कोकण, पश्चिम महाराष्ट्रात मुसळधार

पुणे : कोकण, घाटमाथा व मध्य महाराष्ट्राच्या पश्चिम भागात मुसळधार पाऊस पडत आहे. यामुळे पश्चिम महाराष्ट्रातील बहुतांशी धरणे तुडुंब भरली असून विसर्ग सुरूच आहे. कोकणातही पावसाचा जोर कायम आहे. रायगड, रत्नागिरी, सिंधुदुर्ग, पालघर, ठाणे, मुंबई या जिल्ह्यांच्या अनेक भागांत मुसळधार पाऊस पडत आहे. तर सिंधुदुर्गमधील सावंतवाडी येथे सर्वाधिक १८० मिलिमीटर पाऊस पडला आहे. तर वेंगुर्ला, भिरा, मुल्दे, कुडाळ, चिपळूण, दोडामार्ग, कणकवली, सुधागड, पोलादपूर, महाड, मालवण, मंडणगड येथेही मुसळधार पाऊस पडला. तसेच ताम्हीणी, दावडी, शिरगाव, अंबोणे, लोणावळा, शिरोटा, वळवण या घाटमाथ्यावरही मुसळधार पाऊस पडला.  मराठवाड्यातही पावसाचा जोर काही प्रमाणात वाढला आहे. त्यामुळे कंधार, मुखेड येथे सर्वाधिक ७० मिलिमीटर पाऊस पडला आहे. तर नायगाव, बिल्लोळी, देगलूर, पालम, गंगाखेड, मानवत, लोहा, जळकोट, लोहारा, अमहदपूर, परळी वैजनाथ, उमरी, परतूर, उमरगा, खुलताबाद, सोनपेठ या ठिकाणीही मध्यम स्वरूपाचा पाऊस पडला.  विदर्भातील अनेक भागांत मध्यम ते जोरदार स्वरूपाचा पाऊस पडला. धरणी येथे सर्वाधिक १३० मिलिमीटर पाऊस पडला. तर धानोरा, गोंदिया, अकोट, गडचिरोली, मलकापूर, भामरागड, गोंदिया, कुरखेडा, चिखलदा, संग्रमापूर, आमगाव येथे मध्यम ते जोरदार पावसाच्या सरी कोसळल्या आहेत.  अरबी समुद्र ते केरळ या दरम्यान चक्राकार वाऱ्यांची स्थिती आहे. तसेच मध्य महाराष्ट्र ते केरळ यादरम्यान कमी दाबाचे क्षेत्र आहे. विदर्भ व छत्तीसगड या भागातही कमी दाबाचे क्षेत्र आहे. यामुळे आज (शुक्रवारी) कोकण, मध्य महाराष्ट्रात बहुतांशी ठिकाणी, विदर्भात बऱ्याच ठिकाणी तर मराठवाड्यात काही ठिकाणी पाऊस पडेल. मध्य महाराष्ट्रात तुरळक ठिकाणी अतिवृष्टी होईल. कोकणात तुरळक ठिकाणी जोरदार तर विदर्भात तुरळक ठिकाणी मुसळधार पाऊसाची शक्यता आहे.

गुरुवारी (ता. ८) सकाळी साडेआठपर्यंतच्या चोवीस तासांमध्ये राज्यातील विविध ठिकाणी पडलेला पाऊस, मिलिमीटरमध्ये ः (स्रोत - हवामान विभाग) कोकण ः सावंतवाडी १८०, वेंगुर्ला १७०, भिरा १४०, मुल्दे १४०, कुडाळ १३०, चिपळूण ११०, दोडामार्ग, कणकवली, सुधागड १००, पोलादपूर, महाड ८०, मालवण, मंडणगड ७०, खेड, लांजा ६०, वाकवली, मानगाव ५०, गुहागर, संगमेश्वर देवरूख, तला, कर्जत ४० मध्य महाराष्ट्र ः महाबळेश्वर २७०, चांदगड २१०, राधानगरी १९०, गगनबावडा १७०, आजरा, गारपोटी, बुदरगड १५०, शाहूवाडी ११०, पन्हाळा, पाटण, त्र्यंबकेश्वर, वेल्हे, लोणावळा, धडगाव ९०, जावळी मेढा, यावल, गडहिग्लज ८०, पड, शिराळा, मुक्ताईनगर, भुसावळ ७०, कागल ६०, इगतपुरी, वाई, वाळवा, पेठ, रावेर ५०, हातकणंगले, कडेगाव, भोर, कोल्हापूर, खेड, कराड, सिंदखेडा, सुरगाणा, बोदवड ४० मराठवाडा ः कंधार, मुखेड ७०, नायगाव ६०, बिल्लोळी ५०, देगलूर, पालम, गंगाखेड, मानवत, लोहा, जळकोट ४०, लोहारा, अमहदपूर, परळी वैजनाथ, उमरी, परतूर, उमरगा, खुलताबाद, सोनपेठ ३०, पाथरी, धर्माबाद, सेलू, पुर्णा, तुळजापूर, घनसांगवी, नांदेड, गेवराई, माहूर २०. विदर्भ ः धरणी १३०,धानोरा ८०, गोंदिया ७०, अकोट, गडचिरोली ६०, मलकापूर, भामरागड, गोंदिया, कुरखेडा, चिखलदा, संग्रमापूर ५०, आमगाव ४०. घाटमाथा ः ताम्हिणी २९०, दावडी २८०, शिरगाव २१०, अंबोणे १८०, लोणावळा, शिरोटा १००, वळवण ९०, वाणगाव, खांड ६०, ठाकूरवाडी, डुंगरवाडी ५०, खोपोली ३०, भिवपुरी २०.