agriculture news in Marathi heat weave in state Maharashtra | Agrowon

राज्यात उन्हाच्या झळा असह्य 

टीम अॅग्रोवन
सोमवार, 25 मे 2020

सुर्य तळपू लागल्याने राज्यात उन्हाचा चटका तापदायक ठरत आहे. विदर्भात अनेक ठिकाणी, मराठवाडा आणि मध्य महाराष्ट्रात तुरळक ठिकाणी उष्ण लाट आल्याने उन्हाच्या झळा असह्य होत आहेत.

पुणे: सुर्य तळपू लागल्याने राज्यात उन्हाचा चटका तापदायक ठरत आहे. विदर्भात अनेक ठिकाणी, मराठवाडा आणि मध्य महाराष्ट्रात तुरळक ठिकाणी उष्ण लाट आल्याने उन्हाच्या झळा असह्य होत आहेत. रविवारी (ता.२४) सकाळपर्यंतच्या २४ तासांमध्ये नागपूरात हंगामातील नव्या उच्चांकी ४६.५ अंश सेल्सिअस तापमानाची नोंद झाली आहे. आज (ता.२५) विदर्भात उष्ण लाटेचा रेड अलर्ट देण्यात आला आहे. मध्य महाराष्ट्र, मराठवाड्यातही तुरळक ठिकाणी उष्ण लाट येण्याची शक्यता हवामान विभागाने वर्तविली आहे. 

कमाल तापमान ४५ अंशोपक्षा अधिक असल्यास, तसेच कमाल तापमानाचा पारा ४० अंशांच्या पुढे जाऊन तापमानात सरासरीपेक्षा ४.५ अंशांची वाढ झाल्याचे त्या भागात उष्णतेची लाट आल्याचे समजण्यात येते. त्यानुसार विदर्भातील नागपूर, अकोला, चंद्रपूर, अमरावती, वर्धा, गोंदिया येथे, तर मराठवाड्यातील परभणी, आणि मध्य महाराष्ट्रातील जळगाव येथे तापमान ४५ अंशांच्या पुढे गेले आहे. तर बुलडाणा आणि सातारा येथे तापमान ४० अंशापेक्षा अधिक असून, सरासरीपेक्षा ४.५ अशांनी वाढ झाली असल्याने या भागात उष्ण लाट आली आहे. 

रविवारी (ता.२४) सकाळपर्यंतच्या २४ तासांमध्ये राजस्थानातील पिलानी येथे देशातील सर्वोच्च ४६.५ अंश सेल्सिअस तापमानाची नोंद झाली आहे. तर नागपूर येथे तापमान राज्यातील उच्चांकी ४६.५ अंशावर गेले आहे. यापुर्वी २६ मे १९५४ रोजी नागपूरात आतापर्यंतच्या उच्चांकी ४७.८ अंश सेल्सिअस तापमानाची नोंद झाली आहे. तर राज्यात अनेक ठिकाणी तापमान ४३ अशांपेक्षा अधिक आहे. आज (ता. २५) राज्यात उन्हाचा चटका, ढगाळ हवामानासह उकाड्यात वाढ होण्याचा शक्यता हवामान विभागाने वर्तविली आहे. 

रविवारी (ता. २४) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३९.८, धुळे ४३.०, जळगाव ४५.०, कोल्हापूर ३६.७, महाबळेश्‍वर ३२.१, मालेगाव ४४.४, नाशिक ३८.९, निफाड ४०.१, सातारा ४०.१, सांगली ३९.१, सोलापूर ४४.३, डहाणू ३४.५, सांताक्रूझ ३५.०, रत्नागिरी ३४.०, औरंगाबाद ४२.२, परभणी ४५.४, नांदेड ४४.०, अकोला ४६.०, अमरावती ४५.६, बुलडाणा ४३.०, ब्रह्मपुरी ४४.१, चंद्रपूर ४५.६, गोंदिया ४५.४, नागपूर ४६.५, वर्धा ४५.५. 

उष्ण लाट आलेली ठिकाणे : नागपूर ४६.६, अकोला ४६, चंद्रपूर ४५.६, अमरावती ४५.६, वर्धा ४५.५, गोंदिया ४५.४, परभणी ४५.४, जळगाव ४५, बुलडाणा ४३, सातारा ४०.१. 


इतर अॅग्रो विशेष
विश्वजित माने प्रभारी कृषी आयुक्तपुणे : राज्याचे कृषी आयुक्त सुहास दिवसे यांची...
कृषी निविष्ठा विक्रेत्यांचा बंद मागे;...औरंगाबाद :  कृषी निविष्ठा विक्रेत्यांचा...
शण्मुख नाथन झटतोय निंब वृक्ष वाढीसाठीअकोला ः वृक्ष संवर्धन, पर्यावरणाच्या उद्देशाने...
देशात कृषी स्टार्टअपला वाव : संगीता...पुणे: जगात कृषी क्षेत्रातील प्रत्येक नववा...
सोयाबीन बियाणे न उगवल्याच्या राज्यात ५४...पुणे ः खरीप हंगामात सोयाबीन बियाणे...
कोकण, मध्य महाराष्ट्रात पावसाचा जोर...पुणे: मॉन्सून सक्रिय होण्यास पोषक हवामान होत...
आमचा विद्यार्थी सहा महिन्यातच पास झाला...मुंबई: आमचा विद्यार्थी सहा महिन्यातच पास झाला,...
बांगलादेशात रेल्वेद्वारे कांदा निर्यातनाशिक: जिल्ह्यातून मोठ्या प्रमाणावर कांदा...
देशात आता जनुक क्रांतीची गरज : माजी...पुणे: देशाला आता हरितक्रांती नव्हे तर आता जनुक...
शेळ्या-मेंढ्यांचे बाजार सुरु करा  नगर ः सध्या आषाढ महिना सुरु असून या महिन्यात...
बियाणे संबंधित तक्रारींचा तत्काळ निवाडा...नाशिक: निकृष्ट बियाण्यासंबंधी तक्रारी आल्यानंतर...
संत्रा उत्पादन वाढीचा अंदाजअमरावती ः पोषक वातावरणाच्या परिणामी या वर्षी...
मागण्या मान्य करा, अन्यथा दूध पुरवठा...औरंगाबाद  : अत्यल्प दर मिळत असल्याने आम्ही...
उथळ निर्णय की सखोल अभ्यासकेंद्र सरकारने ग्लायफोसेटचा वापर देशभर केवळ कीड...
लसीला लागण राजकारणाची ?‘कोरोना’ग्रस्ततेत अमेरिकेचा प्रथम क्रमांक आहे....
संगमनेर तालुका संघाकडून ५० टक्के...नगर: संगमनेर तालुका सहकारी दूध संघाने दूध...
उगाव येथे सामूहिक पातळीवर दशपर्णी अर्क...नाशिक: निफाड तालुक्यातील उगाव येथील श्री. श्री....
किसान क्रेडिट कार्डवर बिनव्याजी कर्ज...नाशिक: शेतकऱ्यांना शेतीकामासाठी आर्थिक मदत करणे...
दुधाला दर नसल्याने, दुभती जनावरे ...सोलापूर ः दुधाला मागणी असूनही केवळ योग्य तो दर...
मराठा समाजाला विश्वासात घेणार : अशोक...मुंबई : मराठा आरक्षणाच्या न्यायालयीन लढाईत राज्य...