agriculture news in Marathi, heavy rain in kokan and central Maharashtra, Maharashtra | Agrowon

कोकण, मध्य महाराष्ट्राच्या दक्षिण भागात पाऊस

टीम अॅग्रोवन
मंगळवार, 14 ऑगस्ट 2018

पुणे : कोकणाच्या सिंधुदुर्ग, रत्नागिरी, मध्य महाराष्ट्रातील पुणे, सातारा, कोल्हापूरात अनेक ठिकाणी सोमवारी सकाळपर्यंतच्या २४ तासांमध्ये जोरदार पावसाने हजेरी लावली आहे. बंगालच्या उपसागरात तयार झालेल्या कमी दाबाच्या क्षेत्रामुळे शुक्रवारपर्यंत (ता. १७) कोकण, विदर्भात बऱ्याच ठिकाणी, मध्य महाराष्ट्रात अनेक ठिकाणी तर मराठवाड्यात तुरळक पावसाचा अंदाज आहे. आज (ता. १४) कोकण, मध्य महाराष्ट्रात तुरळक ठिकाणी मुसळधारेचा इशाराही देण्यात आला आहे. 

पुणे : कोकणाच्या सिंधुदुर्ग, रत्नागिरी, मध्य महाराष्ट्रातील पुणे, सातारा, कोल्हापूरात अनेक ठिकाणी सोमवारी सकाळपर्यंतच्या २४ तासांमध्ये जोरदार पावसाने हजेरी लावली आहे. बंगालच्या उपसागरात तयार झालेल्या कमी दाबाच्या क्षेत्रामुळे शुक्रवारपर्यंत (ता. १७) कोकण, विदर्भात बऱ्याच ठिकाणी, मध्य महाराष्ट्रात अनेक ठिकाणी तर मराठवाड्यात तुरळक पावसाचा अंदाज आहे. आज (ता. १४) कोकण, मध्य महाराष्ट्रात तुरळक ठिकाणी मुसळधारेचा इशाराही देण्यात आला आहे. 

ओडिशा आणि परिसरावर असलेल्या चक्राकार वाऱ्यांच्या प्रभावामुळे बंगालच्या उपसागरात सोमवारी कमी दाबाचे क्षेत्र तयार झाले आहे. या कमी दाब क्षेत्राची तीव्रता वाढत असून, मॉन्सूनचा आस असलेला कमी दाबाचा पट्टा दक्षिणेकडे सरकण्यास सुरवात झाली आहे. उत्तरेकडील राज्यांमध्ये पावसाचा दणका सुरूच आहे. बुधवारपर्यंत केरळ, कर्नाटक, घाटमाथ्यावर पाऊस आणखी वाढणार आहे. मॉन्सूनचे प्रवाह वाढल्याने कोकण, मध्य महाराष्ट्रातही पाऊस वाढणार असून, सिंधुदुर्ग, रत्नागिरीमध्ये अति जोरदार पावसाची शक्यता अाहे. तर महाराष्ट्र आणि गुजरातच्या किनाऱ्यावर समुद्र खवळणार असून, मासेमरीसाठी समुद्रात न जाण्याचा इशारा देण्यात आला आहे. 

कोकणातील सिंधुदुर्ग, रत्नागिरी, रायगड, मध्य महाराष्ट्रातील पुणे, सातारा, कोल्हापूर जिल्ह्यांमध्ये पाऊस वाढला आहे. शुक्रवारी सकाळपर्यंतच्या २४ तासांमध्ये अनेक ठिकाणी मुसळधार पावसाची, तर काही ठिकाणी अतिवृष्टीची नोंद झाली आहे. रत्नागिरी जिल्ह्यातील राजापूर येथे १२७ मिलिमीटर सिंधुदुर्गमधील आंबोली येथे १०५ मिमी, तर सातारा जिल्ह्यातील तापोळा येथे १४७ मिमी आणि लामज येथे १५३ मिमी पावसाची नोंद झाली.

धरण क्षेत्रात सुरू असलेल्या पावसाने पाणीसाठा वाढत असून, अनेक धरणांमधून पाण्याचा विसर्गही करण्यात येत आहे. तर पूर्व विदर्भातही मध्य स्वरुपाचा पाऊस झाला असून, पश्‍चिम विदर्भासह, मराठवाड्यात हलक्या पावसाची नोंद झाल्याचे कृषी विभागातर्फे सांगण्यात आले. 

