Agriculture news in Marathi, The Health Department is ready for the Ashadi Palkhi festival | Agrowon

आषाढी पालखी सोहळ्यासाठी आरोग्य विभाग सज्ज
टीम अॅग्रोवन
गुरुवार, 20 जून 2019

पुणे : आषाढी वारीसाठी संतश्रेष्ठ ज्ञानेश्वर महाराज आणि जगतगुरू तुकाराम महाराज पालखी सोहळ्यासाठी पुणे जिल्हा परिषदेचा आरोग्य विभाग सज्ज झाला आहे. जिल्ह्यातील ६ तालुके, २३ प्राथमिक आरोग्य केंद्र व ८० गावांच्या कार्यक्षेत्रातून पालख्यांचे पंढरपुराकडे मार्गक्रमण होते. वारीतील वारकऱ्यांना आरोग्य सुविधा पुरविण्यासाठी जिल्हा परिषदने ३५ लाख रुपयांची तरतूद केल्याचे जिल्हा परिषदेचे आरोग्य सभापती प्रवीण माने यांनी सांगितले.

पुणे : आषाढी वारीसाठी संतश्रेष्ठ ज्ञानेश्वर महाराज आणि जगतगुरू तुकाराम महाराज पालखी सोहळ्यासाठी पुणे जिल्हा परिषदेचा आरोग्य विभाग सज्ज झाला आहे. जिल्ह्यातील ६ तालुके, २३ प्राथमिक आरोग्य केंद्र व ८० गावांच्या कार्यक्षेत्रातून पालख्यांचे पंढरपुराकडे मार्गक्रमण होते. वारीतील वारकऱ्यांना आरोग्य सुविधा पुरविण्यासाठी जिल्हा परिषदने ३५ लाख रुपयांची तरतूद केल्याचे जिल्हा परिषदेचे आरोग्य सभापती प्रवीण माने यांनी सांगितले.

आषाढी वारीसाठी संतश्रेष्ठ श्री ज्ञानेश्वर महाराज यांची पालखी आळंदीहून २५ जून रोजी प्रस्थान करून पुणे शहरमार्गे हडपसर, सासवड, जेजुरी, वाल्हा, नीरा या मार्गे नीरा नदीत पादुका स्नान करुन २ जुलै रोजी पाडेगाव (लोणंद) येथे सातारा जिल्ह्यात प्रवेश करणार आहे. तर जगतगुरू संतश्रेष्ठ श्री तुकाराम महाराज यांची पालखी देहू येथून २४ जून रोजी प्रस्थान करून निगडी, पिंपरी चिंचवडमार्गे पुणे शहरातून हडपसर, लोणी काळभोर, यवत, रोटीघाट, उंडवडी, बारामती, इंदापूरमार्गे सराटी येथे मुक्काम करून ७ जुलै रोजी अकलूज येथे सोलापूर जिल्ह्यात प्रवेश करणार आहे. 

वारकऱ्यांना पाय दुखणे, डोके दुखणे, सर्दी होणे यासह जलजन्य आजार,कीटकजन्य आजार, मधुमेह, रक्तदाब या आजारांविषयी प्रतिबंधात्मक व उपचारात्मक उपाययोजना केल्या जातील. औषधांसाठी २० लाख रुपये, रुग्णवाहिका व टॅंकरच्या इंधनासाठी ८ लाख रुपये; तर प्रसिद्धी, किटस, साहित्य व आरोग्यदूतांसाठी ७ लाख रुपयांची तरतूद करण्यात आली आहे. याशिवाय पालखी मार्गावरील सर्व गावे, वाड्या-वस्त्या यांचे पाणी नमुने, टीसीएल नमुन्यांची तपासणी, टीसीएल उपलब्धता, ३ हजार ६५२ पाणीस्त्रोतांचे पाणी गुणवत्ता सनियंत्रण, ४५ टॅंकर भरण्याच्या ठिकाणांचे सनियंत्रण, १०९१ हॉटेल्सचे स्वच्छता व आरोग्यविषयक तपासणी, मुक्कामाच्या ठिकाणी धूर फवारणी आदी प्रतिबंधात्म उपयोजना करण्यात येणार आहेत.

