agriculture news in marathi, heavy rain in kolhapur, maharashtra | Agrowon

कोल्हापूरच्या पश्‍चिमेकडे पावसाचा जोर कायम
टीम अॅग्रोवन
रविवार, 19 ऑगस्ट 2018

कोल्हापूर  : जिल्ह्याच्या पश्‍चिम भागात शनिवारी (ता. १८) दुपारपर्यंत पावसाचा जोर कायम राहिला. राधानगरी धरणाच्या पाणलोट क्षेत्रात जोरदार पाऊस झाल्याने या धरणाचे चार स्वयंचलित दरवाजे उघडले होते. राधानगरी धरणातून ७ हजार क्‍यूसेकहून अधिक पाणी भोगावती नदीपात्रात सोडले जात असल्याची माहिती पाटबंधारे विभागाच्या सूत्रांनी दिली.

कोल्हापूर  : जिल्ह्याच्या पश्‍चिम भागात शनिवारी (ता. १८) दुपारपर्यंत पावसाचा जोर कायम राहिला. राधानगरी धरणाच्या पाणलोट क्षेत्रात जोरदार पाऊस झाल्याने या धरणाचे चार स्वयंचलित दरवाजे उघडले होते. राधानगरी धरणातून ७ हजार क्‍यूसेकहून अधिक पाणी भोगावती नदीपात्रात सोडले जात असल्याची माहिती पाटबंधारे विभागाच्या सूत्रांनी दिली.

दूधगंगा धरणातून सर्वाधिक ७५०० क्‍युसेक पाण्याचा विसर्ग होत आहे. घटप्रभा प्रकल्पातून प्रतिसेकंद ५ हजार क्‍यूसेक पाण्याचा विसर्ग होत असल्याचे पाटबंधारे विभागातून सागंण्यात आले. चिकोत्रा वगळता इतर सर्व प्रकल्प ९५ ते १०० टक्के इतके भरले आहे. चिकोत्रा धरणात ७० टक्के पाणीसाठा झाला आहे. पूर्वेकडील तालुक्‍यात मात्र पावसाने विश्रांती घेतली आहे. या तालुक्‍यांत शनिवारी दिवसभर ढगाळ हवामान होते. धरणक्षेत्रात पाऊस सुरू असल्याने येत्या दोन दिवसांत धरणांमधून आणखी पाणी सोडले जाण्याची शक्‍यता आहे. त्यामुळे सर्वच नद्यांच्या पाणी पातळीत वाढ होण्याची शक्‍यताही निर्माण झाली आहे. पंचगंगा नदीचे पाणी दोन दिवसांपूर्वीच पात्राबाहेर पडले आहे. इतर नद्यांचे पाणीदेखील कोणत्याही क्षणी पात्राबाहेर पडण्याचा धोका असल्याने नागरिकांनी खबरदारी घ्यावी, असे आवाहन पाटबंधारे विभागाने केले आहे.

नद्यांच्या पाणी पातळीत वाढ होत असल्याचे पाण्याखाली जाणाऱ्या बंधाऱ्यांच्या संख्येतही झपाट्याने वाढ होत आहे. शनिवारी(ता. १८) सकाळी आठ वाजेपर्यंत ४० बंधारे पाण्याखाली गेले होते. यामध्ये पंचगंगा नदीवरील शिंगणापूर, राजाराम, सुर्वे, रुई, इचलकरंजी, तेरवाड व शिरोळ हे सात बंधारे पाण्याखाली आहेत. भोगावती नदीवरील तारळे, शिरगांव, हळदी, राशिवडे, खडक कोगे व सरकारी कोगे हे सहा बंधारे पाण्याखाली आहेत. वारणा नदीवरील चिंचोली, माणगाव, कोडोली, शिरगाव व खोची हे पाच बंधारे पाण्याखाली आहेत. दूधगंगा नदीवरील सुळंबी, सुळकुड, सिद्धनेर्ली, बाचणी, दत्तवाड, कसबा वाळवे व तुरूंबे हे सात बंधारे पाण्याखाली आहेत. तुळशी नदीवरील बीड हा एक बंधारा पाण्याखाली आहे. कुंभी नदीवरील कळे हा एक बंधारा पाण्याखाली आहे.

