agriculture news in Marathi heavy rain in kokan and Kolhapur Maharashtra | Page 3 ||| Agrowon

कोकणसह कोल्हापुरात पावसाने दाणादाण 

टीम अॅग्रोवन
शुक्रवार, 18 जून 2021

कोकणातील सिंधुदुर्ग, रत्नागिरी, रायगड, मध्य महाराष्ट्रातील कोल्हापूर व घाटमाथ्यावर पावसाने चांगलाच धुमाकूळ घातला आहे. अनेक ठिकाणी अतिवृष्टी झाली. तर कोल्हापुरातील गगनबावडा येथे २८१ मिलिमीटर पाऊस पडल्याची नोंद झाली. 

पुणे : कोकणातील सिंधुदुर्ग, रत्नागिरी, रायगड, मध्य महाराष्ट्रातील कोल्हापूर व घाटमाथ्यावर पावसाने चांगलाच धुमाकूळ घातला आहे. अनेक ठिकाणी अतिवृष्टी झाली. तर कोल्हापुरातील गगनबावडा येथे २८१ मिलिमीटर पाऊस पडल्याची नोंद झाली. त्यामुळे नद्यांच्या पाणीपातळीत वाढ झाली. मात्र मध्य महाराष्ट्र, मराठवाडा व विदर्भाच्या काही भागांत अजूनही जोरदार पाऊस न झाल्याने चांगलीच ओढ दिली आहे. 

सिंधुदुर्ग, रायगड, रत्नागिरी जिल्ह्यांत मागील चार ते पाच दिवसांपासून अतिवृष्टी होत आहे. काही ठिकाणी जवळपास २५० मिलिमीटरहून अधिक पाऊस पडत असल्याने ओढे, नाले, नद्या दुथडी भरून वाहत आहेत. त्यामुळे धरणातील पाणीपातळीत वाढ होऊ लागली आहे. नगर, पुणे, सातारा, सांगली, नाशिक जिल्ह्यांच्या पश्‍चिम भागात पावसाचा शिडकावा होत आहे. कोल्हापूर जिल्ह्यात मुसळधार पाऊस झाला असून, काही ठिकाणी अतिवृष्टी झाली. जिल्ह्यातील अनेक बंधारे पाण्याखाली गेले असून, पंचगंगा नदीच्या पाणीपातळीत वाढ झाली आहे. 

मराठवाड्यात पेरण्या खोळंबल्या 
मराठवाड्यातील औरंगाबाद, बीड, जालना या जिल्ह्यांत अजूनही जोरदार पाऊस झालेला नाही. त्यामुळे अनेक ठिकाणी पेरण्या खोळंबल्या आहेत. तर परभणी, नांदेड, लातूर, उस्नानाबाद, हिंगोली या जिल्ह्यांतही पावसाचे प्रमाण कमी झाले आहे. 

पश्‍चिम विदर्भात पावसाची प्रतीक्षा 
पूर्व विदर्भात हलका ते मध्यम स्वरूपाचा पाऊस पडत आहे. त्यामुळे काही ठिकाणी शेतकऱ्यांनी पेरणीस सुरुवात केली आहे. मात्र पश्‍चिम विदर्भात जोरदार पाऊस झालेला नाही. येत्या काळात चांगला पाऊस झाल्यास वेळेवर पेरण्या होतील अशी अपेक्षा शेतकऱ्यांना आहे. 

राज्यात गुरुवारी (ता.१७) सकाळी आठ वाजेपर्यंत मंडळनिहाय पाऊस (मिलिमीटर) : स्रोत ः हवामान विभाग 
कोकण : सांताक्रूझ ३१.४, महाड ६७, माथेरान ८१, मुरूड ९९, पनवेल ५२.६, पेण ३६, पोलादपूर ७८, रोहा ५३, सुधागड पाली ५२, तळा ८४, उरण ७८, गुहागर ७५, मंडणगड ७९, रत्नागिरी ६४.६, देवगड ८७, मालवण ७०, सावंतवाडी ८९, वेंगुर्ला ९०.४, ठाणे ४८. 

मध्य महाराष्ट्र : भाडगाव ३०, भुसावळ ४७.२, जळगाव ३६, पारोळा ४७, यावल ७०, गडहिंग्लज ८७, करवीर ८५.३, शाहूवाडी ६५, गिरणाधरण ४१.४, सांगली ८५.२, कराड ९५, सातारा ५१.७. 

मराठवाडा : सोयगाव ६०, औंढा नागनाथ ३५, भूम ३०, पूर्णा ४३. 

विदर्भ : पवनी २३.६, बुलडाणा २३.८, चिखली २८.७, सेलू २३. 

