agriculture news in Marathi heavy rain in Latur and Nanded Maharashtra | Agrowon

लातूर, नांदेडमध्ये दमदार पाऊस

टीम अॅग्रोवन
सोमवार, 28 सप्टेंबर 2020

राज्यातील अनेक भागांत पावसाचे वातावरण निवळून ऊन पडण्यास सुरूवात झाली आहे. मात्र, मराठवाड्यातील काही भागांत अजूनही दमदार पाऊस पडत आहे.

पुणे ः राज्यातील अनेक भागांत पावसाचे वातावरण निवळून ऊन पडण्यास सुरूवात झाली आहे. मात्र, मराठवाड्यातील काही भागांत अजूनही दमदार पाऊस पडत आहे. लातूर, नांदेड, परभणी जिल्ह्यांत पावसाने चांगलीच हजेरी लावल्याने पिकांचे नुकसान झाल्याची स्थिती आहे.

मराठवाड्यात होत असलेल्या पावसामुळे खरिपातील पिके धोक्यात आली आहेत. औरंगाबाद, बीड, जालना, हिंगोली, उस्मानाबाद जिल्ह्यांत पावसाचा जोर कमी असून अनेक भागात पावसाचे प्रमाण कमी झाले आहे. त्यामुळे पिकांतील वाफसा स्थिती हळूहळू पूर्वपदावर येत असल्याने शेती कामे सुरू होत आहेत. मात्र, लातूर, नांदेड, परभणी जिल्ह्यांत पावसाचा जोर बऱ्यापैकी आहे. नांदेडमधील पासदगाव शिवारात अतिवृष्टीमुळे गंगाधर जाधव यांच्या सोयाबीन पाण्याखाली आहे. 

परभणीतील सायाळा सुगाव येथे गोदावरी नदीला महापूर आल्याने गोदावरीची उपनदी इंद्रायणीचे पाणी तुंबले असून सायाळा सुनेगाव रस्त्यावरील पूल पाण्याखाली गेल्याने नागरिकांना कसरत करावी लागत आहे. तर गंगाखेड तालुक्यातील मुळी शिवारात कापणी केलेल्या सोयाबीनचे पीक भिजून नुकसान झाले. विदर्भातही पावसाचा प्रभाव कमी झाला आहे. बुलडाणा, वाशिम, चंद्रपूर जिल्ह्यांत काही ठिकाणी पावसाचा शिडकावा झाला. पाऊस कमी झाल्याने शेतातील फवारणीचे कामे वेगाने सुरू आहेत. तर काही ठिकाणी काढणीचे कामे सुरू आहेत.

गेल्या दोन ते तीन दिवसांपासून महाराष्ट्रातील काही भागात पावसाने उघडीप देण्यास सुरुवात केली आहे. कोल्हापूर, नाशिक, सातारा जिल्ह्यात तुरळक ठिकाणी हलक्या सरी पडल्या. मात्र, इतर भागात ऊन पडल्यामुळे बाजरी, तूर, सोयाबीन पिकांची काढणी वेगाने सुरू झाली आहे. तर मूग, उडीद पिकांची काढणी पूर्ण झाली आहे. येत्या काळात पाऊस न झाल्यास काढणी पूर्ण होऊन रब्बीची तयारी शेतकरी करतील अशी अपेक्षा आहे. खानदेशातही पावसाचा जोर कमी झाल्याने शेतीकामे वेगाने सुरू आहेत.  

कोकणातही पाऊस कमी झाला असून सिंधुदुर्ग जिल्ह्यात पाऊस थांबण्याची कोणतीही चिन्हे नाहीत. शनिवारी सकाळपासूनच जिल्ह्याच्या बहुतांशी भागात रिमझिम पावसाला सुरुवात झाली होती. काही भागात पावसाच्या जोरदार सरी कोसळल्या. पाऊस सुरूच असल्यामुळे शेतकऱ्यांच्या चिंतेत वाढ झाली आहे. पावसात भातकापणी करायची कशी असा प्रश्‍न शेतकऱ्यांसमोर उभा आहे. काही भागात रिमझिम तर काही भागात जोरदार पावसाच्या सरी कोसळत आहेत. दररोज सकाळपासून पडणारा हा पाऊस शेतकऱ्यांच्या चिंतेत भर घालणारा आहे. जिल्ह्यात मोठ्या प्रमाणात भातपिके परिपक्व झालेली आहेत. परंतु पावसामुळे भातकापणी करता येत नाही, अशी शेतकऱ्यांची स्थिती आहे. 

काही ठिकाणी भातपिके जमिनीवर कोसळली आहेत. त्यामुळे जर पावसाचे प्रमाण असेच राहिले तर या पिकांचे नुकसान अटळ आहे. भातकापणी करता येत नाही म्हणून शेतकरी हवालदिल झाले आहेत. दरम्यान रविवारी दुपारनंतर पावसाने उघडीप दिली होती.

