agriculture news in Marathi, heavy rain in Kolhapur, Maharashtra | Agrowon

कोल्हापुरात पावसाचा जोर वाढला

टीम अॅग्रोवन
शुक्रवार, 12 जुलै 2019

कोल्हापूर : जिल्ह्यात बुधवारी (ता. १०) सायंकाळपासून पावसाचा जोर कायम होता. विशेष करून धरणक्षेत्रात जोरदार पाऊस सुरू असल्याने नद्यांसह धरणातील पाण्याची पातळीही जलदगतीने वाढत आहे. यामुळे लहान नद्यांचे पाणी पात्राबाहेर पडण्यास सुरवात झाली आहे. 

कोल्हापूर : जिल्ह्यात बुधवारी (ता. १०) सायंकाळपासून पावसाचा जोर कायम होता. विशेष करून धरणक्षेत्रात जोरदार पाऊस सुरू असल्याने नद्यांसह धरणातील पाण्याची पातळीही जलदगतीने वाढत आहे. यामुळे लहान नद्यांचे पाणी पात्राबाहेर पडण्यास सुरवात झाली आहे. 

जोरदार पाऊस पडत असल्याने अनेक गावांचे मार्ग बंद होण्यास प्रारंभ झाला आहे. या ठिकाणी पर्यायी मार्गाने वाहतूक सुुरु आहे. गुरुवारी सकाळी चंदगड तालुक्‍यातील ताम्रपणी नदीवरील जांबरे प्रकल्प शंभर टक्के भरून सांडव्यातून पाणी बाहेर पडण्यास प्रारंभ झाला. कोदे लघुप्रकल्पही पूर्णपणे भरला असून, यातून कोणत्याही क्षणी पाणी बाहेर पडू शकते अशी परिस्थिती आहे.

गेल्या चार दिवसांपासून धरणक्षेत्रात जोरदार पाऊस झाल्याने धरणे तीस टक्क्यांपर्यंत भरली आहेत. जिल्ह्यातील महत्त्वाच्या समजल्या जाणाऱ्या राधानगरी धरणात ४ टी.एम.सी. इतका पाणीसाठा झाला आहे. दूधगंगेत ७, तर वारणा धरणात १४ टीएमसी पाणीसाठा झाला आहे.

गुरुवारी सकाळी नऊ वाजता संपलेल्या चोवीस तासांत गगनबावड्यात सर्वाधिक १२२ मि.मी. पावसाची नोंद झाली. शिरोळमध्ये सर्वांत कमी ६ मि.मी. पाऊस झाला. 
पंचगंगा नदीवरील राजाराम, सुर्वे, रुई, इचलकरंजी, तेरवाड, शिरोळ व शिंगणापूर हे सात, भोगावती नदीवरील राशिवडे, हळदी, सरकारी कोगे, खडक कोगे व शिरगाव हे पाच, तुळशी नदीवरील बीड व आरे हे दोन, वारणा नदीवरील चिंचोली, माणगाव, तांदूळवाडी, खोची, कोडोली व शिगाव हे सहा, कासारी नदीवरील यवलूज, ठाणे-आळवे, पुनाळ-तिरपन, वालोली, बाजारभोगाव व करंजफेण हे सहा, कुंभी नदीवरील कळे, वेतवडे, मांडुकली व शेणवडे हे चार, कडवी नदीवरील शिरगाव, सवते सावर्डे व पाटणे हे तीन, वेदगंगा नदीवरील निळपण, वाघापूर, शेणगाव, गारगोटी, म्हसवे, कुरणी, बस्तवडे, सुरुपली व चिखली हे नऊ, हिरण्यकेशी नदीवरील ऐनापूर, साळगाव व नीलजी हे तीन, घटप्रभा नदीवरील कानडे-सावर्डे, आडकूर, बिजूर भोगोली व हिंडगाव हे चार, ताम्रपर्णी नदीवरील चंदगड, कुर्तनवाडी, हल्लारवाडी, धोलगरवाडी, माणगाव व कोवाड हे सहा, दूधगंगा नदीवरील दत्तवाड, सुळकुड व सिद्धनेर्ली हे तीन, आणि धामणी नदीवरील सुळे व आंबर्डे असे साठ बंधारे पाण्याखाली गेल्याची माहिती पाटबंधारे विभागाच्या सूत्रांनी दिली. 

