agriculture news in marathi Hailstrom alert in state | Page 2 ||| Agrowon

राज्यात आज गारपिटीचा इशारा

टीम अॅग्रोवन
बुधवार, 25 मार्च 2020

पुणे : राज्यात पूर्वमोसमी पावसाला पोषक हवामान असल्याने आज (ता. २५) मध्य महाराष्ट्र, मराठवाडा, विदर्भात काही ठिकाणी वादळी पावसाचा अंदाज आहे.

पुणे : राज्यात पूर्वमोसमी पावसाला पोषक हवामान असल्याने आज (ता. २५) मध्य महाराष्ट्र, मराठवाडा, विदर्भात काही ठिकाणी वादळी पावसाचा अंदाज आहे. तुरळक ठिकाणी जोरदार वारे, धुळीचे वावटळी उठून गारपिटीसह पावसाचा इशारा हवामान विभागाने दिला आहे. राज्याच्या कमाल तापमानातही मोठी वाढ झाल्याने चटका असह्य होत आहे. मंगळवारी (ता.२४) सकाळपर्यंतच्या २४ तासांमध्ये सोलापूर येथे हंगामातील उच्चांकी ३९.२ अंश सेल्सिअस तापमानाची नोंद झाली.

दक्षिण मध्य महाराष्ट्र आणि परिसरावर चक्राकार वाऱ्यांची स्थिती आहे. तर उत्तर मध्य महाराष्ट्रापासून दक्षिण कर्नाटकपर्यंत हवेचा कमी दाबाचा पट्टा सक्रिय आहे. यातच बंगालचा उपसागर आणि अरबी समुद्रावरून बाष्पाचा पुरवठा होत असल्याने राज्यात पुर्वमोसमी पावसाला पोषक हवामान होत आहे. दुपारनंतर ढग दाटून येत काही ठिकाणी जोरदार वारे, विजा, मेघगर्जनेसह पाऊस पडण्याचा अंदाज आहे. कोकणातही तुरळक ठिकाणी हलक्या पावसाचा अंदाज हवामान विभागाने वर्तविला आहे.   

गेल्या काही दिवसापासून उन्हाचा चटका चांगलाच वाढला आहे. सोलापूरसह, जळगाव, मालेगाव, सांगली, परभणी, अकोला, अमरावती येथे तापमान ३८ अंशांच्या पुढे गेले आहे. तर बहुतांशी ठिकाणी तापमानाचा पारा ३६ अंशांच्या पुढे असल्याने उन्हाच्या झळा अधिक तीव्र झाल्या आहेत. पावसाला पोषक हवामान असल्याने मंगळवारी (ता.२४) दुपारनंतर ढग गोळा होण्यास सुरवात झाली. ढगाळ हवामानामुळे उकाड्यात वाढ झाल्याचे दिसून आले. 

मंगळवारी (ता. २४) सकाळपर्यंतच्या २४ तासांमध्ये राज्यातील विविध ठिकाणचे किमान व किमान (कंसात) तापमान, (अंश सेल्सिअसमध्ये) : पुणे ३६.८ (१९.३), जळगाव ३८.० (२२.२), कोल्हापूर ३७.१ (२२.३), महाबळेश्‍वर ३२.५ (१९.३), मालेगाव ३८.०, नाशिक ३६.४ (२०.४), निफाड ३५.५ (१६.४), सांगली ३८.४ (२२.२), सातारा ३७.४ (२१.१), सोलापूर ३९.२ (२६.३), अलिबाग ३६.८ (२३.५), डहाणू ३२.४ (२३.०), सांताक्रूझ ३४.३ (२३.४), रत्नागिरी ३२.८ (२३.५), औरंगाबाद ३६.५ (२०.५), परभणी ३८.३ (२१.७), अकोला ३८.७ (२१.१), अमरावती ३८.० (२३.०), बुलडाणा ३५.० (२२.६), चंद्रपूर ३७.८ (१९.५), गोंदिया ३४.२ (२०.२), नागपूर ३६.८ (१८.५), वर्धा ३७.० (२२.०).

 


इतर अॅग्रो विशेष
सोशल मिडीयाच्या माध्यमातून शेतातच विकले...पुणे ः वाहतूक बंद, मार्केट बंद, खरेदीदार...
कोरोनामुळे राज्यातील द्राक्ष बागेतच ‘...नाशिक/सांगली/सोलापूर: यंदाचा द्राक्ष हंगाम...
सागरी मार्गाने या देशांत निर्यातीसाठी...पुणे: युरोपला भारतातून विमानामार्गे होणारी...
दुधासाठी पाच रुपये अनुदान हवे पुणे: राज्यात शेतकऱ्यांकडून खरेदी केल्या जाणाऱ्या...
विदर्भात आज गारपीटीचा इशारा पुणे : राज्याच्या विविध भागात पुर्वमोसमी पावसाने...
अडत्यांशिवाय पुणे बाजार समिती सुरु...पुणे : कोरोना विषाणू सारख्या आणीबाणी आणि...
लासलगाव येथे गोणी पद्धतीनुसार कांदा...नाशिक : कोरोना विषाणूचा प्रादुर्भाव रोखण्याच्या...
सर्व कर्जांच्या हफ्त्यांना तीन...मुंबई : कोरोनाविरुद्ध लढ्यासाठी भारतीय...
राज्यात कोरोना बाधित ३ नवीन रुग्ण; एकूण...मुंबई : राज्यात कोरोनाचे तीन नवीन रुग्णांची...
मध्य महाराष्ट्र, मराठवाडा, विदर्भात...पुणे : राज्यात सुरु असलेला पुर्वमोसमी पाऊस...
केळी उत्पादकांचे दररोज सहा कोटींचे...जळगाव : केळी वाहतुकीसह परराज्यातील...
जलतंत्रज्ञानाच्या वापरातून प्रगतीची उंच...अकोला जिल्ह्यातील अन्वी मिर्झापूर येथील केशवराज...
गरिबांसाठी १.७ लाख कोटींचे पॅकेज:...नवी दिल्ली : कोरोना विषाणूने देशात थैमान घालायला...
फळे, भाजीपाला पुरवठ्यासाठी ‘एसएओ’कडे ‘...पुणे : राज्यातील महापालिका व नगरपालिका...
जीवनावश्यक वस्तूंची दुकाने २४ तास उघडी...मुंबई : सर्व जीवनावश्यक वस्तूंची दुकाने, किराणा...
शेतमाल वाहतुकीसाठी मिळणार तत्काळ परवाना पुणे ः कोरोनाच्या पार्श्वभूमीवर शहरांमध्ये...
कृषी, कृषिपूरक उद्योगांची वाहतूक सुरू...नाशिक : कृषी संबंधित बियाणे, खते, पीक कापणी आदी...
पुणे, मुंबई, नाशिक बाजार समित्या सुरू ...पुणे/मुंबई/नाशिक: कोरोना प्रादुर्भाव रोखण्यासाठी...
वादळी पाऊस, गारपिटीने राज्यात पिकांचे...पुणे : राज्याच्या विविध भागात गुरूवारी (ता....
‘गोकुळ’चे दूध संकलन पूर्वपदावर कोल्हापूर: कोल्हापूर जिल्हा दूध संघाचे रविवार (ता...