रविवारी (ता.२७) सकाळी आठ वाजेपर्यंत झालेला 
पाऊस (मि.मी.मध्ये) ः (स्त्रोत, हवामान विभाग)    
   
 कोकण : महाड १०, चिपळूण २५, गुहागर २४, हर्णे २९.६, लांजा १६, रत्नागिरी १३.९, दोडामार्ग २७, कणकवली ३१, कुडाळ १०, वैभववाडी १४.
 मध्य महाराष्ट्र : आजरा १२, राधानगरी २०, गिरणाधरण ११.२, महाबळेश्वर २३.३.
 मराठवाडा : औंढा नागनाथ ३३, वसमत २२, अहमदपूर ३१, जळकोट २६, रेणापूर ३३, अर्धापूर २३, भोकर ५२, बिलोली २०, देगलूर ५२, हादगाव ६७, किनवट ३७,  मुदखेड ४४, मुखेड ३८, नायगाव खैरगाव ३४, उमरी २४, कळंब १९, उमरगा ३२, पुर्णा ३३.
 विदर्भ : लोणार २०.२, कळमेश्वर १६, रिसोड ३५.९, वाशिम १२.१


इतर ताज्या घडामोडी
नगर जिल्ह्यात दीड लाख हेक्टर पिकांची...नगर ः नगर जिल्ह्यात आॅक्टोबर महिन्याच्या...
पुणे विभागात सव्वापाच लाख हेक्टरचे...पुणे ः चालू वर्षी पावसाळ्याच्या जून ते ऑक्टोबर या...
वाशीममध्ये ‘पोकरा’च्या कामांना गती...वाशीम : जागतिक बँक अर्थसहाय्यीत नानाजी देशमुख...
कृषी कायद्यांवरून द्वेषपूर्ण राजकारण ः...अकोला ः पंतप्रधान नरेंद्र मोदी यांनी ऐतिहासिक...
लाखांदूर तालुक्यात धान्य साठ्यासाठी सहा...भंडारा : जिल्ह्यातील लाखांदूर तालुक्यातील जिरोबा...
माथाडी कामगारांच्या वादात कोल्हापुरात...कोल्हापूर : येथील शाहू मार्केट यार्डातील गूळ...
जालना जिल्ह्यात १९० शेतकऱ्यांची बांबुला...जालना  : कृषी विज्ञान केंद्राच्या पुढाकाराने...
कापसाच्या पीक कापणीतून दोन गुंठ्यांत २...लोहगाव, जि. औरंगाबाद : लोहगाव महसूल मंडळाच्या...
रत्नागिरीत बारा हजार हेक्टरवरील भात,...रत्नागिरी ः जिल्ह्यात झालेल्या अतिवृष्टीमुळे १०...
नांदेड जिल्ह्यात आर्द्रतेच्या नावाखाली...नांदेड : राज्यात परतीच्या पावसामुळे शेतकऱ्‍...
मदत लवकरच शेतकऱ्यांच्या खात्यांवर ः डॉ...परभणी : ‘‘नैसर्गिक संकटात राज्य सरकार...
देवळा तालुक्यात उन्हाळ कांद्याच्या...देवळा, जि. नाशिक : एका बाजूला कांदा खरेदी बंद...
पाच एकरातील सोयाबीनला लावली आगयवतमाळ : केवळ अतिवृष्टीग्रस्त (६५ मिलिमीटरवर)...
उद्या सर्व मंत्र्यांचे काळी फीत बांधून...मुंबई ः सीमाभागात दरवर्षी १ नोव्हेंबर हा कर्नाटक...
भोसे, मरवडे मंडलांतील १९६ द्राक्ष...मंगळवेढा, जि. सोलापूर ः गतवर्षीच्या...
सोलापूर जिल्ह्यात रोपवाटिका योजनेच्या...सोलापूर : जिल्ह्यातील भाजीपाला उत्पादनाला...
पंढरपूर बाजार समितीत वजनावर केळीची...सोलापूर : पंढरपूर कृषी उत्पन्न बाजार समितीमध्ये...
विदर्भ, मराठवाड्यात गुरुवारपासून आंदोलन...अकोला ः आॅक्टोबरमधील परतीच्या पावसाने संपूर्ण...
‘स्वाभिमानी’ची ऊस परिषद सोमवारी ऑनलाइनकोल्हापूर : संपूर्ण राज्याचे लक्ष लागलेल्या...
रब्बी हंगामातील पिकांचे व्यवस्थापनरब्बी पिकांच्या लागवडीसाठी योग्य जमिनीची निवड,...