आरोग्यदायी दालचिनी

मसाल्यांच्या पदार्थांत, घरात मसाला करताना दालचिनीचा वापर हमखास होतो. त्यामुळे महिलावर्गात दालचिनी विशेष प्रिय आहे. संपूर्ण दालचिनी आणि पावडर अशा दोन्ही स्वरूपात ती उपलब्ध असते. दालचिनीमध्ये विविध औषधी गुणधर्म असतात.
health benefits of Cinnamon
health benefits of Cinnamon

मसाल्यांच्या पदार्थांत, घरात मसाला करताना दालचिनीचा वापर हमखास होतो. त्यामुळे महिलावर्गात दालचिनी विशेष प्रिय आहे. संपूर्ण दालचिनी आणि पावडर अशा दोन्ही स्वरूपात ती उपलब्ध असते. दालचिनीमध्ये विविध औषधी गुणधर्म असतात. अगदी सहज उपलब्ध होणारी आणि स्वयंपाक घरात हमखास असलेली दालचिनी सर्वांना सुपरिचित आहे. मसाल्यांच्या पदार्थांत, घरात मसाला करताना दालचिनीचा वापर हमखास होतो. त्यामुळे महिलावर्गात दालचिनी विशेष प्रिय आहे. संपूर्ण दालचिनी आणि पावडर अशा दोन्ही स्वरूपात ती उपलब्ध असते. दालचिनीमध्ये विविध औषधी गुणधर्म असतात.

  • दालचिनी मुखदुर्गंधीनाशक आहे. हिरड्यांना मजबुती आणण्यासाठी दालचिनीचा एक छोटा तुकडा तोंडात धरून चघळावा.
  • तापामध्ये बऱ्याचदा घशाला कोरड पडून सारखी तहान लागते. अशा वेळी दालचिनीचा छोटा तुकडा तोंडात धरावा. कोरडा खोकला येत असल्यास दालचिनी आणि खडीसाखरेचा तुकडा चघळावा. त्यामुळे ढास कमी होते.
  • सर्दी, खोकला, डोकेदुखीचा त्रास होत असल्यास दालचिनी, तुळस, सुंठ यांची पाव चमचा पावडर पाण्यात उकळून ते पाणी प्यावे. त्यामुळे कफ कमी होऊन घशाला आराम मिळतो.
  • अवेळी जेवण, बाहेरचे खाद्यपदार्थ खाण्यामुळे पोटात गॅस होऊन जडपणा येतो. यासाठी दालचिनी, ओवा, सुंठ समभाग एकत्र करून पाव चमचा प्रमाणात गरम पाण्यासह घ्यावे.
  • दूषित पाण्यामुळे अतिसार, आव पडणे अशा पोटासंबंधी तक्रारी निर्माण होतात. त्यासाठी डॉक्टरांच्या सल्ल्याने योग्य औषधे घ्यावीत. यासोबतच दालचिनीची पूड मधासह घ्यावी.
  • अचानक झालेला हवाबदल, थंड पदार्थांचे सेवन, धूळ, धूर यामुळे कोरडा खोकला येऊन सतत ढास लागते. अशा वेळी ज्येष्ठमध, दालचिनी, खडीसाखर एकत्र करून पाव चमचा प्रमाणात चघळावी.
  • उलटी, मळमळणे, अजीर्ण अशा त्रासासाठी दालचिनीचा तुकडा चघळणे फायदेशीर असते.
  • सर्दी कमी करण्यासाठी दालचिनी, सुंठ, लवंग, गवती चहा पाण्यात टाकून उकळून घेऊन तो काढा सेवन करावा. दालचिनीचा समावेश असलेले सितोपलादी चूर्ण मधासह जरूर घ्यावे.
  • पथ्य

  • सर्दी, खोकला, ताप जास्त प्रमाणात असेल तर दालचिनीबरोबर अन्य आयुर्वेदिक औषधे पोटात घ्यावीत. दही, ताक, थंड पेय, तेलकट पदार्थांचे सेवन पूर्ण बंद करावे.
  • अजीर्ण, अपचन टाळण्यासाठी जेवणाच्या वेळा पाळाव्यात. वातूळ पदार्थ, मैद्याचे पदार्थ खाणे टाळावे. दोन जेवणाच्या मध्ये किमान चार तासांचे अंतर ठेवावे.
  • काळजी लक्षणांमध्ये वाढ झाल्यास डॉक्टरांच्या सल्ला घेऊन योग्य तपासण्या कराव्यात. संपर्क- डॉ. विनीता कुलकर्णी, ९४२२३१०३७७

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com