धरणसाठा (टीएमसी) 
तुळशी १.७२ वारणा १४.६६ , दूधगंगा ७.९२ , कासारी १.४९ , कडवी १.५७ , कुंभी १.२९ , पाटगाव १.९५ , चिकोत्रा ०.६५ , चित्री ०.८९ , जंगमहट्टी ०.७२ , घटप्रभा  १.५६ , जांबरे ०.८२ , कोदे (ल पा) ०.२१


इतर ताज्या घडामोडी
हिवाळी अधिवेशनात कर्जमाफी घोषणेची...पुणे : महाविकास आघाडीच्या किमान समान...
हिवाळी अधिवेशनात अंतिम आठवडा प्रस्तावच...मुंबई  ः येत्या सोमवारपासून नागपूर येथे सुरू...
गायीच्या दूध खरेदी दरात एक रुपयाने वाढपुणे  ः परराज्यांसह भुकटी उद्योगांकडून...
लाल कांद्याच्या दरात सुधारणा नाशिक  : दरवर्षीच्या प्रमाणे लाल कांद्याची...
सोलापूर जिल्ह्यातील नुकसानीपोटी मिळणार...सोलापूर  : ऑगस्टमध्ये आलेल्या महापुरात...
ठाकरे सरकारचे उद्यापासून पहिलेच अधिवेशनमुंबईः नागपूर येथील छोटेखानी हिवाळी अधिवेशनात...
ग्रासपेंटिंगच्या माध्यमातून...शिराढोण ः उस्मानाबाद जिल्ह्यातील निपाणी (ता. कळंब...
तनपुरे कारखाना चालावा ही जिल्हा बॅंकेची...नगर : "डॉ. बाबूराव तनपुरे सहकारी साखर कारखान्याची...
औरंगाबादमध्ये कांदा १२०० ते ८००० रुपये...औरंगाबाद : येथील कृषी उत्पन्न बाजार...
नांदेड, परभणी, हिंगोलीत नुकसानीपोटी ५७८...नांदेड : अवेळी पावसामुळे झालेल्या पिकांच्या...
कोल्हापुरात पुष्प प्रदर्शनास प्रारंभकोल्हापूर  : गार्डन्स क्लब आणि कोल्हापूर...
कळवण येथे शेतकरी संघटनेचे निर्बंधमुक्ती...नाशिक  : शेतकरी संघटनेचे संस्थापक शरद जोशी...
नुकसानीमुळे पीककर्जाकडे शेतकऱ्यांचा कल पुणे ः अतिपावसामुळे खरीप पिकांचे नुकसान...
सटाणा शहरात कचऱ्यापासून होणार...नाशिक : सटाणा शहराने स्वच्छतेच्या बाबतीत...
पुणे जिल्हा परिषद अध्यक्ष पदासाठी आज...पुणे ः पुणे जिल्हा परिषदेच्या अध्यक्ष पदासाठी...
औरंगाबाद, जालना, बीड जिल्ह्यांत कापूस...औरंगाबाद : आधी दुष्काळाचा ताण, त्यानंतर...
पुणे जिल्ह्यात ग्रामपंचायतींच्या...पुणे ः जिल्ह्यात पुढील वर्षी जुलै ते डिसेंबर २०२०...
काळ्या ज्वारीमुळे शासकीय खरेदीला ब्रेकअमरावती  ः अचलपूर खरेदी विक्री संघाला ज्वारी...
मराठवाड्यातील १४ लाख ५५ हजार हेक्‍टरवर...उस्मानाबाद : मराठवाड्यातील आठही जिल्ह्यांत १४ लाख...
अकोल्यात सोयाबीन पोचले ४१०० पर्यंतअकोला ः येथील कृषी उत्पन्न बाजार समितीत सोयाबीनला...