agriculture news in Marathi, heat in state, Maharashtra | Agrowon

उन्हाचा चटका; उकाडा नकोसा

टीम अॅग्रोवन
सोमवार, 27 मे 2019

पुणे : मे महिन्याच्या सुरवातीपासून कमाल तापमान सरासरीपेक्षा अधिक असल्याचे दिसून आले आहे. राज्याच्या काही भागांत सातत्याने उष्ण लाट आहे. उन्हाचा वाढलेला चटका आणि उकाडा अक्षरश: नकोसा होत आहे. दिवसभर असलेला उकाडा रात्री देखील कायम राहत आहे. यातच पूर्वमोसमीच्या सरी न बरसल्याने यंदाचा उन्हाचा अधिकच तापदायक ठरत आहे. 

पुणे : मे महिन्याच्या सुरवातीपासून कमाल तापमान सरासरीपेक्षा अधिक असल्याचे दिसून आले आहे. राज्याच्या काही भागांत सातत्याने उष्ण लाट आहे. उन्हाचा वाढलेला चटका आणि उकाडा अक्षरश: नकोसा होत आहे. दिवसभर असलेला उकाडा रात्री देखील कायम राहत आहे. यातच पूर्वमोसमीच्या सरी न बरसल्याने यंदाचा उन्हाचा अधिकच तापदायक ठरत आहे. 

राज्यातील विदर्भ, मराठवाडा आणि मध्य महाराष्ट्राच्या काही भागात तापमान ४० ते ४६ अंशांदरम्यान असल्याने उष्ण लाट आली आहे. दुपारच्या वेळी उन्हाचा चटका अधिकच वाढत असल्याने वाऱ्याची झुळकही गरम भासत आहे. काही दिवसांपासून सकाळी आठ वाजल्यापासूनच उन्हाचा ताप वाढत असून, सायंकाळी सहा वाजल्यानंतरही उन्हाच्या झळा कायम असल्याचे अनुभवायला येत आहे. रविवारी (ता. २६) सकाळपर्यंतच्या २४ तासांमध्ये चंद्रपूर येथे उच्चांकी ४६.८ अंश सेल्सिअस तापमान नोंदले गेले. 
विदर्भात जवळपास सर्वच ठिकाणी तापमान ४३ अंशांच्या पुढे आहे. यात बह्मपुरी, चंद्रपूर, गोंदिया, नागपूर, वर्धा येथे तापमान ४५ अंशांपेक्षा अधिक आहे. तर मराठवाड्यातील परभणी येथे ४४.८ अंश, नांदेड ४४.२ अंश तर मध्य महाराष्ट्रातील सोलापूर येथे ४३.२, जळगाव येथे ४३ अंश सेल्सिअस तापमानाची नोंद झाली आहे. मंगळवारपर्यंत मध्य महाराष्ट्र, मराठवाड्यात तर गुरुवारपर्यंत विदर्भात उष्ण लाट कायम राहण्याचा इशारा हवामान विभागाने दिला आहे. 

रविवारी (ता.२६) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ३८.४ (२.२), जळगाव ४३.० (०.७), कोल्हापूर ३८.० (३.१), महाबळेश्वर ३३.२ (३.८), मालेगाव ४१.२ (१.२), नाशिक ३७.९ (०.५), सांगली ४०.० (३.२), सातारा ४०.४ (५.२), सोलापूर ४३.२(३.३), अलिबाग ३१.३ (-१.९), डहाणू ३४.६ (०.२), सांताक्रूझ ३४.४ (०.९), रत्नागिरी ३५.२ (२.३), औरंगाबाद ४०.८ (१.६), नांदेड ४४.२ (२.७), परभणी ४४.८ (३.०), अकोला ४३.८ (१.९), अमरावती ४३.६ (१.६), बुलडाणा ४१.३ (३.४), बह्मपुरी ४५.९ (३.३), चंद्रपूर ४६.८ (३.६), गोंदिया ४५.० (२.३), नागपूर ४६.३ (३.५), वाशीम ४३.४, वर्धा ४५.५ (२.८), यवतमाळ ४४.५(२.८). 