साेमवारी (ता. १३) सकाळपर्यंतच्या २४ तासांमध्ये राज्यात पडलेला पाऊस (मिलिमीटरमध्ये - स्रोत कृषी विभाग) :
कोकण : खालापूर चौक ४३, पेण ६०, हमरापूर ४०, खामगाव ४०, खेर्डी ४६, मार्गताम्हाणे ४५, रामपूर ६५, कळकवणे ६५, शिरगांव ५७, दापोली ४९, बुरोंडी ५२, दाभोळ ५९, अंजर्ला ५१, वाकवली ६३, पालगड ४७, वेळवी ४९, खेड ४४, कुलवंडी ५१, भरणे ४८, दाभील ४५, तळवली ४९, मंडणगड ४५, देव्हरे ६३, खेडशी ४३, कोंडगाव ५४, देवरुख ४०, तुलसानी ४३, राजापूर १२७, कोंडिया ६०, ओणी ४९, भांबेड ५९, पुनस ३८, विलवडे ६०, देवगड ५४, शिरगाव ६१, बांदा ४५, अंबोली १०५, भेडशी ४२.
मध्य महाराष्ट्र : इगतपुरी ३०, त्र्यंबकेश्‍वर ४०, शेंडी ५९, पौड ३१, घोटावडे ३२, माले ५६, मुठे ८१, पिरंगुट ३०, भोलावडे ४२, काले ६९, लोणावळा ६४, वेल्हा ४३, पानशेत ३९, राजूर ४७, आपटाळे ३५, सातारा ४३, खेड ३९, केळघर ४४, हेळवाक ७५, मरळी ३९, मोरगिरी ३१, महाबळेश्‍वर ७९, तापोळा १४७, लामज १५३, वाडी-रत्नागिरी ३३, कळे ४१, बाजार ५२, करंजफेन ६७, मलकापूर ३१, आंबा ८३, राधानगरी ६०, सरवडे ३५, आवळी ३४, राशिवडे ३८, कसबा ४३, गगनबावडा ४८, साळवण ९२, शिरोली-दुमाला ४०, खडकेवाडा ३०, मुरगुड ३८, पिंपळगाव ३३, कडेगाव ४८, कराडवाडी ५८, गवसे ४८, चंदगड ६४, नारंगवाडी ३५, तुर्केवाडी ३१, हेरे ५९.
मराठवाडा : मोघाळी ४०, मरखेल २०, वानोळा २०.
विदर्भ : मेटिखेडा २१, पाटणबोरी २०, तेलकामठी २२, गंगाझारी २४, काट्टीपूर ४९, आमगाव ३२, कवरबांध २५, सालकेसा ३८, मूल २७, बेंबळ २५, कोपर्णा २२, सावळी २९, पाथरी ३०, विहाड ३१, देऊळगाव २८, चामोर्शी ४४, कुंघाडा २९, घोट ४२, बामणी २४, पेंटीपका २१, असारळी २१, एटापल्ली २०, कासंसूर ३२, जरावंडी ३१, गाट्टा २९, धानोरा २३, चाटेगाव २५, पेंढरी २२, मुलचेरा २०, भामरागड २०. 
 


इतर अॅग्रो विशेष
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...
दराबाबतचा दुटप्पीपणा घाऊक आणि किरकोळ बाजारांतील कांद्याचे वाढते दर...
खातेवाटप जाहीर : सुभाष देसाईंकडे कृषी,...मुंबई : मुख्यमंत्री उद्धव ठाकरे यांच्या...
फळबागांच्या माध्यमातून प्रगतिपथावर वडकी पुणे शहरापासून जवळ असलेले वडकी हे दुष्काळी गाव...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...
अपरिपक्व कांदा आवकेचा दरवाढीवर परिणामनवी दिल्ली: उन्हाळी आणि खरीप कांदा उत्पानातील...
भांडवली शेतीचा विळखा बघता बघता हरितक्रांतीला पन्नास वर्षे झाली. तसे,...
पशुखाद्य : नियोजन अन् नियंत्रणमहाराष्ट्रात २०१२ च्या दुष्काळापासून दुग्ध...
मराठवाड्यात साडेदहा हजार एकरांवर तुतीऔरंगाबाद : मराठवाड्यात यंदा ३० नोव्हेंबर...
विधीमंडळाचे हिवाळी अधिवेशन सहा दिवस...मुंबई : राज्य विधिमंडळाचे हिवाळी अधिवेशन येत्या...
विठ्ठल मंदिरात मोबाईल बंदीपंढरपूर, जि. सोलापूर ः श्री विठ्ठल मंदिराच्या...
धानासाठी क्विंटलला पाचशे रुपये अनुदानमुंबई: राज्यातील धान उत्पादक शेतकऱ्यांना दिलासा...