राज्यात उन्हाचा चटका वाढणार 

उन्हाच्या झळा वाढू लागल्याने राज्याच्या तापमानात वाढ होत आहे. यातच गुरूवारपर्यंत (ता.२) बहुतांशी भागात मुख्यत: उष्ण व दमट हवामानासह उन्हाचा चटका वाढण्याचा अंदाज आहे.
heat
heat

पुणे: उन्हाच्या झळा वाढू लागल्याने राज्याच्या तापमानात वाढ होत आहे. यातच गुरूवारपर्यंत (ता.२) बहुतांशी भागात मुख्यत: उष्ण व दमट हवामानासह उन्हाचा चटका वाढण्याचा अंदाज आहे. शुक्रवारपासून (ता.३) विदर्भ, मराठवाड्यात पुन्हा वादळी वाऱ्यासह पुर्वमोसमी पावसाची शक्यता हवामान विभागाने वर्तविली आहे.  राज्यात सुरू असलेला पूर्वमोसमी पाऊस दोन दिवस उघडीप देण्याची शक्यता आहे. राज्याच्या बहुतांशी भागात ढगाळ हवामान राहून उकाडा वाढण्याची शक्यता आहे. सोमवारी (ता.३०) सकाळपासूनच उन्हाचा चटका आणि उकाडा वाढल्यानंतर सांयकाळी विदर्भ, मराठवाड्यात काही ठिकाणी वादळी वाऱ्यासह पावसाने हजेरी लावली.  राज्यात बहुतांशी ठिकाणी तापमान ३६ अंशांच्या पुढे आहे. मंगळवारी (ता. १) सकाळपर्यंतच्या २४ तासांमध्ये सोलापूर येथे ३९.९ अंश सेल्सिअस तापमानाची नोंद झाली. जळगाव येथे तापमान ३९ अंश, तर मालेगाव, सांगली, परभणी, चंद्रपूर येथे ३८ अंशांपेक्षा अधिक कमाल तापमान नोंदले गेले. किमान तापमानात वाढ झाल्याने रात्री उकाड्यात वाढ झाली आहे. विदर्भ आणि परिसरावर चक्राकार वाऱ्याची स्िथती आहे. त्यापासून मराठवाडा दक्षिण कर्नाटकपर्यंत हवेचा कमी दाबाचा पट्टा सक्रीय आहे. शुक्रवारी (ता.३) विदर्भ, मराठवाड्यात पावसाची शक्यता आहे. 

मंगळवारी (ता. ३१) सकाळपर्यंतच्या २४ तासांमध्ये राज्यातील विविध ठिकाणचे किमाल व किमान (कंसात) तापमान, (अंश सेल्सिअसमध्ये) : पुणे ३६.२ (१९.३), जळगाव ३९.० (२१.६), कोल्हापूर ३६.८ (२४.४), महाबळेश्‍वर ३१.१ (१९.५), मालेगाव ३८.८ (२२.४), नाशिक ३६.८ (१९.२), निफाड ३५.२ (१६.२), सांगली ३८.२(२३.६), सातारा ३७.३(२३.१), सोलापूर ३९.९ (२४.५), डहाणू ३३.१ (२१.५), सांताक्रूझ ३३.४ (२३.२), रत्नागिरी ३२.४ (२३.३), औरंगाबाद ३५.७ (१९.४), परभणी ३८.८ (१९.९), अकोला ३७.७(२२.६), अमरावती ३६.६ (२१.०), बुलडाणा ३५.६ (२१.६), ब्रह्मपूरी ३४.८ (२३.१), चंद्रपूर ३८.५ (१९.०), गोंदिया ३४.४ (२१.२), नागपूर ३५.८ (२२.४), वर्धा ३४.४ (२१.२).   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com