मॉन्सूनची बुधवारपर्यंत प्रगती शक्य
नैर्ऋत्य मोसमी वाऱ्यांनी (मॉन्सून) शनिवारी (ता. २५) थोडीशी चाल करत निकोबार बेटांचा संपूर्ण भाग व्यापून, उत्तर अंदमान समुद्र आणि बंगालच्या उपसागराच्या आणखी काही भागात प्रगती केली. बुधवारपर्यंत (ता. २९) मॉन्सूनची आणखी काही भागात प्रगती होण्याची शक्यता आहे. यंदा केरळमध्येही मॉन्सून ६ जूननंतर दाखल होण्याचे संकेत आहेत. तर हिंद महासागरात ढगांची गर्दी होऊ लागली आहे. 


इतर बातम्या
जंगलातील वणव्यांचाही वटवाघळांना होतो...वटवाघळांसाठी रहिवासाचा ऱ्हास, वातावरणातील...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
जालना जिल्ह्यात रब्बी सिंचनाची वाट अवघडचजालना :  जायकवाडी प्रकल्पावरून...
नांदेड, परभणी, हिंगोली जिल्ह्यांत केळी...नांदेड : सप्टेंबर-ऑक्टोबर महिन्यातील पावसामुळे...
आटपाडीत तीनशे हेक्‍टरवर फुलणार डाळिंब...आटपाडी, जि. सांगली : पांडुरंग फुंडकर फळबाग लागवड...
गांडूळ खतनिर्मितीस प्रोत्साहन द्या : डॉ...कोल्हापूर  : ‘‘शेतकऱ्यांनी जमिनीचा पोत...
बुलडाणा जिल्ह्यात रब्बीच्या ४०...बुलडाणा ः यंदाच्या हंगामात जिल्ह्यात रब्बीसाठी...
अधिकारी कार्यालयात घुसवल्या बैलजोड्याअमरावती ः वारंवार अर्ज, विनंत्या करूनसुद्धा पांदण...
नाशिक जिल्ह्यातील बंद उपसा जलसिंचन...नाशिक : जिल्ह्यात सन १९९५ ते २००० या कालावधीत...
सातारा जिल्ह्यात ऊसदराची कोंडी फोडणार...सातारा  ः साखर कारखान्यांची धुराडी पेटली...
प्रतिकूल हवामानामुळे पुणे जिल्ह्यात...पुणे  ः दर वाढल्याने पुणे जिल्ह्यातील अनेक...
प्रतिकूल हवामानाचा नगर जिल्ह्यातील गहू...नगर  ः जिल्ह्यामध्ये गेल्या दोन दिवसांपासून...
चंद्रपूर जिल्ह्यात ११ महिन्यांत ५०...चंद्रपूर  ः नापिकी, कर्जबाजारीपणा यातून...
हवामानाच्या पूर्व अंदाजासाठी पाषाण,...पुणे  ः पुणे शहरातील विविध ठिकाणी अनेकदा कमी...
बुलडाणा जिल्ह्याच्या भूजलपातळीत १.३९...बुलडाणा ः मागील काही वर्षांपासून जिल्हा सातत्याने...
पुण्यात १७ जानेवारीपासून पुष्प...पुणे  ः ॲग्री हार्टिकल्चर सोसायटी ऑफ...
नवी दिल्लीतील प्रदर्शनात जैविक खते,...पुणे  ः सावित्रीबाई फुले पुणे विद्यापीठाचे...
शिरोळ, हातकणंगले तालुक्यातील ऊस...कोल्हापूर : शिरोळ, हातकणंगले तालुक्यांतील...
विधीमंडळाचे हिवाळी अधिवेशन सहा दिवस...मुंबई : राज्य विधिमंडळाचे हिवाळी अधिवेशन येत्या...
विठ्ठल मंदिरात मोबाईल बंदीपंढरपूर, जि. सोलापूर ः श्री विठ्ठल मंदिराच्या...