदाज हवामान विभागाने वर्तविला आहे.  शनिवारी (ता. १८) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३९.३, जळगाव ४३.०, धुळे ४२.०, कोल्हापूर ३५.२, महाबळेश्‍वर ३१.६, मालेगाव ४१.६, नाशिक ३८.१, निफाड ३८.२, सांगली ३७.०, सातारा ३९.१, सोलापूर ४०.९, डहाणू ३३.८, सांताक्रूझ ३४.२, रत्नागिरी ३३.०, औरंगाबाद ४०.८, परभणी ४२.७, अकोला ४३.८, अमरावती ४२.०, बुलडाणा ३९.६, ब्रह्मपुरी ४२.४, चंद्रपूर ४२.४, गोंदिया ४१.६, नागपूर ४३.४, वाशीम ४२.६, वर्धा ४२.९. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com