जेवळी, जि. उस्मानाबाद : जेवळी व परिसरात दोन- तीन दिवसांपासून परतीचा पाऊस जोरदार होत आहे. त्यामुळे परिसरातील तलावांत मोठ्या प्रमाणात पाणीसाठा होत आहे. रविवारी (ता. १०) दुपारी झालेल्या दमदार पावसाने जेवळीसह परिसरातील साठवण तलाव भरून वाहत आहेत.
पावसाळ्याच्या सुरवातीचे तीन महिने पावसाने दगा दिला. त्यामुळे या वर्षी चाऱ्या-पाण्याचा प्रश्न गंभीर होणार, या विचाराने शेतकरी, नागरिक हाताश झाले होते. मात्र अंतिम टप्प्यात पावसाने सर्वदूर जोरदार हजेरी लावली. यातही जेवळी परिसरात पावसाचा जोर कमी होता. सर्वत्र पूर परिस्थिती असताना ही या भागात नदी- नाल्यांना पूर आला नाही. गाव शिवारातील साठवण तलाव भरले नाहीत. परंतु गेल्या दोन- तीन दिवसांपासून परिसरात परतीचा पाऊस जोरदार होत आहे.
रविवारी (ता. १०) दुपारी तीन ते साडेचार या दीड तासाच्या काळात परिसरात मेघगर्जनेसह दमदार पाऊस झाला.यामुळे जेवळीसह हिप्परगा सय्यद, विलासपूर पांढरी, भोसगा, माळेगाव, करवंजी, वाडी वडगाव आदी ठिकाणचे तलाव भरून वाहत आहेत. त्यामुळे आता परिसरातील पाणी प्रश्न दूर होण्यासाठी मोठी मदत झाली आहे. परंतु शेवटच्या टप्प्यात झालेल्या या पावसाने शेती क्षेत्राचे मात्र मोठे नुकसान केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.