agriculture news in Marathi heat will increased in state Maharashtra | Page 2 ||| Agrowon

उन्हाचा चटका ठरणार तापदायक 

टीम अॅग्रोवन
शनिवार, 23 मे 2020

राज्यात उन्हाचा चटका चांगलाच वाढल्याने विदर्भ, उत्तर महाराष्ट्रात तापमान ४४ अंशापार गेले आहे. शुक्रवारी (ता.२२) सकाळपर्यंतच्या २४ तासांमध्ये विदर्भातील नागपूर येथे राज्यातील उच्चांकी ४४.५ अंश सेल्सिअस तापमानाची नोंद झाली.

पुणे : राज्यात उन्हाचा चटका चांगलाच वाढल्याने विदर्भ, उत्तर महाराष्ट्रात तापमान ४४ अंशापार गेले आहे. शुक्रवारी (ता.२२) सकाळपर्यंतच्या २४ तासांमध्ये विदर्भातील नागपूर येथे राज्यातील उच्चांकी ४४.५ अंश सेल्सिअस तापमानाची नोंद झाली. तर तापमानाचा पारा ४४ अंशापेक्षा अधिक असल्याने जळगाव, अकोला, चंद्रपूरही भाजून निघाले आहे. आज (ता.२३) विदर्भातील अकोला, नागपूर आणि चंद्रपूरात उष्ण लाट येण्याचा इशारा आहे. उर्वरीत राज्यातही ऊन तापदायक ठरण्याची शक्यता हवामान विभागाने वर्तविली आहे. 

बंगालच्या उपसागरात आलेल्या ‘अम्फान’ चक्रीवादळामुळे उत्तर व वायव्येकडून कोरडे वारे मध्य भारताकडे येत आहे. त्यामुळे गेल्या काही दिवसापासून गुजरात, राजस्थान, मध्य प्रदेश, विदर्भात उष्णतेचा ताप वाढला आहे. आंध्रप्रदेशातील विजयवाडा येथे देशातील आतापर्यंच्या उच्चांकी ४६ अंश सेल्सिअस तापमानाची नोंद झाली. विदर्भ, मराठवाडा, उत्तर महाराष्ट्रात अनेक ठिकाणी, तर मध्य महाराष्ट्रात तुरळक ठिकाणी तापमान ४२ अंशांच्या पुढे गेले आहे.

शुक्रवारी सकाळपर्यंतच्या २४ तासांमध्ये धुळे, मालेगाव, सोलापूर, परभणी, गोंदिया, वर्धा येथेही ४३ अंशापेक्षा अधिक तापमान नोंदले गेले. आज (ता.२३) राज्यात उन्हाचा चटका वाढणार असून, विदर्भात उष्णतेची लाट येण्याचा इशाराही देण्यात आला आहे. तर राज्यात ढगाळ हवामानासह उकाड्यात वाढ होण्याचा अंदाज हवामान विभागाने वर्तविला आहे. 

शुक्रवारी (ता. २२) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३८.२, धुळे ४३.०, जळगाव ४४.४, कोल्हापूर ३४.०, महाबळेश्‍वर २९.९, मालेगाव ४२.८, नाशिक ३८.२, निफाड ३९.०, सातारा ३७.६, सांगली ३६, सोलापूर ४३.०, डहाणू ३४.८, सांताक्रूझ ३४.०, रत्नागिरी ३४.०, औरंगाबाद ४०.८, परभणी ४३.९, नांदेड ४२.५, अकोला ४४.२, अमरावती ४२.६, बुलडाणा ४०.०, ब्रह्मपुरी ४१.५, चंद्रपूर ४४.२, गोंदिया ४३.०, नागपूर ४४.५, वर्धा ४३.२. 