वेदगंगा नदीवरील निळपण, वाघापूर, कुरणी, सुरुपली, बस्तवडे व चिखली हे सहा बंधारे पाण्याखाली आहेत. ताम्रपर्णी नदीवरील कुतनवाडी हा एक बंधारा पाण्याखाली गेला आहे. कासारी नदीवरील यवलूज, ठाणे आळते, पुनाळ तिरपन  हा तीन बंधारे पाण्याखाली गेले आहेत. तर घटप्रभा नदीवरील पिळणी, कानडी सावर्डे, बिजूर भोगोती हे तीन बंधारे पाण्याखाली गेले आहेत. गगनबावडा तालुक्‍यात सर्वाधिक ५३.५० मि.मी. पावसाची नोंद झाली.

तालुकानिहाय पाऊस (मि.मी.) ः हातकणंगले ३.२५, शिरोळ १.२८, पन्हाळा ६.२९, शाहुवाडी ३५.८३, राधानगरी ४६.५०, करवीर १३.००,  कागल २१.८६, गडहिंग्लज १५.००, भुदरगड ३१.४०, आजरा ३६.०० व चंदगड २२.६६.

इतर ताज्या घडामोडी
अकोल्याचा रब्बी हंगाम दीड लाख हेक्टरवर...अकोला  ः खरिपात पिकांचे नुकसान झाल्याने काही...
सोलापूर जिल्ह्यात नुकसानभरपाईसाठी २०४...सोलापूर : यंदा ऑक्‍टोबर महिन्यात झालेल्या...
पुणे : नुकसानग्रस्त भाजीपाला पिकांचे...पुणे ः मॉन्सुनोत्तर पावसामुळे पुणे विभागात नऊ...
अमरावती जिल्ह्यात ज्वारी ठरेल रब्बीत...अमरावती  ः मध्यम जमीन व सिंचनाच्या सोयी...
साहेब, संत्रा उत्पादकांचे प्रश्‍न सोडवा...नागपूर ः ‘‘दुचाकी, कार आणि घर घेण्यासाठी कर्जाचे...
परभणी : दूधातील घट ऑक्टोबरमध्येही कायमपरभणी : शासकीय दूध योजनेतंर्गंत येथील दुग्ध...
सातारा जिल्ह्यात भूजल पातळीत वाढसातारा ः जिल्ह्यात यंदा झालेल्या अतिवृष्टी,...
नगर जिल्ह्यात सव्वाचार लाख हेक्‍टर...नगर ः मागील महिन्यात झालेल्या अतिवृष्टीमुळे खरीप...
कोल्हापूरच्या पूर्वेकडच्या भागात...कोल्हापूर : एकेकाळी सोयाबीनच्या उत्पादनात अग्रेसर...
ओला दुष्काळ जाहीर करा; बच्चू कडूंचे...मुंबई : राज्यात ओला दुष्काळ जाहीर करून...
गुलटेकडीत कांद्याच्या आवकेत घटपुणे ः गुलटेकडी येथील कृषी उत्पन्न बाजार...
दक्षिण आफ्रिकेतील हापूस आंबा सांगलीतसांगली : आंब्याचा हंगाम सुरू होण्यास अद्याप...
परभणीत शेतकरी संघर्ष समितीचे रास्ता...परभणी ः जिल्ह्यात मॉन्सुनोत्तर पाऊस आणि...
पीकविम्यासाठी शेतकऱ्यांचा कंपनीसमोर...पुणे ः मागील २०१८ या वर्षातील बीड जिल्ह्यातील...
पंतप्रधान मोदी आणि शिवसेनेत दरी निर्माण...मुंबई ः पंतप्रधान नरेंद्र मोदी आणि शिवसेना...
राज्यात लसूण ४२०० ते २० हजार रूपये...सांगलीत ४२०० ते १५००० रुपये सांगली : येथील...
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...