agriculture news in marathi, heavy rain in district, pune, maharashtra | Page 2 ||| Agrowon

पुणे जिल्ह्यात मुसळधार पावसाची हजेरी कायम

टीम अॅग्रोवन
मंगळवार, 8 ऑक्टोबर 2019

पुणे  : जिल्ह्यातील मुळशी, भोर, मावळ, जुन्नर, आंबेगाव, हवेली या तालुक्यांच्या काही भागांत रविवारी (ता. ६) मुसळधार वादळी पाऊस झाला. जुन्नर तालुक्यात अनेक ठिकाणी पावसाचा जोर अधिक होता. फुलोऱ्यात असलेल्या भात पिकाला आणि रब्बीच्या पेरणीला हा पाऊस पोषक ठरणार आहे. मात्र मुसळधार पावसामुळे भाजीपाला, फुले, कांदारोपांचे मोठ्या प्रमाणावर नुकसान होणार आहे.

पुणे  : जिल्ह्यातील मुळशी, भोर, मावळ, जुन्नर, आंबेगाव, हवेली या तालुक्यांच्या काही भागांत रविवारी (ता. ६) मुसळधार वादळी पाऊस झाला. जुन्नर तालुक्यात अनेक ठिकाणी पावसाचा जोर अधिक होता. फुलोऱ्यात असलेल्या भात पिकाला आणि रब्बीच्या पेरणीला हा पाऊस पोषक ठरणार आहे. मात्र मुसळधार पावसामुळे भाजीपाला, फुले, कांदारोपांचे मोठ्या प्रमाणावर नुकसान होणार आहे.

दिवाळी आणि दसऱ्यामुळे जिल्ह्याच्या अनेक भागांत फुलांची लागवड करण्यात आली आहे. यंदा पाऊस चांगला असल्याने सोयाबीन, बाजरीसह खरिपाची पिके जोमदार वाढली आहेत. ही पिके परिपक्व होत असताना पडणाऱ्या जोरदार पावसामुळे नुकसान वाढणार आहे. तर रब्बी कांदा लागवडीसाठी रोपवाटिका तयार करण्यात आल्या आहेत. रोप वाढीच्या काळातच पावसाने दणका दिल्याने शेतकऱ्यांना पुन्हा रोपे तयार करावे लागणार आहे.  

मावळ तालुक्यातील कामशेत परिसरात झालेल्या पावसाने फुलोऱ्यात आलेल्या भात पिकाला फायदा होणार आहे, तर दुसरीकडे भोर तालुक्‍यातील कुरुंगवडी परिसरात शुक्रवारी सायंकाळी झालेल्या पावसामुळे बांध व रस्ते वाहून शेतीचे मोठे नुकसान झाले आहे. शेतातील उभे भातपीक दगडमातीच्या ढिगाऱ्याखाली गाडले गेले. कुरुंगवडी येथील डोंगराकडील वाघजाईदरा, गुणनदरा आदी भागांत शुक्रवारी सायंकाळी जोरदार पाऊस झाला. डोंगरावरून वाहिलेल्या पाण्याच्या प्रचंड लोंढ्याने परिसरातील शेतीचे ओढ्यात रूपांतर केले आहे. शेतीचे बांध फुटले आहेत. दगडीताली वाहून गेल्या आहेत. शेतरस्तेदेखील पूर्ण वाहून गेले आहेत.

जिल्ह्यात विविध ठिकाणी पडलेला पाऊस (मिलीमीटरमध्ये) (स्रोत - महसूल विभाग) : पौड ४९, पिरंगुट ४५, संगमनेर ५३, खडकाळा १६, जुन्नर ३३, वडगाव आनंद २३, राजूर ६१, डिंगोरे ५४, आपटाळे २०, पारगाव १८.


इतर ताज्या घडामोडी
बोंडारवाडी धरणप्रश्नी मेढा येथे आंदोलनमेढा, जि. सातारा : बोंडारवाडी धरण झालेच पाहिजे,...
ज्वारी उत्पादन यंदाही आतबट्ट्यातचनगर ः दोन वर्षं दुष्काळाच्या झळा सोसल्यानंतर यंदा...
जांभुळणी तलावाच्या कालव्याला गळतीखरसुंडी, जि. सांगली : जांभुळणी (ता. आटपाडी) येथील...
महिला शक्‍तीतूनच नवसमाजाची जडणघडण  ः...अमरावती  ः ‘जिच्या हाती पाळण्याची दोरी ती...
सोलापूर जिल्ह्यातील पाच नळपाणी योजना...सोलापूर : प्रादेशिक पाणीपुरवठा योजनेचे पाणी...
परभणी जिल्ह्यात फळबागेची ६३९ हेक्टरवर...परभणी : यंदा सिंचन स्त्रोतांना पाणी उपलब्ध आहे....
आंबेगाव तालुक्यात प्रतिकूल हवामानामुळे...निरगुडसर, जि. पुणे ः यंदा हवामानातील बदल व...
नगर जिल्ह्यात ४८ हजार हेक्टरवर चारा...नगर : जिल्ह्यात यंदा पाण्याची बऱ्यापैकी...
जळगाव जिल्ह्यात तूर विक्रीबाबत ८००...जळगाव  ः जिल्ह्यात यंदा झालेल्या अतिवृष्टीने...
पपई १४.५५ रुपये प्रतिकिलो शहादा, जि. नंदुरबार  : पपई उत्पादक शेतकरी व...
शेतीपंपांचा वीज वापर १६ टक्के; दाखविला...अकोला  ः शेतीपंपांचा वीज वापर १६ टक्केच होत...
कोल्हापुरात गवार, घेवड्याच्या दरात...कोल्हापूर : येथील कृषी उत्पन्न बाजार समितीत या...
सोलापुरात द्राक्ष, डाळिंबाला उठाव, दर...सोलापूर : सोलापूर कृषी उत्पन्न बाजार समितीच्या...
नगर जिल्ह्यात ज्वारीची आवक वाढली, दरात...नगर : नगर कृषी उत्पन्न बाजार समितीत गेल्या...
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...