हमाल कोरोनाग्रस्त, जळगावात खतांचे रेक रिकामे होईनात

मालधक्क्यावर रेल्वे रेक रिकामे करणाऱ्या काही हमाल बांधवांमध्ये कोरोनाचा शिरकाव झाल्याने शहरात खतांचा पुरवठा विस्कळीत झाला आहे.
Urea reck
Urea reck

जळगाव ः मालधक्क्यावर रेल्वे रेक रिकामे करणाऱ्या काही हमाल बांधवांमध्ये कोरोनाचा शिरकाव झाल्याने शहरात खतांचा पुरवठा विस्कळीत झाला आहे. दोन रेल्वे रेक हमाल बांधव न आल्याने रिकामे करता आले नाहीत. जिल्ह्यात खतांची प्रतीक्षा असून, प्रशासन ही समस्या हाताळण्यात अपयशी ठरले आहे.  सध्या जिल्ह्यात भुसावळ, अमळनेर व जळगाव येथे लॉकडाउन सुरू आहे. हे लॉकडाउन आणखी येत्या सोमवापर्यंत  (ता.१३)आहे. अशातच या आठवड्याच्या सुरुवातीला जिल्ह्यात १०.२६.२६, युरिया व इतर खते घेवून रेल्वेचे दोन रेक जळगाव येथील मालधक्क्यावर दाखल झाले. परंतु जिल्ह्यात लॉकडाउन सुरू असल्याने आणि सुमारे १२ हमाल बांधव कोरोनाग्रस्त असल्याने हे रेल्वे रेक रिकामे करण्यासंबंधी कृषी विभाग व प्रशासनाने असमर्थता दाखविली. परिणामी रेक दोन दिवस उभेच राहिले. रेल्वेकडून जिल्हा प्रशासन, कृषी विभागाशी सतत संपर्क सुरू होता. परंतु रेक रिकामे झाले नाहीत. नंतर यातील एक रेक मलकापूर (जि.बुलडाणा) येथे पाठविण्यात आला. व दुसरा रेकही विदर्भात पाठविला.  जिल्ह्यात पाचोरा व चाळीसगाव येथे रेल्वेचे मालधक्के उपलब्ध आहेत. जळगावात तूर्त हमाल व रेल्वे मालधक्का उपलब्ध करणे लॉकडाउनमुळे अशक्य आहे. यामुळे पाचोरा व चाळीसगाव येथील रेल्वे मालधक्क्यावर खते पोचवून तेथे रेल्वे रेक रिकामे करता येतील. याबाबत प्रशासनाने गांभीर्याने विचार करावा, अशी मागणी शेतकरी करीत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com