agriculture news in Marathi heat increased in state Maharashtra | Agrowon

उन्हाच्या काहिलीने अंगाची लाही 

टीम अॅग्रोवन
मंगळवार, 5 मे 2020

विदर्भात उन्हाचा ताप अधिक असल्याने सोमवारी (ता. ४) सकाळपर्यंतच्या २४ तासांमध्ये अकोला येथे देशातील उच्चांकी ४४.९ अंश सेल्सिअस तापमानाची नोंद झाली.

पुणे : उन्हाचा चटका वाढल्याने विदर्भ, मराठवाडा, खानदेश चांगलाच तापला आहे. उन्हाच्या काहिलीने अंगाची लाही होत आहे. विदर्भात उन्हाचा ताप अधिक असल्याने सोमवारी (ता. ४) सकाळपर्यंतच्या २४ तासांमध्ये अकोला येथे देशातील उच्चांकी ४४.९ अंश सेल्सिअस तापमानाची नोंद झाली. विदर्भात उष्णतेच्या लाटेचा इशारा देण्यात आला आहे. तर उर्वरीत राज्यात मुख्यत: उष्ण व कोरड्या हवामानाचा अंदाज हवामान विभागाने वर्तविला आहे. 

एप्रिल महिन्याचा अखेरच्या टप्प्यात राज्यात उन्हाचा चटका अधिक वाढू लागला. राज्याच्या अनेक भागात पूर्वमोसमी पावसानेही हजेरी लावल्याने सकाळी ऊन, दुपारनंतर पाऊस अशी स्थिती होती. मात्र मे महिना सुरू होताच राज्यात सुर्य आग ओकायला लागला आहे. अकोला येथे हंगामातील उच्चांकी ४४.९ अंश सेल्सिअस तापमानाची नोंद झाली. ब्रह्मपुरी, वर्धा येथे ४४ अंश, जळगाव, नांदेड, परभणी, अमरावती, चंद्रपूर येथे तापमान ४३ अंशापेक्षा अधिक आहे. 

मध्य प्रदेशपासून विदर्भ, तेलंगणा, रायलसीमा, तमिळनाडूपर्यंत असलेल्या खंडीत वाऱ्यांमुळे हवेचा कमी दाबाचा पट्टा सक्रीय आहे. राज्यात मुख्यत: उष्ण व कोरडे हवामान राहणार असले तरी, कोकणात तुरळक ठिकाणी हलक्या पावसाची शक्यता आहे. बंगालच्या उपसागरात दक्षिण अंदमान समुद्र आणि परिसरावर कमी दाब क्षेत्र सक्रीय असून, ही प्रणाली कायम राहणार असल्याने हवामान विभागाने स्पष्ट केले आहे. 

सोमवारी (ता. ४) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३९.३, जळगाव ४३.३, धुळे ४२.४, कोल्हापूर ३८.६, महाबळेश्‍वर ३३.५, मालेगाव ४२.०, नाशिक ३७.९, निफाड ३९.०, सांगली ४०.०, सोलापूर ४२.९, डहाणू ३३.८, सांताक्रूझ ३४.०, रत्नागिरी ३५.२, औरंगाबाद ४०.९, परभणी ४३.७, नांदेड ४३.५, अकोला ४४.९, अमरावती ४३.८, बुलडाणा ४१.४, ब्रह्मपुरी ४४.१, चंद्रपूर ४३.८, गोंदिया ४२.९, नागपूर ४४.२, वर्धा ४४.२. 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...