मराठवाड्यातील ११ मंडळांत जोरदार पाऊस

मराठवाड्यातील ११ मंडळांत जोरदार पाऊस
मराठवाड्यातील ११ मंडळांत जोरदार पाऊस

औरंगाबाद : मराठवाड्यातील ४२१ मंडळांपैकी ३८४ मंडळात शुक्रवारी (ता.२०) सकाळपर्यंतच्या २४ तासांत पावसाची हजेरी लागली. औरंगाबाद, जालना, परभणी, हिंगोली व बीड जिल्ह्यात जवळपास सर्वदूर पाऊस झाला. औरंगाबाद, जालना जिल्ह्यात पावसाचा जोर अधिक राहिला. मराठवाड्यातील ११ मंडळांत ६५ मिलीमिटरपेक्षाही जास्त पावसाची नोंद झाली. बहुतांश भागात दमदार पडलेला हा पाऊस दिलासादायक ठरला. असाच पाऊस कायम रहावा, पाणीसाठ्याची स्थिती सुधारावी, अशी आशा शेतकऱ्यांनी व्यक्त केली.  

औरंगाबाद जिल्ह्यातील ६५ पैकी ६४ मंडळांत पावसाची हजेरी लागली. यामधील ३८ मंडळात ३० ते ६४ मिलीमिटर दरम्यान पाऊस झाला. उर्वरित मंडळांत १ ते ३० मिलीमिटर दरम्यान पाऊस झाला. जालना जिल्ह्यातील ४९ पैकी ४८ मंडळात पाऊस झाला. त्यापैकी २८ मंडळांत २० ते ५५ मिलीमिटर दरम्यान पाऊस झाला. उर्वरित मंडळांत १ ते २० मिलीमिटर पावसाची नोंद झाली. दोन्ही जिल्ह्यातील मंडळांमध्ये झालेला पाऊस अपवाद वगळता मध्यम ते दमदार स्वरूपाचा होता. 

औरंगाबाद जिल्ह्यातील पिरबावडा व पैठण या दोन मंडळात अतिवृष्टीची नोंद झाली. परभणी जिल्ह्यातील सर्व ३९ मंडळात पाऊस झाला. त्यापैकी २७ मंडळात तो २० ते ६० मिलीमिटर दरम्यान राहिला. परभणी, पालम तालुक्‍यात पावसाचा अधिक जोर दिसून आला. जिल्ह्यातील बनवस, पूर्णा, चुडावा मंडळात अतिवृष्टीची नोंद झाली. हिंगोली जिल्ह्यातही सर्वदूर पावसाने दमदार हजेरी लावली. जिल्ह्यातील ३० मंडळांपैकी साखरा व हत्ता मंडळात अतिवृष्टी झाली. हिंगोली व कळमनुरी तालुक्‍यात मात्र तुरळक ते हलक्या सरी आल्या. ९ मंडळात २० ते ६० मिलिमीटरदरम्यान पावसाची नोंद झाली.  

नांदेड जिल्ह्यातील ८० पैकी ७५ मंडळात हलका, मध्यम पाऊस झाला. यापैकी २७ मंडळात २० ते ६३ मिलिमीटरदरम्यान पाऊस झाला. जिल्ह्यातील अर्धापूर व लिंबगाव मंडळात अतिवृष्टी झाली. बीड जिल्ह्यातील सर्व ६३ मंडळांत  हलका ते मध्यम पाऊस झाला. २० मंडळांत २० ते ५५ मिलिमीटरदरम्यान पाऊस झाला. आष्टी तालुक्‍यात पावसाचा जोर अधिक होता. या तालुक्‍यातील धामनगाव व दौलावडगाव मंडळात अतिवृष्टीची नोंद घेतली गेली.

लातूर जिल्ह्यातील औसा, निलंगा, शिरूर अनंतपाळ तालुक्‍यातील मंडळ वगळता ५३ पैकी २९ मंडळातच पावसाची नोंद झाली. त्यापैकी १० मंडळांत २० ते ५९ मिलिमीटर दरम्यान पाऊस झाला.   उस्मानाबाद जिल्ह्यातील ४२ पैकी ३६ मंडळातं पाऊस झाला. १३ मंडळांत २० ते ५६ मिलिमीटरदरम्यान पावसाची नोंद झाली. भूम व कळंब तालुक्‍यात पावसाचा जोर अधिक होता. उमरगा तालुक्‍यातील मुरूम तालुक्‍यात झालेला एका मंडळातील तुरळक पाउस वगळता इतर मंडळात पावसाचा थेंब नव्हता. 

अधिक पावसाची मंडळे (मि.मी)

  •  पिरबावडा.............७०
  •  पैठण..................७२
  •  बनवस................११०
  •  पूर्णा...................६६
  •  चुडावा................८९
  •  साखरा................६७
  •  हत्ता...................९७
  •  लिंबगाव...............८१
  •  अर्धापूर................८५
  •  धामणगाव.............६६
  •  दौलावडगाव...........७१
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com