Agriculture news in Marathi, Heavy rain in the bhandardara, mula dam area | Agrowon

भंडारदरा, मुळा पाणलोटात जोरदार पाऊस

टीम अॅग्रोवन
बुधवार, 11 सप्टेंबर 2019

नगर ः काही दिवसांच्या विश्रांतीनंतर अकोले तालुक्याच्या पश्चिम भागात सोमवारी दुपारनंतर जोरदार पाऊस झाला. आज (मंगळवारी) सकाळी सहा वाजेपर्यंत रतनवाडीत २१५ मिलिमीटर पावसाची नोंद झाली आहे. आज सकाळपासून मात्र पावसाचा जोर काहीसा कमी झाला आहे. त्यामुळे भंडारदरा, निळवंडे व मुळा धरणातून होणारा विसर्ग कमी केला आहे. 

नगर ः काही दिवसांच्या विश्रांतीनंतर अकोले तालुक्याच्या पश्चिम भागात सोमवारी दुपारनंतर जोरदार पाऊस झाला. आज (मंगळवारी) सकाळी सहा वाजेपर्यंत रतनवाडीत २१५ मिलिमीटर पावसाची नोंद झाली आहे. आज सकाळपासून मात्र पावसाचा जोर काहीसा कमी झाला आहे. त्यामुळे भंडारदरा, निळवंडे व मुळा धरणातून होणारा विसर्ग कमी केला आहे. 

अकोले तालुक्‍यातील सर्व धरणे भरल्यानंतर काही दिवस थांबलेला पाऊस भंडारदरा पाणलोटक्षेत्रासह तालुक्‍यात कालपासून (रविवार) पुन्हा सुरू झाला. अगोदरच भंडारदरा, निळवंडे व मुळा धरणातसह दक्षिणेतील सर्व धरणे भरलेले असल्याने पाण्याची आवक वाढल्यामुळे मुळा, निळवंडे व भंडारदरा धरणातून पाण्याचा विसर्ग सुरू केला होता. सोमवारी रात्री मुळा धरणातून २ हजार, भंडारदरा धरणातून एकवीस हजार तर निळवंडे धरणातून ३४ हजार ८०० क्युसेकने प्रवरा नदीत पाण्याचा विसर्ग केला जात होता. त्यामुळे प्रवरा नदीला पूर आला होता. आज सकाळी (मंगळवारी) मात्र पावसाचा जोर कमी झाल्याने पाण्याचा विसर्गही कमी केला होता. 

सकाळी दहा वाजता भंडारदरा धरणातून ३ हजार २००, निळंवडे धरणातून ५ हजार ४८० तर ओझर बंधाऱ्यातून २२ हजार १३० क्युसेकने विसर्ग केला जात होता. मुळा धरणात कोतूळ जवळन ६५९२ क्युसेकने मुळा धरणात आवक होत असल्याने मुळा धरणातून २ हजार क्युसेकने विसर्ग सुरू होता. आज मंगळवारी मात्र अकोलेच्या पश्चिम भागातही पावसाचा जोर काहीसा कमी झाला होता. नगर जिल्ह्याच्या अन्य भागात सोमवारी काही प्रमाणात पाऊस झाला. मात्र, अजूनही बहुतांश भागात जोरदार पावसाची प्रतीक्षा कायम आहे. आता रब्बीच्या पेरण्याला लवकरच सुरवात होणार आहे. मात्र, परतीचा पाऊस जोरदार झाला नाही तर अडचणीला सामोरे जावे लागते की काय याची चिंता कायम आहे. 

सकाळी सहापर्यंत चोवीस तासांत झालेला पाऊस (मिलिमीटरमध्ये) ः घाटघर - १८५, रतनवाडी- २१५, पांजरे- १६०, वाकी- १४०, भंडारदरा- १८३, निळवंडे ः ५२, आढळा ः ३०, अकोले ः ६०, कोतूळ ः २४, संगमनेर ः ३२, ओझर ः २३, श्रीरामपूर ः २१.


इतर ताज्या घडामोडी
रताळे वनस्पती गंधाद्वारे देते अन्य...एखाद्या हल्ल्याची चाहूल लागल्यास बहुतांश सजीव...
शेतमाल तारण योजनेअंतर्गत कारंजा बाजार...कारंजालाड, जि. वाशीम  ः शेतकऱ्यांचा शेतमाल...
खानदेशात कापूस दर स्थिर; खेडा खरेदीला...जळगाव  ः कापसाची खेडा खरेदी मागील आठवड्यात...
अधिक ओलावा असलेल्या कापसासाठी हवी...वर्धा ः कापसात ओलावा असल्यामुळे प्रक्रिया उद्योजक...
मराठवाड्यात पाच मोठे प्रकल्प तुडुंब औरंगाबाद : मराठवाड्यातील ११ पैकी पाच मोठे...
शेतमालाच्या शिवार खरेदीवर लक्ष द्या :...जळगाव  ः खानदेशात कापसापाठोपाठ केळी, कांदा व...
सोलापुरात चारा छावण्यांवर २४५ कोटी...सोलापूर ः दुष्काळामध्ये जिल्ह्यात चारा छावण्यांवर...
नाशिक : पणन मंडळाच्या केंद्रातून दुबईला...नाशिक : कसमादे पट्ट्यात सटाणा, कळवण, मालेगाव...
परभणी जिल्ह्यात ज्वारीची ८७ हजार...परभणी : जिल्ह्यात यंदाच्या रब्बी हंगामात गुरुवार...
कांदा व्यापाऱ्यांच्या साठा तपासणीची...नाशिक  : कांदा दराने मोठी उसळी घेतल्याने व...
सोलापूर जिल्ह्यात मदतीचे अनुदान...सोलापूर : दोन महिन्यांपूर्वी सोलापूर जिल्ह्यात...
सांगली : पूरग्रस्तांसाठी १०२ कोटी...सांगली : जिल्ह्यातील शहरी व ग्रामीण भागांमध्ये...
पुणे विभागात रब्बीचा साडेसात लाख...पुणे  ः चार ते पाच दिवसांपूर्वी अनेक भागांत...
शिरुरमधील साडेसहा हजारांवर शेतकरी...पुणे  ः यंदा ऑगस्ट, सप्टेंबर आणि...
सरकारच्या निर्णयाचा जिल्हा परिषदेला...नगर  ः राज्य सरकारने मागील सरकारच्या काळात...
नगर जिल्ह्यात पाऊण लाख हेक्टरवर रब्बी...नगर  ः जिल्ह्यात रब्बीत आतापर्यंत सुमारे ७५...
हिंमत असेल तर आमच्याशी पंगा घ्या :...औरंगाबाद  : राज्यातील गावा-गावांतील रस्ते,...
राष्ट्रवादी गुरुवारी साजरा करणार...मुंबई  ः राष्ट्रवादी काँग्रेस पक्षाचे...
राज्यातील पंचायत समिती सभापतींच्या...पुणे  : राज्यातील पंचायत समित्यांचे नवे...
सोलापुरात कांद्याच्या दरातील तेजी...सोलापूर : सोलापूर कृषी उत्पन्न बाजार...