वारकऱ्यांना मिळणाऱ्या वैद्यकीय सुविधा

  • पालखी नियोजनाकरिता स्वतंत्र वैद्यकीय पथकांची स्थापना 
  • ११० वैद्यकीय अधिकारी, ३३६ आरोग्य कर्मचाऱ्यांच्या नियुक्त्या
  • २४ तास फिरती वैद्यकीय पथके, ३० रुग्णवाहिका 
  • प्राथमिक आरोग्य तपासणी, औषधोपचारासाठी आरोग्यदूत 
  • मुक्कामाच्या ठिकाणी मोफत वैद्यकीय सेवा केंद्र
  • जिल्हा परिषद येथे नियंत्रण कक्ष स्थापन 
  • सर्व दिंडीप्रमुखांना औषधाचे किटवाटप करणार 
  • चित्ररथाद्वारे वारकरी बांधवांना आरोग्यविषयक योजनांची माहिती 
     

इतर ताज्या घडामोडी
नगर जिल्ह्यातील ४३ हेक्टर जमीन गेली...नगर  ः जिल्ह्यात पंधरा दिवसांपूर्वी गोदावरी...
पूरबाधित क्षेत्रातील उसाचे व्यवस्थापन पुराच्या पाण्याचा कालावधी, पाण्याचा गढूळपणा आणि...
संत्रा फळपिकावरील तपकिरी कुज व्यवस्थापन लिंबू वर्गीय फळझाडास वर्षातून तीनदा बहार येतो....
नत्राच्या दुहेरी समस्यांवर मात...जागतिक पातळीवर नत्राचे प्रदूषण आणि शेतीसाठी...
डाळिंबाच्या मार्केटिंग, प्रक्रिया...सोलापूर  : ‘‘जिल्ह्यात उत्पादन होणारे डाळिंब...
जळगाव जिल्हा सहकारी दूध संघाला तीन...जळगाव  ः जळगाव जिल्हा सहकारी दूध उत्पादक...
औरंगाबाद जिल्ह्यात पावसाअभावी टोमॅटोचे...औरंगाबाद :  जिल्ह्यातील टोमॅटोचे आगार...
अकोला जिल्ह्यातील पाच पशुवैद्यक दवाखाने...अकोला  ः जिल्हा परिषदेअंतर्गत चालविल्या...
सिंधुदुर्ग जिल्ह्यातील २३ धरणे भरलीसिंधुदुर्ग : मुसळधार पावसामुळे जिल्ह्यातील २३...
नांदेड, परभणी, हिंगोली जिल्ह्यांत...नांदेड : नांदेड, परभणी, हिंगोली जिल्ह्यांतील अनेक...
दसरा, दिवाळीसाठी चांदवड तालुक्यात...नाशिक  : चांदवड तालुक्यातील शेतकरी दसरा,...
नगर जिल्ह्यातील वाहून गेलेल्या...नगर : पुराच्या पाण्याने वाहून गेलेल्या जमिनीचे...
सिंधुदुर्ग जिल्ह्यात अतिवृष्टीमुळे...सिंधुदुर्ग   ः अतिवृष्टीचा भाजीपाला...
महापुराच्या स्थितीतही ‘त्यांनी’ तीन...नवेखेड, जि. सांगली  : मसुचिवाडी (ता....
वसंतराव नाईक यांनी आधुनिक तंत्रज्ञान...पुसद, जि. यवतमाळ   ः देशातील...
सरकारला खरीप, रब्बीतील फरक कळत नाही :...पैठण, जि. औरंगाबाद  : राज्यातील शेतकऱ्यांची...
पूरग्रस्त भागातील घरांच्या दुरुस्तीसाठी...मुंबई  : पूरग्रस्त ग्रामीण भागातील वाहून...
पीक नुकसानभरपाई नको; संपूर्ण कर्जमाफीच...कऱ्हाड, जि. सातारा   ः महापुराने हुती...
नगर जिल्ह्यात ४०५ टॅंकरद्वारे पाणीपुरवठानगर  ः जिल्ह्यात बहुतांश ठिकाणी पावसाने...
उत्तर भारतात अतिदक्षतेचा इशारा; नद्या...नवी दिल्ली : दक्षिण भारतानंतर आता उत्तर भारतही...