खानदेशात सोयाबीनची कापणी, मळणी लांबणीवर

जळगाव ः खानदेशात काळ्या कसदार जमिनीत वाफसा नाही. अतिपावसात पिकांची हानी झाली आहे. त्यात सोयाबीनच्या उत्पादकतेला फटका बसू शकतो. सोयाबीनची कापणी, मळणी लांबणीवर पडली आहे.
 Harvesting of soybean in Khandesh, threshing on extension
Harvesting of soybean in Khandesh, threshing on extension

जळगाव  ः खानदेशात काळ्या कसदार जमिनीत वाफसा नाही. अतिपावसात पिकांची हानी झाली आहे. त्यात सोयाबीनच्या उत्पादकतेला फटका बसू शकतो. सोयाबीनची कापणी, मळणी लांबणीवर पडली आहे. 

कापणी, मळणी सुरू झालेली नाही. परंतु कापणी व मळणीचे दर मात्र गावोगावी जाहीर होत आहेत. मजूरटंचाई आहे. त्यातच सध्या ढगाळ वातावरण आहे. पिके घरात आणण्याची धावपळ शेतकऱ्यांमध्ये सुरू आहे. गेले २५ दिवस खानदेशात सतत पाऊस सुरू होता. पावसामुळे कापूस, ज्वारी, उडीद, मूग व सोयाबीनचेदेखील नुकसान झाले आहे. सोयाबीनला शेंगा कमी लागल्या आहेत. त्यांचा दर्जाही अतिपावसात खराब झाला आहे. पाऊस गेले तीन दिवस बंद आहे. 

सध्या पाऊस नसल्याने पुढे जमिनीत  वाफसा होईल. सोयाबीनची मळणी हार्वेस्टरने करता येते. परंतु, वाफसा नसल्याने वजनदार हार्वेस्टरची यंत्रणा शेतात काम करू शकत नाही. यामुळे मजुरांची गरज भासणार आहे. मजुरांकरवी कापणी करून शेतात ढीग करावे लागतील. यानंतर ट्रॅक्टरचलित आधुनिक मळणी यंत्राद्वारे मळणी करता येईल. यंदा कापणी व ढीग गोळा करणे व मळणीचे दर स्थिर आहेत. कापणी व शेतातच ढीग गोळा करण्यासाठी एकरी ३ हजार रुपये दर मजूर घेत आहेत. तर, मळणीसाठी प्रतिक्विंटल ५०० रुपये दर आहे. 

अतिपावसाचा मोठा फटका

सोयाबीनचे उत्पादन किती येईल, हे सध्या सांगता येणार नाही. परंतु, जेथे स्थिती बरी आहे, त्यात भागात एकरी दोन क्विंटल उत्पादन येवू शकते. काही भागात पिकाला शेंगाच लागल्या नव्हत्या. तर, अनेक शेतकऱ्यांच्या सोयाबीनचे जूनमधील पावसाच्या खंडात नुकसान झाले होते. खानदेशात सुमारे ४० हजार हेक्टरवर सोयाबीन आहे. यातील मोठ्या क्षेत्राला अतिपावसाचा फटका बसला. त्यामुळे पीक परवडणार नाही, असे शेतकऱ्यांचे म्हणणे आहे. 

सोयाबीनचे पीक यंदा सुरवातीला पावसाचा खंड व अलीकडचा अतिपाऊस यात खराब झाले आहे. उत्पादकता कमीच राहील. मळणी व कापणीचे दर स्थिर आहेत. वाफसा काळ्या कसदार जमिनीत नाही. यामुळे कापणी व मळणीला वेळ लागू शकतो.  - किशोर चौधरी, शेतरी, असोदा (जि.जळगाव)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com