Agriculture news in Marathi Half of soybeans destroyed in Nagar district | Page 4 ||| Agrowon

नगर जिल्ह्यात निम्म्या सोयाबीनची नासाडी

टीम अॅग्रोवन
मंगळवार, 19 ऑक्टोबर 2021

नगर जिल्ह्यात यंदा सोयाबीनच्या क्षेत्रात वाढ झाली खरी, मात्र गतवर्षीप्रमाणे यंदाही ऐन काढणीच्या काळात सोयाबीनला फटका बसला आहे. सततच्या पावसामुळे बहुतांश भागातील सोयाबीनच्या शेतात पाणी साचलेले आहे.

नगर ः नगर जिल्ह्यात यंदा सोयाबीनच्या क्षेत्रात वाढ झाली खरी, मात्र गतवर्षीप्रमाणे यंदाही ऐन काढणीच्या काळात सोयाबीनला फटका बसला आहे. सततच्या पावसामुळे बहुतांश भागातील सोयाबीनच्या शेतात पाणी साचलेले आहे. त्यामुळे काढणी करता येत नाही. गेल्या काही दिवसांपासून सतत भिजल्याने सोयाबीन शेंगांना कोंब फुटले आहे. शेतकऱ्यांकडून मिळालेल्या माहितीनुसार साधारण पन्नास टक्क्यांपेक्षा अधिक म्हणजे पन्नास ते साठ हजार हेक्टरवर क्षेत्राला फटका बसला आहे. 

नगर जिल्ह्यात यंदा गतवर्षीपेक्षा जास्ती म्हणजे १ लाख १७ हजार ८२२ हेक्टर क्षेत्रावर सोयाबीनची पेरणी झालेली आहे. सरासरी ५४ हजार २९४ हेक्टर क्षेत्र असताना यंदा सरासरीच्या २१७ टक्के पेरणी झाली. नगर, संगमनेर, अकोले, कोपरगाव, श्रीरामपूर, राहाता तालुक्यात सोयाबीनचे क्षेत्र अधिक आहे. अधून-मधून पडणाऱ्या पावसामुळे यंदा सोयाबीनचे पीक जोमात होते. मात्र, ऐन काढणीच्या काळातच पावसाने सुरुवात केली. गेल्या महिनाभरापासून सतत पाऊस पडत आहे. शेवगाव, पाथर्डी, पारनेर, नगर तालुक्यांसह अन्य भागातही सतत जोरदार पाऊस झालेला असून एकापेक्षा अधिक वेळी अतिवृष्टी झाल्याची नोंद आहे. 

अनेक भागातील सोयाबीन शेतात पाणी साठवून राहिले आहे. शिवाय सततच्या पावसामुळे शेंगाला जागेवरच कोंब फुटले आहे. काही ठिकाणी सोयाबीन दाणे काळे पडले आहेत. शेतकऱ्यांकडून मिळालेल्या माहितीनुसार यंदा पन्नास टक्केही उत्पादन हाती येण्याची शक्यता दिसत नाही. काही ठिकाणी तर पूर्णतः सोयाबीन वाया गेले आहे. जिल्हाभरात सुमारे पन्नास हजार हेक्टरपेक्षा अधिक क्षेत्रावर नुकसान झाले आहे. 

शेतकरी अतुल तांबे म्हणाले, ‘‘यंदा सततच्या पावसामुळे शेतात पाणी साठल्याने सोयाबीन काढणी करता येईना. सोयाबीनचे मोठ्या प्रमाणात नासाडी झाली आहे. सोयाबीनचा नफा नव्हे, झालेला खर्चही निघेल असे वाटत नाही.’’

