नागपूर विभागात निम्मे शेतकरी ‘सन्मान’पासून वंचित

नागपूर  : शेतकऱ्यांसाठी सन्मानासाठी सुरू करण्यात आलेल्या योजनेपासून नागपूर विभागातील जवळपास निम्मे शेतकरी वंचित राहिले आहेत. विभागातील ५८ टक्केच शेतकऱ्यांना याचा लाभ मिळणार आहे. नागपूर जिल्ह्यात हा आकडा फक्‍त ५१ टक्केच असल्याची माहिती मिळाली. 

शेतकरी सन्मान योजना केंद्र सरकारने सुरू केली. त्यानेअंतर्गत दोन हेक्‍टरपर्यंत शेती असणाऱ्या शेतकऱ्यांना वर्षाला सहा हजार रुपये देण्यात येणार आहे. ही रक्कम तीन टप्प्यांत दोन हजार रुपये प्रमाणे देण्यात येणार आहे. ही योजना शेतकऱ्यांना सन्मान नाही, तर अपमान करणारी असल्याची टीका विरोधकांकडून होत आहे.

नागपूर विभागात १६ लाख ५२ हजार ६४७ शेतकरी आहेत. यातील ११ लाख २८ हजार २८ शेतकऱ्यांकडे दोन हेक्‍टरपेक्षा कमी शेतजमीन आहे. विभागाकडून ६ लाख ९४ हजार ७९० शेतकरी शेतकऱ्यांना पात्र ठरविले आहे. विभागातील ६ लाख ५६ हजार ३७२ शेतकऱ्यांचे अर्ज एनआयसी या बेससाइटवर अपलोड करण्यात आले आहेत.