मॉन्सून जैसे थे 
बंगालच्या उपसागरात आलेल्या ‘अम्फान’ चक्रीवादळामुळे नैर्ऋत्य मोसमी वाऱ्यांना (मॉन्सून) चालना मिळाली. रविवारी (ता.१७) मॉन्सून दक्षिण अंदमान समुद्र, निकोबार बेटांवर डेरेदाखल झाला. गुरूवारी हे वादळ निवळल्यानंतर शुक्रवारी उत्तर बांग्लादेश आणि परिसरावर हवेचे कमी दाबाचे क्षेत्र सक्रीय होते. चक्रीवादळ उत्तरेकडे सरकून गेल्यानंतर मॉन्सूनच्या वाटचालीवर परिणाम झाला. शुक्रवारी (ता.२२) मॉन्सूनची काणतीही प्रगती झाली नसल्याचे हवामान विभागातर्फे सांगण्यात आले. 


इतर अॅग्रो विशेष
कृषी निविष्ठा विक्रेत्यांचा उद्यापासून...औरंगाबाद ः कृषी निविष्ठा  विक्रेत्यांच्या...
सफरचंद झाडाला फळधारणा ! नाशिकच्या...नाशिक : जिल्हा फलोत्पादन व विविध प्रयोगात आघाडीवर...
कोल्हापूर जिल्ह्यातील ३१ बंधारे...कोल्हापूर : जिल्ह्याच्या पश्‍चिम भागात पडणाऱ्या...
एकाच आॅनलाइन अर्जावर कृषी योजनांचा लाभ...मुंबई  : कृषी विभागाच्या विविध योजनांचा लाभ...
लातूर जिल्ह्यात पोलिसांनी बांधावर जात...लातूर ः ‘कोरोना’च्या पार्श्वभूमीवर लॉकडाउनच्या...
न्यायालयाच्या भूमिकेनंतर गुणनियंत्रण...पुणे  : बियाण्यांमध्ये शेतकऱ्यांच्या...
वर्षभर विविध भाज्यांची चक्राकार...अवर्षणग्रस्त असलेल्या सालवडगाव (ता. नेवासा, जि....
संकटांशी सामना करीत टिकवली प्रयोगशीलतादाभाडी (ता.मालेगाव, जि. नाशिक) येथील धनराज निकम...
वाद-प्रतिवादांचा खेळ अन् हतबल शेतकरीनिकृष्ट बियाण्यांमुळे सोयाबीन न उगवल्याच्या...
शेतकऱ्यांनो, एक वर्ष सुटी घ्यायची का?जगभरात जनुकीय सुधारित (जेनिटिकली मॉडिफाइड/जीएम)...
...अन्यथा कृषी सहसंचालकांना अटक करून...औरंगाबाद ः सोयाबीनच्या बोगस बियाणे प्रकरणात...
`गोसेखुर्द'चे भू-संपादन संपेनानागपूर : गोसेखुर्द प्रकल्पाच्या कामाचा...
काटेपूर्णा, पेनटाकळी, खडकपूर्णा ...अकोला ः वऱ्हाडातील तीनही जिल्ह्यांत आत्तापर्यंत...
नगर जिल्ह्यातील धरणांमधील पाणीसाठ्यात...नगर  ः जिल्ह्यात यंदा सुरुवातीपासूनच चांगला...
दुग्धोत्पादकांना लिटरमागे १० ते १२...नगर ः अनेक शेतकऱ्यांसह बेरोजगारीवर मात करण्यासाठी...
धरणांच्या पाणलोटात पावसाचा जोरपुणे : कोकण किनारपट्टीलगतच्या अरबी समुद्रात...
अमेरिकन लष्करी अळीचे मका पिकावर आक्रमणपुणे ः खरिपाची पेरणी होऊन महिना उलटत नाही तोच...
रासायनिक अवशेष काढण्यासाठी 'अर्का...नाशिक ः फळे आणि भाजीपाला पिकांवर रासायनिक...
देशात ९२ लाख हेक्टरवर कापूसमुंबई: देशात कापूस लागवडीने वेग घेतला आहे....
राज्यातील धरणांमध्ये २८ टक्के पाणीसाठापुणे : जून महिन्यात पावसाने सरासरी गाठली, तसेच...