कृषी विभाग बेफिकीर 
नगर जिल्ह्यात खरिपातील सोयाबीन, कापूस, कांदा, काही प्रमाणात बाजरी, मका, भाजीपाला पिकांचे सततचा पाऊस, अतिवृष्टी, पुराने मोठे नुकसान झाले आहे. खरे तर असा काळात कृषी विभागाने शेतकऱ्यांना धीर देण्याची गरज असते. मात्र, कृषी विभागातील वरिष्ठ अधिकारी बहुतांश ठिकाणी गेलेच नाहीत. केवळ रात्री उशिरापर्यंत बैठका घेण्याचा फार्स करताना आतापर्यंत नेमके कोणत्या भागात किती नुकसान झाले आहे, याबाबत साधी आकडेवारीही कृषी विभागाकडे नाही. त्यामुळे नगर जिल्ह्यात शेतीविषयक बाबीत कृषी विभागाचे वरिष्ठ अधिकारीच बेफिकीर असल्याचे आतापर्यंत दिसून येत आहे.


इतर बातम्या
  वखारच्या ऑनलाइन शेतीमाल तारण कर्जात...पुणे : राज्य वखार महामंडळाच्या ऑनलाइन (ब्लॉकचेन)...
हिंगोलीत सोयाबीन दरात सुधारणाहिंगोली ः येथील कृषी उत्पन्न बाजार समितीमध्ये...
परभणी, हिंगोली जिल्ह्यात ज्वारी, गहू,...परभणी ः परभणी, हिंगोली जिल्ह्यांत यंदाच्या (२०२१-...
डाळिंबाच्या सुकर वाटेसाठी गडकरी...जालना : संपूर्ण राज्यात महत्वाचे फळपीक असलेल्या...
अमरावती जिल्ह्याती ‘पीएम किसान’ची ५...अमरावती ः पंतप्रधान किसान सन्मान योजनेअंतर्गत लाभ...
कृष्णाकाठावर मजुरांअभावी ऊस रोपांची लागणभिलवडी, जि. सांगली ः कृष्णाकाठावर उसाच्या कांडी...
कोल्हापूर, सांगलीत ‘कृषिपंप...कोल्हापूर  : गेल्या तीन दिवसांत कोल्हापूर व...
वीज पुरवठा सुरळीत  करण्यासाठी इंदापुरात...पुणे ः जिल्ह्याच्या विविध तालुक्यातील थकबाकीदार...
खानदेशात पीककर्ज वितरणाला येईना गतीजळगाव ः  खानदेशात रब्बी हंगामासाठी पीक...
सोयाबीन दराची घोडदौड सुरूच राहणार पुणे ः तेलबिया आणि खाद्यतेलाच्या दारातील...
पुणे बाजार समितीचा वारणारांना चाप ः गरडपुणे ः पुणे कृषी उत्पन्न बाजार समितीमध्ये फळे,...
जळगाव जिल्ह्यात बोंडअळीचा उद्रेकजळगाव ः जिल्ह्यात यंदा शेतकऱ्यांना अतिवृष्टीने...
राज्यात पावसाला पोषक हवामान पुणे : राज्याच्या किमान तापमानात आणखी घट झाल्याने...
पावसाला पोषक हवामानामुळे किमान तापमानात...पुणे : पावसाने उघडीप दिल्यानंतर राज्याच्या किमान...
वीजप्रश्नी संतप्त शेतकरी  महावितरण...नाशिक : महावितरण कंपनीकडून सटाणा तालुक्यात थकीत...
कापूस खेडा खरेदी करणाऱ्या ...बुलडाणा ः खेडा खरेदीच्या माध्यमातून शेतकऱ्यांना...
कडुलिंबाची झाडे वाळू लागली पुणे नगर ः नगर जिल्ह्यातील नेवासा तालुक्यातील...
राज्यातील १२१ आदिवासी  आश्रमशाळा होणार...पुणे ः शिक्षण व्यवस्थेमधील बदलांना सामोरे जात...
लाल कांद्याला उन्हाळच्या  तुलनेत मिळतोय...नाशिक : दिवाळीनंतर जिल्ह्यातील कृषी उत्पन्न बाजार...
नगर पंचायतींच्या निवडणुकांची रणधुमाळी...पुणे नगर ः राज्यातील मुदत संपलेल्या परंतु,...