शंभर मिलिमीटरपेक्षा अधिक पाऊस झालेली ठिकाणे  
कुलाबा १०२, माणगाव १०१, श्रीवर्धन १००, चिपळूण १७१, हर्णे १९९.६, खेड १५१, लांजा १३०, राजापूर १९६, संगमेश्‍वर ११०, दोडामार्ग १३७, कणकवली १४७, कुडाळ १२८, मुलदे (कृषी) १३३.२, वैभववाडी १६१, महाबळेश्‍वर २११.८, आजरा १८१, चंदगड १६०, राधानगरी १७२. 

कोल्हापुरातील ४७ बंधारे पाण्याखाली 
जिल्हा आपत्ती व्यवस्थापन विभागाकडून उपलब्ध माहितीनुसार गुरुवारी सकाळी नऊ वाजेपर्यंत दहा नद्यांवरील ४७ बंधारे पाण्याखाली गेले आहेत. यामध्ये पंचगंगा नदीवरील सात, भोगावती नदीवरील दोन, तुळशी, वारणा आणि कुंभी नदीवरील प्रत्येकी चार, दूधगंगा व कासारी नदीवरील प्रत्येकी एक, वेदगंगा नदीवरील आठ, हिरण्यकेशी नदीवरील सात आणि घटप्रभा नदीवरील सहा बंधारे पाण्याखाली आहेत. 


इतर अॅग्रो विशेष
पूर परिस्थितीवर मात करण्यासाठी यापुढे...कोल्हापूर : सातत्याने निर्माण होणाऱ्या पूर...
दोष पीकविमा कंपन्यांचा, रोष आमच्यावर;...पुणे ः पीकविमा योजनेचे कंत्राट मिळवलेल्या खासगी...
दिवेकर, ताटेंसह १४ कृषी उपसंचालकांच्या...पुणे ः राज्याच्या कृषी आयुक्तालयातील ठिबक कक्षाचे...
मध्य महाराष्ट्र, कोकण, घाटमाथ्यावर हलका...पुणे : राज्यातील धरणक्षेत्रात पावसाचा जोर कमी...
पीकविमा तक्रार निवारण व्यवस्थेचे तीन...पुणे ः पंतप्रधान पीकविमा योजनेबाबत समस्या किंवा...
यवतमाळ जिल्ह्यात वाघांची संख्या वीस यवतमाळ : वनसंपदेने नटलेल्या यवतमाळ जिल्ह्यात...
बावीस जिल्ह्यांत उभारणार तेलघाणे नागपूर ः विदर्भात तेलबियावर्गीय पिकांना...
सोयाबीन पिकाची किडीकडून चाळणआर्णी, जि. यवतमाळ : तालुक्यातील लोणी येथील...
‘आयटी’ मित्रांची शेती व्यवस्थापन कंपनीतुमची शेती आमच्यावर सोपवा, आम्ही आधुनिक...
लवांडे यांनी उभारली चारा पिकांची...फत्तेपूर (जि.. नगर) येथील अल्पभूधारक सोमेश्वर...
‘एफपीओं’ना बनवा अधिक कार्यक्षमशेतीसाठीच्या सध्याच्या अत्यंत प्रतिकूल अशा...
विदर्भ, कोकण, मध्य महाराष्ट्रात हलक्या...पुणे : बंगालच्या उपसागरातील कमी दाब क्षेत्रामुळे...
नुकसानीच्या दोन लाखांहून अधिक सूचना...पुणे ः राज्यभर कृषी विभागाच्या कार्यालयांमध्ये...
विमा कंपन्यांच्या नफेखोरीला सरकारी...पुणे ः पंतप्रधान पीकविमा योजनेचा कारभार गेल्या...
राज्यात हलका, मध्यम पावसाची हजेरी पुणे : गेल्या पाच ते सहा दिवसांपासून पावसाने...
महाराष्ट्र सेंद्रिय प्रमाणीकरण यंत्रणा...मुंबई : महाराष्ट्र सेंद्रिय प्रमाणीकरण यंत्रणेची...
केबल शेडनेटला आता अनुदान पुणे ः राज्याच्या संरक्षित शेतीला चालना...
शेळीपालनापाठोपाठ घरालाही दिले ‘ॲग्रोवन...औरंगाबाद : शेतकऱ्याचं ‘ॲग्रोवन’वरचं प्रेम पुन्हा...
शेतकरी कंपन्यांसाठी २०० कॉपशॉप साकारणार पुणे : राज्यातील शेतकरी उत्पादक कंपन्यांना...
एकोप्याच्या बळावर बदलले वडगाव गुप्ताचे...दुष्काळाशी संघर्ष करणाऱ्या वडगाव गुप्ता (ता. जि....