Agriculture News in Marathi Hapus will go mango In the United States two years later | Agrowon

हापूस आंबा जाणार दोन वर्षांनंतर अमेरिकेत

टीम अॅग्रोवन
शनिवार, 15 जानेवारी 2022

कोरोनाच्या प्रतिकूल परिस्थितीमुळे गेली दोन वर्षे अमेरिकेला होणाऱ्या आंब्याच्या निर्यातीत अडथळे आले होते; मात्र केंद्र सरकारने यंदा तो दूर केला आहे.

रत्नागिरी ः कोरोनाच्या प्रतिकूल परिस्थितीमुळे गेली दोन वर्षे अमेरिकेला होणाऱ्या आंब्याच्या निर्यातीत अडथळे आले होते; मात्र केंद्र सरकारने यंदा तो दूर केला आहे. अमेरिकेच्या कृषी विभागाकडून यंदाच्या हंगामात भारतीय आंब्यांना निर्यातीसाठी हिरवा कंदील मिळाला आहे. त्यामुळे अमेरिकन ग्राहकांना उत्कृष्ट प्रतीच्या हापूसची चव दोन वर्षांनी चाखायला मिळणार आहे. देशभरातून अमेरिकेला निर्यात होणाऱ्या विविध आंब्याच्या तुलनेत हापूसचा टक्का सर्वाधिक असतो.

अमेरिकेच्या कृषी विभागाकडून मिळालेल्या निर्यात मंजुरीमुळे महाराष्ट्र, उत्तर प्रदेश,  आंध्र प्रदेश तसेच तेलंगणा या भागातील उत्पादित आंब्यांच्या निर्यातीचा मार्ग मोकळा झाला आहे. या निर्णयामुळे भारताच्या उत्तर तसेच पूर्व भागातील उत्तर प्रदेश, बिहार आणि पश्‍चिम बंगाल यांसारख्या राज्यांमध्ये उत्पादित होणाऱ्या लंगडा, दशहरी, फझली आदी आंब्यांसह कोकणातील हापूसची चव अमेरिकन ग्राहकांना चाखावयास मिळणार आहे.

देशभरातून अमेरिकेला १ हजार टन आंबा निर्यात होतो. त्यामध्ये तीनशे टन हापूस आहे. अमेरिकेत सर्वाधिक हापूसला मागणी आहे. कोरोनामुळे थांबलेली निर्यात पुन्हा एकदा सुरू होणार आहे. तसेच २०२२ मधील आंबा निर्यात २०१९-२० पेक्षा अधिक असेल असा अंदाज निर्यातदारांनी वर्तविला आहे.

कोविड महामारीमुळे आंतरराष्ट्रीय प्रवासावर लावण्यात आलेल्या निर्बंधांमुळे, अमेरिकेच्या कृषी विभागातील निरीक्षकांना आंब्यांवरील विकिरण सुविधेची तपासणी करण्यासाठी भारतात येणे शक्य होत नव्हते. त्यामुळे २०२० पासून भारतीय आंब्यांच्या अमेरिकेत होणाऱ्या निर्यातीवर निर्बंध लावण्यात आले होते.

२३ नोव्हेंबर २०२१ रोजी १२ वी भारत-अमेरिका व्यापार धोरण मंचाची बैठक झाली. त्यातील निर्णयांना अनुसरून भारताचे कृषी मंत्रालय आणि अमेरिकेचा कृषी विभाग यांच्या दरम्यान परस्परांच्या कृषी बाजारांमध्ये मालाला प्रवेश देण्याचा करारावर झाला. या करारानुसार, भारतीय आंबे तसेच डाळिंबे यांची अमेरिकेला निर्यात होणार असून, अमेरिकेची चेरी आणि अल्फाल्फा ही पिके भारतात आयात होणार आहेत. यासाठी विकिरण प्रक्रिया अत्यावश्यक करण्यात आली आहे.
 

प्रतिक्रिया

कोरोनामुळे गेली दोन वर्षे अमेरिकेतील निर्यात थांबलेली होती. त्यामुळे आंबा बागायतदारांचे एक परदेशी मार्केट बंद होते. यंदा ते खुले झाल्यामुळे शेतकऱ्याला निश्‍चितच फायदा होणार असून दरही चांगला मिळेल.
- डॉ. विवेक भिडे, आंबा बागायतदार


इतर बातम्या
उत्तर महाराष्ट्राला थंडीचा विळखा पुणे : उत्तर भारतातील गोठविणाऱ्या शीत वाऱ्यांमुळे...
राज्यातील ५१ अधिकारी, कर्मचाऱ्यांना...मुंबई : केंद्रीय गृहमंत्रालयाने प्रजासत्ताक...
‘सीडी रेशो’ घसरलेल्या  जिल्ह्यांमध्ये...पुणे ः कर्जवाटप व ठेवीचे गुणोत्तर (सीडी रेशो)...
खराब झालेल्या सोलर  पॅनेलची नुकसान...गडचिरोली : धानोरा तालुक्यातील गिरोला येथील सुरेश...
रब्बी हंगामात ज्वारी घटली; हरभऱ्याची...पुणे : राज्यात रब्बीच्या ९८ टक्के पेरा पूर्ण झाला...
डिजिटल सात-बारा प्रकल्पातून जगताप यांची...पुणेः देशात चर्चित ठरलेल्या डिजिटल सात-बारा...
बाजारात तूर आवक वाढली; दरातही सुधारणा पुणेः देशातील बाजारांमध्ये तुरीची आवक वाढली आहे....
बाजारपेठेत नव्या बेदाण्याची प्रतीक्षा सांगली ः गेल्या दोन महिन्यांपासून बेदाण्याला...
पुणे जिल्ह्यातील तीन हजार कामे...पुणे : जिल्हा परिषदेने हाती घेतलेल्या शंभर दिवस...
ऊसतोडणी रखडल्याने वैभववाडी, उंबर्डेत...सिंधुदुर्गनगरी ः वैभववाडी तालुक्यातील नादुरूस्त...
साताऱ्यात कृषिपंपांची वीज तोडणीचा धडाकासातारा : गेल्या १५ दिवसांपासून ग्रामीण भागात...
वंध्यत्व निवारण शिबिरातून दूध...नागपूर : ‘‘विदर्भ व मराठवाडा दूध विकास...
नाशिकच्या स्वयंम पाटील यास प्रधानमंत्री... नाशिक: जिल्ह्यातील स्वयंम पाटील याने क्रिडा...
वीजतोडणीमुळे शेतकरी संतप्त भंडारा : निवडणुकीचे निकाल लागताच सरकारने भंडारा...
‘महाबीज’चा सोयाबीन बियाणे देण्यास नकारसांगली ः खरीप हंगामात सोयाबीन बियाण्याची कमतरता...
वीजपुरवठा सुरळीत करा; ‘बळिराजा’ची मागणीजालना : महावितरणने शेतकऱ्यांकडे थकबाकी दाखवून...
औरंगाबादमध्ये भूसंपादन मोबदल्यासाठी...औरंगाबाद : निम्न दुधना प्रकल्पाचा जलसाठा ५० टक्के...
बासमतीची निर्यात वाढण्याची शक्यता इराण आणि सौदी अरेबियाकडून होणारी बासमती तांदळाची...
राज्यात थंडीची लाट पसरणार :...पुणे : पाकिस्तान मार्गे देशाच्या पश्चिम...
गरीब कुटुंबांच्या उत्पन्नात ५३...आर्थिक उदारीकरणानंतर (Economic liberalization)...